عندما تتبدد الغيوم ...

البارت الثالث عشر

البارت الثالث عشر ...

امان السامرائي ....

عندما تتبدد الغيوم ....

وكفت اغسل وجهي على المغسلة ...اباوع على ملامح وجهي ...عيوني ذبلت ...تنفسي سريع ..وكلبي دكاتة مدتهدأ ...شنو الي صار قبل شوية... مدا افهم شي ..فهد اي فهد لزم ايدي ..واتقرب علية ليش هيج صار بية ...لان محد متقرب مني هلقرب من قبل ...
زين ليش اتقرب هلكد ...معقولة يحس اتجاهي شي ...
لو ديوصلي فكرة انو اني حلالة ...كلبي راح يخترق صدري ..نضرة عيونة ..ولمسة ايدة بس اتذكرهن يرجع كلبي يدك يدك يدك ..مينطي مجال .. رحت فوك اخذت يزن نومتة ...البنات جانو لهسة جوة ..سمعت باب غرفة فهد انفتح ..طفيت الاضوية...
وغمضت .عيوني ..انفتح باب الغرفة على كيف ..وصوتة بهمس ...رهههف رهف ...
ضليت بمكاني مفتحت ..ولا اتحركت ..بس اتخربطت كل اوضاعي من قربة ...اتقرب ..خله شي على الكومدي الي يم راسي ..وضل واكف حسيت نفسي راح اضحك ... طلع من الغرفة فتحت تك عين اي صدك طالع باوعت بصفي موبايلي ...رجعة ...
فتحتة وكلبت بي شفتة ماسح رقم معتز ..رجعت خليتة على الكوميدي ورجعت راسي على المخدة ..غمضت عيوني ...رجعت اتذكرت اللحضات وية فهد ...فتحت يالله شبية ...اتخبلت ...ضليت افكر باللحضات ويا الى ان نمت ...
كعدت الصبح ..كمت اخذت نفس خليت الشال على راسي ونزلت ...الحمد الله جان نايم بعدة ...اتريكت وية عمي وعمتي... البنات نايمات ويزون وياية ... لملت الميز وعزلت البيت ..وعمتي لبست وطلعت لسوك وعمي هم طلع بقيت اني ويزن بالبيت ..ذبيت الحجاب من راسي ...لان شهر السابع وحارة ...شلهت رداني وكعدت اغسل بالكراج ..ويزن يمي ...كام يبجي يريد المي انطيته يا ويبللني ويضحك ...سديت المي واني انشف بالكراج سمعت صوتة وراية ...
رهف
التفتت علية ..
تعالي سويلي ريوك ..
استغربت من طلبة اول مرة يطلب مني حاجة ..
كتلة هسة ...تركت الماسحة ..دخلت جان كاعد على الميز واني اتحرك اسوي ريوك وهو عينة وراية ...حتى انثولت ...وبعد ما اعرف اشتغل طلعت الطاوة من الكاونتر وكعت كل الطاوات ...رحت خليتهن اجيت اكوم انركع راسي بالباب ركعة ...صرت عصبية ..وهو يضحك ...اجيت اطك البيض جدحت مية مرة ومشتغلت العين ..كام ووكف يمي ..واني مستمرة اشغل العين ..اخذ الجداحة من ايدي اول مشغلها اشتغلت ضل واكف ...
فهد ممكن تطلع من المطبخ ومن يخلص اصيحك .
جتف ايدة ليش بالله وكفتي هنا زاعجتج ...
مو قصة زاعجتني بس ماخذ على ايدي ...مدا اعرف اشتغل ...
اني كاعد بمكاني انتي ثوليتي ...
😒 لان ضليت اتباوع ...
بكيفي ..صدك تعالي انتي ليش نازعة الحجاب ..
خليت ايدي على راسي ...عززة نسيتة ...رحت ركض ..لبستة ...ورجعت .
عقد حاجبة وكلي ...موقصدي تلبسي مني ..قصدي على اخوتي ...
رجعت طكيت البيض واني احجي حسام طالع ..ومهند نايم ..بعدين انت حالك حالهم ...
انتي جلبتي حالي حالهم ..اني عاقد عليج ...يعني حلال ..تنزعين الحجاب كدامي ..لج اني الوحيد حلال اغسلج ..
من حجة هيج معدتي رجفت ..هو يفكر اني حلالة ..بس احنه اتزوجنة على اتفاق ..
لا انت حالك من حال الكل ..اني وياك عقدنة على اتفاق ..يعني فترة صح ماعرف مدتهة لكن فترة وينتهي كلشي ...
فورا صار وجهة احمر ...وعروق ركبتة بينت ..عقد حاجبة ..
.لا حبابة مو بكيفج تنتهي ...شوكت متعجبني بنية واحبها ...واتزوج ...عود بوكتها اطلكج ...مو شوكت ماعجبج واحد وحبيتي تتزوجين ..اعوفج على حل شعرج واني هنا ما امشي بكيفكم ...
كام ودفع الميز حتى زقانيب ماريد ..لا خلفت عليج ..
ضليت بمكاني حتى عيوني دمعت ...ليش هيج هو شايف نفسة وهيج يأذي من يحجي يعني اني شكتلة ..