كسرني وزماني انصفني

البارت الرابع والخامس

البارت الرابع

بعد ما وافق قصي ابقى بالبيت واني فكرت بهالفتره اكتشف واجمع معلومات عن هيفاء
طبعا الحجي مو مثل الفعل من كلت بعد ما اطلك
هالكلمه كانت سهله عليه من احجيها ويه نفسي بس من سمعتها من لسان قصي وهو كدامي ويطلك حسيت العالم توقف كدامي
حسيت الحياه ولا شي ومجررد فررراغ اني عايشه بيه
مريت باسبوع كاابة وبجي واني اتحسب على هيفاء الي دمرت حياتي واخذت زوجي مني

بديت اجمع معلومات عن هيفاء حتى اعرف شلون ارجع زوجي كثفت اتصالاتي ويه المعارف
جانت حتى التفاصيل الزغيره مهمة الي ليش تطلقت وكم طفل عدها و وو امور تافهة ثانية جانت تخدمني وبحكم انه فتره عده وماكدر اطلع فاستغليت الفيس والواتس حتى اجمع المعلومات
اما عن علاقتي بزوجي خلال هاي الفتره جنا مثل الاخوان رغم حاولت اغري بمفاتني واعرف هالشي ميجوز وحرام بعد بس هو رغم كلش جان يقاومها بصعوبة حتى كام ينام بغرفة ثانيه
حتى ميشوفني بس هذا الشي ابدا مخلاني استسلم رغم انه اعرف علاقتنا الزوجية انتهت ...

بديت مرحلة اطنشه واتجاهلة وهو يطب ويطلع
يشوفني العب ويه ابني عمر حتى كمت اتعمد ارقص ويه ابني حتى اخفي ضعفي وحزني عنه وما اريده يشوف هالشي كدامه
ولان جانت ايامي مملة وطويله بلشت اصمم ملابس لان اني جانت هوايتي التصميم وهم استفاد من شغلي
جنت بحاجة لراس مال لهذا طلبت من قيصر ينطيني نص المؤخر
وسالني شتسوين بي كتله اريد افتح مشروع خاص بيه
وفعلا استلمت الفلوس وكلفت اخوية احمد يشتريلي اللوازم الي احتاجها واتصلت بكذا بيج عالفيس وع ناس تساعدني من ناحيه نشر صور شغلي ونسقت شغلي وياهم وبعد ما شاوفو تصاميمي وعجبتهم عقدو عقد عمل ويايه وبديت اصمم وهمه يخيطون بدلات سهره ويعرضوها للبيع والي جزء
من الوارد

وهيجي كنت التهي واحاول هم اساعد نفسي واحاول اشوفه انو اني صح اريده بس مو محتاجته صح احبه بس مو كلشي بالدنيا هو صح احتاجه كزوج بس اكدر ادبر اموري وحدي
هو كان يشوف بس مو بحالي لان حاير بهيفاء
طبعا من خلال مراقباتي والمعلومات الي ردتها عن هيفاء فكانت مو كافيه وكل الي عرفته عنها انو هي عدها ولد ثنين وانو سبب طلاقها زوجها تزوج وحده عليها ولانه تريد تنتقم منه رجعت لزوجي الي مجانت تحبه لانه لوتحبه جان تزوجته ومعافته وتزوجت غيره بس هي معروف عنها تحب الفلوس وركضت وراها وتركت الانسان الي حبها
ومن شافت الفلوس راحت منها ركضت وره قصي

اما قصي فهو راد يحصل عليها حتى يرضي غروره لانه رفضته سابقا وماكو رجال ترفضه وحده ويسكت اذا كان يحبها فتبقى بنفسه لو يزوج الف وحده واذا فكر ينتقم فايضاا حتبقى بنفسه لحد ميكسر خشمها .....؟وبالنسبه الي ما اعرف قصي اي نوع منهم ان كانت بنفسه او مجرد كسره خشم الها

فد يوم جنا كاعدين وقررت افجر قنبلتي بوجه قصي
سهير/ترى هيفاء زوجها طلقها 3 مرات يعني ميصير يرجعلها الا تزوج غيره يعني انت محطة مو اكثر وهي تريدك سبب حتى المانع يزول وترجع لزوجه