للذكريات رأي اخر

البارت السادس عشر

البارت السادس عشر

فارگني
اعله گيفگ
لا يحس الليل...........
وتدري الليل
يخنگ كل بشر فاگد....💔

رعد : هااا رويحتي اخذوج مني خذلتيني ياامنيتي
أمنيه : رعد هاي انت

رعد : اي ياروح رعد ليش هيج هاي تاليها منوش اليوم زفتج مووو
أمنيه : رعد فدووه لتسوي هيج

رعد : (بعياط ) مااسوي هيج اني غير همه مانعيني جان اجيت اخرب العرس على راسج وراس الي خلفج
أمنيه : ابجي دم من يحجي بس شسوي لازم هيج احجيه وياااه اتلافه المصيبه الي راح تصير اذا اجه رعد
شوف والله مو بيدي تدري بيه احبك بس موبيدي
رعد : تعرفين شكد احبج لا اني محبيتج اني اتنفسج تعرفين شنو اتنفسج يعني اذا عفتيني امووت والله اموت وٌلًــًّجٌ حسي بيه دااموت بلياج لتسوين هيج بيه تعاالي وياي والله اخذج وانهزم ومااخلي احد يلمسج ويعرف طريقج

اني متدمر أكل بروحي معايش مثل الاوادم والله مااكدر بدونج لو اكدر جان عفتج اني احبج حيااتي مبنيه عليج حتى بطلت احلم وصارت كل احلامي الج كل شى اريده هو انتي مااريد شهاده ولا مستقبل مستقبلي انتي

گلبي انتي وهو ينبض بس الج هو عايش لان انت ويااه ليش تعوفيني ليش تحرگين گلبي عليج

سهر الليالي والتفكير بيح مو بعينج
حبچ وعودچ الي گتيلي رعد اموت ولا اعوفة وين كلامج وين مشاعرج
ولچ جنتي متنامين اذا مسمعين صوتي تكوليلي صوتك هو فاليوم مالتي الي يخليني اناام واني مرتاحه

أمنيه : (ابجي واحجي ) رعد فدووه على كيفك صحتك
رعد : ياصحتي طز بصحتي انتي بقيتي بيه صحه بس اريد افتهم مو راح اموت
انتي مو گلتي مااكدر اتنفس اله اتنفس عطرك
گـ❈ٍـْلٍ ضحكه بحياتي گـ❈ٍـْلٍ فرحه كل دمعه انت سببها
مو گلتيلي احبك اكثر من ابويه وامي
وين حبج بس حجي طلعتي

أمنيه : لتظلمني فدووه رعد الي شفته وعانيته مو قليل
رعد : كلتي اياك بيوم تعوف ايدي وهسه انتي عفتي ايدي اني نقطه ضعفج بس مكسرتج انتي كسرتيني
يعني گـ❈ٍـْلٍ كلامج جذب عوفج من الكلام
والمشاعر والاحاسيس الي حسيتهم ويااج مستحيل جذب كله هذا

أمنيه : مااكدر والله اواجهه اهلي
رعد : اذا انتي مو كد كلمتج ليش تخليني احبج ليش خليتيني اعشق التراب الي تمشين عليه
ليش وصل حبي الج مرحله الخبال اذا موكدر كلمتج ليش عيشتيني بحلم وردي واني الك ومااعوفك وهذا الحجي الي كله طلع جذب
وتالي تكولين مااكدر اواجهه ليش ليش مو حرام عليج شنوو ذنبي شسويت حتى هيج تجازيني

أمنيه : انتبه لنفسك رعد الله يحفظك وين متكون وسديت التلفون
شأحجي وشريد اكوله اي تصرف غلط مني تنتهي حياته
هند : اكعدي فدووه راح تخربين شوفي وجهج شلون اصفر ودموعج خربت كل المكياج
أمنيه : اني متت هند واليوم دفنتي يامكياج ياعرس
ربي مترضه بالظلم ليش انظلمت اني
هند : كاافي تعيطين ليسمعوج يمعوده تحسين جبار كاعد على بركان على لحظه وينفجر لتخربين كولشي واتذكري حياة رعد عندج اهم من كلشي
تقى : ظلينا بس نبجي على رعد يحجي بأعصاب ودموع يشهك ويحجي ويااها
الله يساعد گلبه شحصل من حبه بس المصايب
وسدت التلفون حبيبته وظل مثل المخبل عياط وصياح وتكسير كوه الولد لزموه وحبسوه بالغرفه وراح زيد جاب المضمد وكوه ضربوه ابر مهدأه وفاليوم حتى يناام وتمر هاي الساعات على خير