الفصل الحادي عشر 😍😍
باااااااااااااك
في ڤيلا حسن العريني
هاني : " يجعلو عامر يا عمي "
حسن : " ههههههه بالهنا يا حبيبي....يلا أنا رايح أعمل شاي و جايلكو عشان عايزكو ف موضوع مهم "
عماد : " موضوع ايه يا عمي "
حسن : " مش كل اللي يهم يوسف يهمكو ! "
عماد : " طبعا يا عمي...أكيد "
حسن : " خلاص هروح اعمل الشاي بقا و أجيلكو "
هاني : " لاااء عنك يا عمي...انا هروح أعملو "
عمااد : " لأ خليك انتا لتكسرلهم المطبخ "
حسن : " هههههههه يخربيت عقلك "
يوسف بضحكه : " لأ انا بقول انا اللي هعمل بس نروح نتكلم في المطبخ بقا "
هاني : " فكره برضو.....يلا بينا "
في المطبخ
حسن : " مش أول مره أكلمك في الموضوع دا يا يوسف...بس ممكن صحابك يساعدوك "
عماد : " قول يا عمي...نساعدو ف ايه "
حسن : " يوسف ليه أخ توأم...."
هاني و عماد بدهشه : " توأم !! "
يوسف : " ايوا توأم اخويا اسمه ياسين...احنا توأم اه بس توأم غير متماثل يعني مش شبه بعض"
حسن مكملا : " ياسين مختفي من 15 سنه صدقوني انا و امه دورنا عليه كتير جدا بس من غير فايده كانت سنوات صعبه فضلنا ندور عليه لحد ما زينب تعبت وماتت بالسرطان"
يوسف : " أمي كانت كويسه..انا مش عارف ايه اللي حصل فجأة لقيتهم بيقولو ماما تعبانه جدا....و لما كبرت قالولي انها
كانت مريضه بالسرطان "
حسن : " كانت بتشتكي دايما من وجع رهيب في دماغها..و راحت تابعت مع دكتور اسمو عمرو عبد الحميد المحمدي...و كان بيديها أدويه....لحد ما اكتشفنا ان عندها سرطان في المخ....و حصل اللي حصل "
عماد : " لا إله إلا الله....إهدى يا عمي...ربنا ريحها من المرض و الألم اللي كانت فيه "
هاني : " أما ياسين ف متقلقش هنلاقيه يعني هنلاقيه "
عماد : " يوسف دا أخونا ولا يمكن نسيبه ف أي محنه "
يوسف بنبرة حزن : "...بعد إذنكو هقعد في الجنينه شويه"
و قام يوسف و طلع في الجنينه
حسن : " اطلعوا وراه يا شباب...متسيبوهوش لوحدو"
و طلع هاني و عماد وراه
في ڤيلا أدهم
أدهم قاعد على مكتبه بيزاكر
أدهم : " يقطع المزاكره و سنينها...لاء انا خلاص على آخري هطلع في البلكونه شويه "
تررررن ترررررن [اتصال من Dana😍]
أدهم بابتسامه : " دانا.....وحشتيني "
و رد أدهم
دانا : " الو....ازيك يا أدهم "
أدهم : " الحمدلله....انتي فين يا دانا "
دانا : " انا كنت بذاكر مع البنات و قلت أتصل عليك..انتا عامل ايه دلوقتي "
أدهم : " أنا تمام أحسن بكتير...والله انتي الوحيده المحترمه في العيله دي اللي بتسأل عليا "
دانا : " اااه بس متتعودش ع كدا بكره نرجع للرخامه و الرزاله و الخناق تاني "
أدهم : " ههههههه طبعا طبعا "
دانا : " هوا عمي عندك في البيت "
أدهم : " اه قاعد تحت...تصوري استقبل يوسف ازاي "
دانا : " ازاي "
أدهم : " اسوأ استقبال والله قعد يبصله من فوق لتحت و يكلمو بأسلوب فظيع و كمان كان عايز يديلو فلوس شفتي"
