عندما تتبدد الغيوم ...

البارت الثالث

عندنا تبدد الغيوم

امان السامرائي

الساعة 3:45 صباحاً

كاعد وحدي بغرفتي ...مطفي الضوة ...وكلساع اباوع من الشباك ...الليل هدوء يخوف ..وعيني مدتاخذ نوم ...الوضع ميطمن ...متعرف منو وياك ومنو عليك ...على اي دقيقة ..يدخلون ...وياخذون ..
خايف ياخذون ابوية لو اخوتي ...اطلع اسلاحي من بداية الليل ...واخلي جوة راسي ....سمعت ابوية ديتوضة جوة ...غير ينباع هلبيت عاد ....ونطلع من كل بغداد ...المدينة الي انولدنة وعشنة بيها اتنفسنة هواها وشربنا مايها ..وربينة بحضانها عمري 30 سنة ..اندلها شبر شبر بس بعد مينعاش بوسطها ..صرنة .هسة بس انريد نطلع منها ...اخوتي الاصغر مني حسام ..ومهند ...مديعرفون خطورة الوضع ...لل11 بليل ميرجعون خبلوني خل نطلع من كل بغداد وراسي يبرد ...حتى اكدر اسافر ...وية الشركة الامريكية للمنتجات النفطية بما اني كملت هندسة نفط ..صرت مرغوب عدهم ...
كاعد افكر ..وكل شوية اروح للشباك ..اباوع اخاف اكو حركة غريبة ...كاعد على الجرباية ..وسمعت الباب انكدت ...بقوة ..فضيعة ...طفرت من مكاني ..على الشباك ...شفتها بنية ..وشايلة طفل ...ركضت نزلت جوة ..واخذت سلاحي اخاف كمين ...امي كعدت واخوتي وخواتي وابوية بيدة المفاتيح ...

لحضة يابة ..بنية الي بالباب شفتها من ..شباك الغرفة ..
بس خاف كمين ...حسام اركض جيب البرنو ...ابقو كلكم جوة ...لحد يطلع اي حركة غريبة قفلو الباب ومعليكم بية ...
يابة فهد ...دير بالك ...
انشاء الله بس فوتو جوة ...
فتحت باب المطبخ ..صحت ..منووو ..وسحبت اقسام ..

انيي انييي رهف ...افتحو الباب ...
صحت يارهف ...
عفية اخوية افتح الباب اني رهف بت عمك ...

رهف بت عمي؟؟ ...شبيها تشهك ..شجايبها بهيج وقت
دخلت جوة يابة عمي صالح عندة بنية اسمها رهف ...
ايي يابة رهف و وسام ...ليش ..
البنية الي بالباب اتكول اني رهف ...بت عمك ..
افتحلها الباب شتنتضر ...
لحضة يابة خاف مو رهف ...
اتخبلت انتَ ..وخر هيج ...
رحت ركض لزمت ابوية ..لحضة يابة ...خليني افتهم ...
حاجيتها من ورة الباب اشلون اثبت انتي رهف
الله يخليك افتح والله اني رهف ...ابوك اسمة مرتضى ..وامك اسمها افراح ..واعرف وحدة من خواتك اسمها سهى ...
راح اشعل اهلك ..افتح الباب ..
اي فاتحها يابة ..ولو ماعرف ..ممطمن ..

فتحت الباب وجانت بنية شابة ..وشايلة طفل على جتافها...وتختض من البرد وتبجي دموعها شلال
.
.. اي هاي رهف بت صالح ..شطلعج عمي بليالاي ...
عمي ...ابوية . ابوية...راح يدخلون علينة ..عمو الحكهم ...
امشي جوة ..امشي ...
حسام ركض لغرفتي ..شوف اكو احد وراها ...
دخلنها جوة ...التمينة كلها فوك راسها ..امي شغلتها الصوبة ....وحطتها يم رجلها ...وخدرتلها ورد ماوي اختي سارة ..واختي علياء اخذو الطفل من ايدها ونيمو جوة لان خدودة ثلج ...
وهي ترجف وعيونها شلال ...
كعدت امي تقرة على راسها قرآن ...بدت تهدأ ...