عندما تتبدد الغيوم ...

البارت التاسع عشر

البارت التاسع عشر

امان السامرائي ....

عندما تتبدد الغيوم ...

الايام تمشي بسرعة ....باجر عرس ..حسام ...سبوعين مرن بسرعة بين دوام وامتحانات ويزن ...فهد محاجيتة من اكثر من سبوعين ...كلام الكل يرن بدماغي ...كل ما افوت من يم غرفتة اتكطع من القهر ..
صرت احس بنقص ...دائما اجي بليل على موبايلي ..اتوقع رسالة مكالمة منة كلشي ماكو ...
ركزت بدارستي ...والحمد الله متفوقة ...طرت هاي الافكار من دماغي باوعت الساعة ١١ ...وكمت باجر عرس ..والكل مخبوصين بس اني ...مالي اي واهس لهذا العرس من يوم المشكلة لهسة ...حسام ميحجي وياية ...ولا يوجهلي اي حجاية ..نزلت يزون ونزلت جوة ...لكيت عمتي واكفة بالمطبخ ..اتحضر غدة ...
والبنات مسوين تعزيلة قوية ...رحت شغلت الصوبة بالمطبخ...وخليت عليها ..القوري ...وطكيت بيضتين ..
وكعدت على الميزن لكمة ليزن ولكمة الي .... ركيتة واتريكت وكمت من مكاني ..بديت اساعد عمتي ...كملت رحت ساعدت البنات ...صار الضهر ...اتغدينة سريع ...وكمت سبحت يزن وبدلتة ... ...مقبوضة روحي مو عبالك عرس ...مسوينة حنة مال شباب لان العرس بالقاعة مختلط ...وحنة للبنات هي مسوية ...شي بسيط علىهازجك كد المعارف ...مجنت اريد اروح بس راح يكولون غيرانة ...فضطريت اروح غسلت وبدلت سريع ..لبست فستان قصير نيلي ..نص ردن وبي دلعة بسيطة ..ونفشة بسيطة ..حزام على الخصر كلة ليلو ...
شلت شعري كعكة ...وخليت مكياج بسيط نزلت جانت بال٥ العصر ...عمتي والبنات هم كنلو لبست الجبة وطلعنة ....جبرت روحي على الضحكة كأنه كلش فرحانة ....وصلنة بيت عمة سمية ..جازو جوارينهم هواية ...اصدقائهم جايب من بغداد وعمة سعاد وكرايب بابا .. يعني ماكو احد الة وجاي ...كعدت عادي ...البنات يركصون ...واني خليت يزن وكعدت ...متحركت من مكاني بس اصفك وابتسم بوجوهم ..واني عيني على الساعة اريدها تمشي حتى نرجع ...صارت ساعة ٨ وحنان مكعدت بس ركص وبدلت ٣ بدلات ...جنت كاعدة بصف عمة سعاد ..
وجت وحدة من جوارين بيت عمة سمية ..تسأل اني منو كالتلها لعمتي ...متنطونياها ...جاوبتها عمة سعاد ..
البنية متزوجة ...التفتت علية وحدة من كرابة بابا ..وسألت عمة سعاد ..هو اخذها لو بعدها اتنام يم البنات ..اذا ميريدها خلها اتشوف طريقها ..حجيهم سجاجين بكلبي ...ياربي شوكت انروح ..صاحو اجة العريس ...كمت لبس الحجاب والصاية ...دخل حسام مبدل ومزين ..صدك عريس الله يحفضة ..حناها وحنتة ...وطكو صور ..وركصو ..كلهم وسوو هوسات بس اني ضليت بمكاني متحركت ...ورة ساعة ...كالت عمتي يلا باجر خواتي يجون من الصبح ...خل انام وكت ...
