البارت السادس عشر
امان السامرائي ...
عندما تتبدد الغيوم ..
شنو الي ديصير وياك يافهد ...صدك ليش من اجي لهنا ..هيج يصير عندي رغبة برهف ...هي وياها حق ..
وعرفت بياسمين ...اشلون اكلج يرهف انو ياسمين ماحاس اتجاها شي ...واني مصارت عندي رغبة ببنية قبلج ...نمت بصعوبة وكعدت ب ال11 نزلت لكيت الكل رايحين لديراهم . .سهى وعلياء يرتبن بالبيت ...ويزن يحور وراهن بالبيت ..وامي بالمطبخ ..
صبحت عليها اجة يزن علية يركض لعبتة وصعدتة ٠على جتافي ...لعد سارة ورهف وين ...
بالدوام ....
اششللللللللون يادوام ...
داومن جامعة ليش متدري ...
مييين ادررري وانيي طرطور بهل بيت ...شديداومن ..
رهف صيدلة وسارة اداب فرنسي ....
بالله ان حجيت عن ساررة مالي حق ابوية موجود ..وهو الة الرأي ..اله هذيج اللخ ...معرفت تكول تحجييي شنوو مااحاسبة احد مو بعينها رجال ..
دخلت سهى ..
شبيك فهد شنو هلصياح ..اشوكت تبطل منة
سهى طلعي منها ...بت عمج ممرباية ...
اسكت فهد ..عيب عليك ..البنية ابوية بيدة حطها جامعة حالها من حال سارة ...
لا سهى مو حالها من حال سارة بت عمج اني مسؤل منها كدام الكل ...المفروض تاخذ شوري ...
وهي وين لاكيتك البنية ...رافع عليها تلفون ...سائل عن احوالها ...شايفها شنو اوضاعها ...عيب تحجي هلكلام ...من تعتبرهة انت مسؤلة منك ..عود هي تعتبر نفسها هشكل ...ولة مو انت حاجي عليها والبنية كلش مجروحة ...وعرفت انو محد الها غير شهادتها ..
يأما تخليها تحت جناحك وتعوف خرابيطك ..الي هناك ..يااما اعتق البنية وخليها اتشوف حالها ...
سهى طلعي من يمي ...
حبيب ..هذا حق الله ولازم ينكال ..
ماشي بس طلعي ...
طالعة ...
طلعت سهى وحجيها فر دماغي فر ...باوعت ليزن واتخيلتهم تحت جناحي وبغرفتي ...بس مع ذالك كلبي مابرد منها اذا التقت بمعتز ورجعت الة شكول
جريت يزن وكعدتة بحضني دخلت ست الحسن ...وهي كاشخة ..وجمالها مثل ماهو ولا كأنه اربع ساعات دوام المكياج المرتب بنزاكة ..والمشية والاناقة ...احتركت بزايد واني افكر معقولة احد انعجب بيها اوحلت بعين واحد ..وفكر بيها تفكير مو خوش ...صعدت و لحكتها انتضرتها تبدل وتطلع ... فرغت كل الحجي الي بداخلي ..ردت اقهرها انقلب الوضع علية ..وطلعت من معركة الكلام وياها فشلان ..
اعصابي تلفت واني افكر بيها ..والي راح تصادفهم بالجامعة ..وصلت لقرار انو اروح اشتريلها حلقة ...تلبسها بلكت تبعد الشباب عنها ...طلعت العصر واخذتلها وحدة ..رفيعة وناعمة وبيها شكم فص ..اجنن انتضرت ثاني يوم يصير اتأنقت وتعطرت وحددت لحيتي ...وصففت شعري .... جان احساسي احساس شاب طالع بموعدة الاول ..وميريد حبيبتة اتشوف غيرة بين الشباب طلعت وصلتلها للجامعة ..دخلت افتر ادور عليها بصدفة شفتها من بعيد كاعدة وحدها وجانت صافنة ...شافتني وعدلت كعدتها ...خليت ايديها سوة ...ودنجت راسها كعدت بصفها من غير سلام ...ماعرف ليش من ننجمع سوة الساني ينعقد من ناحيتها ...الكلمات تتخربط عندي ..
انطيتها الحلقة وجان رفضها قاسي ...وكلماتها مستفزة ..صبرت عليج يرهف ..بكد صبر ايوب ..احاول ما اضغط على اعصابي ...بس هلمرة طفح الكيل ... وراح اعلمج الي تحسبي مموجود منو واشلون يكدر يكسر راسج ...جريت الحلقة منها واني احس نفسي انفث نار ...اني اعلمج يرهف ...رجعت للبيت من غير اي كلمة ..صعدت لغرفتي ذبيت ملابسي ..علياء وسهى جوة ...ضليت مناطر الشباك ...انتضرها تجي ...شفتها لما اجت وهي تختل منا ومنا .... طلعت ودخلت لغرفة البنات ...هي دائما تصعد قبل سارة لان سارة تشرح اليوم بتفصيل لامي ...
سمعت وقع خطواتها اقتربت من الغرفة ..فتحت الباب وشافتني موجود فتحت عيونها على وسعهن ..جريت ايدها سريع واني ادخلها لغرفتي ...حسيت عضام ايدها بدت طكطك جوة اصابيعي ..سديت باب الغرفة وركعتة حيل ... هي لونها اصفر .. وشافيفها ابيضت من الخوف ..اي يرهف اتريدين اثبت وجودي بحياتج واخليج زوجة غصب عنج ...كامت ترجع ليورة وهي ترجف ...هي ترجع واني اتقدم ...صار الكنتور وراها ..انلزكت بي .وغمضت عيونها بعصرة اتقربت منها حيل واني احس نفسي راح اقتلها ...غضبي عماني وجرح كبريائي ...اهم من كل الدنيا .. صارت ترتجف بقوة ..
فففهد ..خليني اطلع ..
.اتقربت وخليت ايدي على حلكها بقوة ..فتحت عيونها ودموعها كامت تنزل ...مهتميت ...جريت شالها بقوة ..وذبيتة بالكاع ...كامت اتعيط بس اني ساد حلكها ..بقوة مني جريت ياخة القميص وكطعت كل دكمة ..جانت لابسة سترابلس جوا ...
بسسسستر خواتك فهد لتتتكسر بختي ...
ضربت جامة الكنتور الوراها بقوة ...اتفلشت بيدي ...
طلعيييي براااااااا
اخذت شالها وطلعت تركض ...كعدت على السرير وخليت اييدي على راسي وهي تنكط دم ...مو هذا الي جنت اتريدة وانت تكسر هلخشم العالي العدها ليش ممرتاح ..ليش كلبك زادت نارة...رديت اهانتك يفهد ..ليش كلبك الي ديدك ...ليش هيج سويت بيها ...ما اخذني الندم بيوم
هاي اول مرة تحس بنفسك اتسرعت ...صرت افرك براسي واحجي وية روحي اطلعي من دماغي ..اطلعي ..باوعت للكاع شفت شعرها على الكاع ..معناها اتملخ شعرها وية جرة شالي ...
اذيتها ...اذيت الشخص الوحيد الي دا احاول اكسبة ..
YOU ARE READING
عندما تتبدد الغيوم ...
Romanceالعاصفة الهوجاء ...الذي عصفت بنا ارقت دماء الكثيرين ..ايام لاتنسى واحداث قد تكون اغرب من الخيال ...احتلال ترك خلفه شظايا ...أودت بحياة الكثيرين .. من بين شظايا الحرب والطائفية ...نبتت زهور الحب .. القصة من الخيال...
