كسرني وزماني انصفني

الاجزاء (الاول والثاني والثالث)

الجزء #الاول_والثاني_والثالث
#الجزء_الأول

الحياة متنطي للانسان كلشي يريده وماكو فرح يدوم  مثل ما ماكو حزن يدوم ولازم تمر عليك فتره تنهار حياتك بيها وتعيش اسوء ايامك وهذا الي صار ويايه وخلى حياتي تنقلب من الاحسن للاسوء

اني سهير متزوجة وعندي ولد واحد هو ضي عيوني وزوجي قصي الي جان مثال للزوج الصالح وعيالي الي جانو مثل اهلي وسند اليه

يعني باختصار جنت عايشة حياة اقرب ماتكون للمثالية  من اهتمام زوجي قصي اليه وحب اهله الي لحد ما  اجتي السنة الي نهارت بيها سعادتي واطلع من بيتي الي بعمري مجنت اتوقع اطلعه مكسورة كلب وخاطر اطلع منه واني
الي توقعت مملكتي هذه حدوم العمر كله

ابدي احجيلكم هسه عن قصتي وعن بدايه مأساتي بعد ما هيفاء حبيبة القديمه لقصي زوجي حبيبته  السابقة رجعت وبرجوعها خربت كل حياتي
اول ثلاث سنوات من زواجنه عشنا حياة حلوة حب ومودة وتفاهم واخلاص مثل اي ثنين متزوجين صحيح حياه متخلى من المشاكل. بس
قصي جان صريح ويايه من البدايه وبيوم خطوبتنا كلي انو هو جان يحب وحده ومصارت القسمة لان اهلها كان وضعهم المادي اقوى من وضعي وتزوجت هيه وصار عدها اطفال وكلي هاي صفحة انتهت من حياتي ونسيتها
بس رجعت هاي الصفحة من جديد رجعت لحياه زوجي بعد ما تطلقت هيفاء من زوجها ورجعت ولسبب غير معروف ورجعت تتواصل ويه زوجي واخذت كلبه وعقلة من جديد  بعدما جانو ملكي،،

الجزء_الثاني

بدت معاناتي ويه قصي  بده يتغير عليه دائما كاعد وحده وصافن واي موضوع افتحه وياه ميحجي على كد الضرورة يجاوب صار عصبي على اتفه الاسباب حتى من اساله ع اي شي يجاوب ع مد الحاجه وبلشت وياه بطريقه وهي لفت نظره اليه بلبسي و حركاتي وهم مفاد وياه الى ان بلغت مرحلة ماكدر اتحمل اسكتله كتله انت الحياة وياك متنطاق بعد
وبعدني ممكملة كلامي تفاجات بي يكوم على حيلة وعيونه تجدح نار وسمعني كلام اقسى من كل الي عشته
كلي اني الي حياتي متنطاق وياج بعد وندمان على زواجي منج
وماحبج  ولا حبيتج ابدا اني كلبي كان وحيطل بس لهيفاء وراح اتزوجها
صح انحرمت منها قبلها بس هسه مراح اضيعها من ايدي

هنا جانت الصدمة الاولى الي  يعني معقوله هيجي ويجي ويكول احبها واريدها جاوبته  وبكل الم
بعد هاي ال3 سنين اسمع منك هذا الحجي ..؟
بعد هاي ال3 سنين اسمع انه حظرتك تحبها والولد الي بيناتنا والحب والعشره هذا شنو معناه
ليش ما تزوجتك لعد ليش راحت اخذت واحد اغنى منك
قصي/اي اتطلقت لان بعدها تحبني
شوفي سهير احنا لازم نتطلق وكل واحد يروح بطريقة ميصير نستمر بهل زواج
اني هنا جانت الصدمة الاقوى من الي قبلها الي يعني  يريد يطلقني علمود يروح يتزوج حبيبته
سهى/زين  وابنك
قصي/بكيفج تريدي اخذي متريدي عوفي
وطلع
عافني واني منهارة بلكاع اتخيل الي راح يصير
اتخيل وحده ثانية راح تاخذ مكاني وتنام بفراشي وتحط ملابسها بمكان ملابسي وتتعطر وتتمكيج لزوجي
هذا هو زوجي الي عشت وياه احلى ايامي حتى لو مرات احسه مو الي بتفكيره ومرات صفناته تضوجني بس ع الاقل كان الي وحدي
هسه صار واحد ثاني ميطيقني كمت خابرت اخوية احمد وكتله تعال لبيتي ضروري
اجه احمد واول مافتح الباب نهاريت وحظنته وابجي كتله على كل الصار احمد/ يطبه مرض كومي لمي هدومج وامشي اخذج مترجعيله بعد وبيناتنا المحاكم
كتله واني ابجي بس اني ماريد اتطلق
احمد/وكرامتج شبيج هذا ميستاهل
سهى/ ارجوك احمد ماريد اتطلق انت بس كول لاهلي واني باقية وياه اشوف تاليتها

#الجزء_الثالث

رجع قصي المغرب وقررت افتح الموضوع وياه بلكي هدت اعصابه
قصي//اني بعدني على قراري اني جنت متوقع احبج بس ماحبيتج لازم باجر ابلغ اهلج ونبلش بمعاملة الطلاق واذا اخذتي عمر وياج اني اتكفل بحظانته ومصاريفه ومؤخرج تاخذي بالكامل
سهى//ماشي زين عندي طلب يمك مو لخاطري ولا لخاطر عشرتنا لخاطر عمر ابنا
قصي// شنو كولي
سهى//فترة العده اريد اكضيها هنا ببيتي مو بيت اهلي  اعرف ميجوز بس هذا اعتبره اخر طلب
سكت شويه
قصي// ماشي

جنت اريد اكسب وقت حتى اعرف شاصرف وياه واتعرف على عدوتي الي مفكرت بابني وشنو مصيره ينحرم مني او من ابوه الي لحد الان محد يعرف سبب  طلاكها الي حتى ما عدها ضمير وقبلت تنزل على ضره رادت تستفرد بي لوحده وتحرمه من ابنه علمود حضرتها متبقى مطلقه
فكرت مهله  3اشهر مده زينة تخليني ارجع اكسبه ويطلع فكره زواجها من راسه وارجعه لبيته والي ولابنه
ومنا بلشتت اخطط.....

#يتبع ...