ايي الحمد الله راح نرجع ...كمت سريع حضرت اموري ..وركبنة بالسيارة ...ورجعنة للبيت ...دخلت كبل للحمام ...اوووف شوكت الناس تحل عني تعبت من حجيهم . شعليهم اخذني او لا ...بدلت ليزن ونومتة ونمت حتى منزلت ...كعدت ثاني يوم على صوت التهلي وخالات فهد ..باوعت الساعة ب ١١ ادري شعدكم طالعين من الفجر ...كمت غسلت وكعدت البنات ونزلت ...حضرت وية عمتي الريوك ..مدينا سفرة طويلة بالهول ...اجتي خالة فهد اسمها سناء ..
اي رهف اشلونة ...فهد ...قبل لا اجاوبها ...ردتها اختها ..ليش تسألين البنية هيج اسئلة مو تدرين على الورق ...رحت منهم ركض بحجة اودي الصمون ...ماريد اسمع حجي احد كافي ...كافي شعليكم ...غسلت وجهي ..اتريكو وكملو كفينة المطبخ سريع ...وعمي جاب صواني غدة من السوك كيفنة ...حضرنا مقبلات وزلايط سريع.... صارت ٢ ونص ...صبينة غدة ...وكملو وشربو جاي ...
هم هبينة على المطبخ ..وكملنة ..اني عزلت نفسي عنهم ما اريد اسمع حجي يغث ...صعدت فوك ..واخذت يزن غسلتة ولبستة قاط اسود يجنن علية ..وسويتلة سبايكي ...ولبستة نضارة سودة ..حضنتة ..اشوكت اشوفك عريس بعد اسمي ..
يزون متتحرك من مكانك ..ضل يمي ..
هز راسة ..ابد ميعاندني ...وشكولة يسمع كلامي ...
بديت احط مكياج ...اعتنيت بي ..كلش ..مو كلش طوخ ..بس مبين حلو ...لبست فستان ردن وبي ثخن ..والتنورة مالتة ..كلوش ...لفيت شالي وسويتة وردة صفح ..مثل المصريات ..ونزلت يزن ونزلت ...
الكل متحضرين اتجمعنة كلنة وررحنة ..للقاعة ... يزن بحضني وكعدت ..على ميز ..يم عمة سعاد ..مبتسمة وكاعدة ...صارت الدخلة ..دخلو حنان وحسام ...اضواء ..اتوجهت عليهم ..واغاني اشتغلت لدخلتهم ...كعدو .على الكوشة ..حنان جانت طالعة حلوة ..وحسام هم ومكيف والكاع مسايعتة من الفرحة ويركص ...اشتعل الجو اغاني وركص والولد يردحون ...والبنات واكفات وياهم يصفكون ..حلفة جانت كلش حلوة ..بس جنت كلش كآبة ....يجون علية كلساع البنات ويكوموني اكلهم ...فهد ميقبل اكوم ...مشيتهة هيج ...ضلو يركصون ويدبجون ...وجوبي ..وحتى كردي ركصو ..
رتسي طاش من الدي جي ..اخر شي ..كامو الكل سولة هوسة على مود يزفو ...طلعت سيارت الزفة ...وركبت وية مهند ...فترو بينة شوية ...وزفوهم للفندق ..ورجعنة احنة للبيت ...بدلنة ..والتمو الكل منامو ..لل٢ ...صعدت يزن بال ١٢ اني ونومتة ونمت ...
تعبانة ...كلش ..اجيت افتح الياهو واحجي وية فهد بس بطلت حطيت راسي ونمت ...صبح الصبح جان يوم جمعة ...الكل طالعين والبيت هوسة ...كعدنة نرتب ..ورجعنة كلشي بمكانة غرفة حسام ...جهزتها عمتي ..وكل ساع تبغرها ...لاضهر كملنة كلشي ..غسلت ملابسي كلهم ...اتغديت وصعدت اقرة ...عندي هواية محاضرات متراكمة ..اخذني الوقت صارت المغربية واني اقرة ...سمعت صوت هلاهل ...عرفت حسام وحنان وصلو ...نهضت من مكاني حطيت الشال ونزلت ...باركت الحسام ردلي من غير ميباوع بوجهي ...بوست حنان ...وباركتلها ..بوستني عادي وابتسمت بوجهي ...كعدنة شوية ...وراح عمي ..جاب عشة من برة على شرفهم ...اتعشينة ...وكفينة المطبخ ..اني وسارة ...وصعدنة نقرة ...