Falling For Ms. Model [Published]

Chapter 9

CHAPTER 9

ALAS-SINGKO palang ng hapon, sinundo na siya ni Lander sa bahay niya. Nagpapasalamat siya at wala doon ang mga magulang niya. Kung naroon ang mga ito, sigurado siyang dadaan si Lander sa isang seryosong question and answer portion.

Nang makarating sila sa bahay nito, humanga siya sa linis ng paligid. Parang babae ang nakatira sa sobrang ayos at linis ng condo unit nito. Hindi mo aakalain na lalaki ang nagmamay-ari ‘non.

“Very clean.” Aniya. “May mga katulong ka ba?”

“Nope. Ako ang naglilinis. Ayoko kasi ng makalat at ayokong mag hire ng katulong kasi baka mapagalitan ko lang kapag hindi nalinis ng tama ang unit ko.” Paliwanag nito.

Eizel playfully smiled at Lander. “So, may cleaning disorder ka?”

He shrugged his shoulder. “I don’t know. Maybe. Basta ayoko ng makalat.”

Napakagat labi siya. “Makalat ako lalo na sa mga damit ko. Umaasa ako palagi sa mga katulong sa bahay.”

Marahang tumawa si Lander. “Pareho kayo ni Lancelott. Bagay kayong dalawa.”

Itinirik niya ang mga mata. “Bakit na naman pumasok yang kakambal mo sa usapan natin? Tantanan mo nga ako Lander.”

“Okay…okay…” Natatawang wika nito. “Wala na akong sasabihin. But we both know the truth.”

Inirapan niya ito. “Whatever.”

Ngumisi si Lander at iginiya siya patungo sa kusina kung saan naabutan nila si Lancelott na niri-raid ang refrigerator ni Lander.

Tumikhim si Lander. “Aherm, bro.”

Mabilis na nilingon sila ni Lancelott na may hawak-hawak na platito na may lamang isang slice na strawberry cake. “Oh.” Tumingin ito sa kanya. “Hey.”

“Hi.” Aniya at nag-iwas ng tingin.

“Kumusta?” Tanong ni Lancelott.

“I’m fine.” Sagot niya.

“Okay.” Lander clasped his hands. “Let’s cook.”

Tumango siya at tinungo ang lababo at naghugas ng kamay. Tiningnan niya si Lander. “Anong gagawin ko? Should I cut the onion or the garlic?”

Kumunot ang nuo ni Lander at binuksan ang cupboard. Tiningnan nito ang loob niyon pagkatapos ay bumaling sa kanila. “Ahm… I think I’m out of ingredients.” Isinara nito ang cupboard. “I’ll just go to the grocery and buy some ingredients. Babalik ako kaagad.” 

“Wait!” Pigil niya kay Lander. “Sasama ako.”

Lander stops walking and turns to her. “Nah. Dito ka nalang. Samahan mo si Lancelott. Baka bigla yang magbigti kapag sumama ka sa akin.”

Kumunot ang nuo niya. “Ano?” Nilingon niya si Lancelott na walang imik na nakatingin sa kanila ni Lander. “Bakit ka naman magbibigti?”

“Hindi ako magbibigti. Go with him.” Sagot ni Lancelott sa walang emosyong boses.

Ibinalik niya ang tingin kay Lander. “Please, can I go with you?” Pakiusap niya kay Lander. Ayaw niyang makasama sa isang lugar si Lancelott. Baka ano na naman ang maramdaman niya.

Lander gives her a sorry smile. “Sorry, Zel. Just stay here.”

Nagmamadali si Lander na umalis ng condo unit nito. Gusto niyang habulin ito at sumama pero ayaw niyang mag-isip ng kung ano-ano si Lancelott.

Namayani ang katahimikan sa buong unit. Kagat-labing humarap siya kay Lancelott na nahuli niyang nakatingin ito sa kanya.

“Let’s watch TV?” She suggested.