عندما تتبدد الغيوم ...

البارت الاول

امان السامرائي

2006/11/22 الساعة 7:30 مساء

ماما....شدسوين هنا بالكراج وحدج بهل الهوة البارد ...

مادري على صدري مثل الطابوكة ..كلت بلكت اشتم هوة بارد ..ينشرح صدري ..شجنتي اتسوين .انتي.

جنت اصبغ اضافيري..باجر دوام ..وبما ان اني الصيدلانية ...رهف لازم اهتم بمضهري الجميل ...

انتي وين اني وين ..اخوج وسام اتاخر ..ضل بالي علية .

ماما هياتة ...يم اصدقائة ليضل بالج يمعودة ...
احنة ماعدنة شي لا احنة منتمين لحزب ولا شغلنة بي شي ...محد يتقرب من عدنة ..هو وسام مهندس . وبابا موضف عادي ..لتخافين

الوضع موزين ... كلبي ممطمن ..

انشاء الله ماكو ..شي وكلة تمام ..بس ليضل بالج ..

اااه انشاء الله ...يلا خل ادخل اسوي عشة ..

اي عفية متت من الجوع ..

دخلت امي جوة بقيت بالكراج ..اغني اغنية حسام الرسام ..
اذا ما امر عليهم ما يسألون
حتى شبي تااخر ما يكولون
انا زعلان منهم هو هذا حبهم
..ما اني بعيد عنهم اذا مرو
علي مرة شيخسرون ...

اوووف يا معتز ..شكد مشتاقة الك ليش متمر من بابنة ابد يومين عطلة مشفتك معتز حب طفولتي ..جيرانة بنفس الفرع من احنة وصغار سوة نلعب ...هو اكبر مني بسنتين ...
جان من دون ولد الشارع يلفت نضري ..ارتبك من اشوفة ...جانت طلعتي للمدرسة وية طلعتة يومية اشوفة ..ويضل ايباوع علية ...متجرأت .فديوم.اباوع علية ..جانن كل بنات الفرع يسلمن علية ..الة اني ما اكدر اسلم احس اذا حطيت عيني بعينة ..راح انفضح وتنفضح مشاعري اتجاها ...دائما اغض النضر وامشي قبلهن ...معتز جانت بي كل مواصفات فارس احلامي ...ابيض البشرة ..شعرة جوزي وراجع ليورة ..لابس نضارة طبية ..زايدتة جمال هادء وشخصيتة قوية ...حبيتة باول مراهقتي ..وضل حبة يكبر وياية ...جان حبي الة مجرد اختلاس نضرات بيني وبينة ......
الى ان ...
فديوم جانت عطلة اخير السنة لصف الخامس ..اعدادي ..
صيف ودنيا ضهرية ...وحارة ...كاعدة اغسل الكراج ...
وصلت لباب الشارع ..فتحتة شفت الدنيا عز الضهر والفرع فاررغ رجعت خليت الشال على راسي ورجعت للشارع..بديت اشطف بي بس بعدني بالباب معبرتة ..رفعت الدشداشة بيدي شوي ..ومندمجة اغسل الشارع ..فجأة سمعت احد كالي فوتي جوة على سريع ..صاك سنونة ويحجي بعصبية ...
رفعت عيني شفت معتز قريب من يمي ..حطيت عيني بعينة ..دكات كلبي صارت بإذني ...ردت اخلق حديث بيناتنة ..اتجرأت وحجيت

معتز !!شبيك ..ليش عصبي
اتقرب علية واخذ الصوندة مني ..وخر غاد وغسل وجهة جان وجهة احمر ..راجع من الامتحان ...

فوتي جوة رهف ...لحد يشوفج ..ونزلي الدشداشة ...

انتبهت على نفسي نزلت الدشداشة ..احم ..