للذكريات رأي اخر

البارت الرابع عشر

للذكريات رأي آخر
للكاتبة Reem

البارت الرابع عشر

جبار : صح النوم اكعد حقير
رعد : صحيت احس راسي طبل واريد افتح عيوني كوه فتحتهم اني وين مكان اظلم والاناره ضعيفه كلش وبارد ثلج واني بالكاع احرك يمنه يسره ماكو مجتفيني
اني وين وانتم منووو
جبار : احنا تاج راسك الي اطولت وحاولت تندك بيهم
رعد : اني مامندك بأحد ولا اعرفكم وحتى بالسياسه ماادخل
جبار : ياريت مدخل بالسياسه ولا تحط راسك براسنا لك شلون تحط عينك على اختي ها گلب حقير اليوم اله اربيك
رعد : لازم شعري ويضرب بيه ومن سمعت اختي عرفت هذا اخو امنيه ومعرفت شلون اتصرف
يااخت تحجي عنها

جبار : امشي لك نكس عبالك تمشي هاي سوالفك عليه تعرفها امنيه ولك ملكيت غيرها ولو الي مثلك يدور صيدات مثلها وهي الغبيه صدكتك كاعد تحب بالكليه انت وين وهي وين بس اني راح اعلم شنوو عقوبه الي يباوع ليفوك

رعد : بدأ اخو امنيه واني مااعرف منو منهم جبار لو حمزه يضربني بكل مكان وبأبشع الطرق واني حتى مااكدر احمي نفسي لان شادين ايدي ورجلي وبكل قوته يضرب ويشتم اشكال الشتائم ومبقى حزام مكطعه عليه واني م̷ـــِْن الضرب والدم الي ترس وجهي وجسمي بعد محسيت بس گـ❈ٍـْلٍ الي احس بيه خوف على امي ومحمد لان اكيد راح يتبهذلون وخايف هذا اخوها يأذي اهلي وخاصه محمد او ياسمين او تقى مشاعر عجيبه الم على تعب على احساس بالندم وبنفس الوقت افكر بأمنيه شراح يسون بيها ياريت سمعت كلامها ومتسرعت

ولحظات م̷ـــِْن شده التعذيب الي يمارسوه اخو امنيه واثنين وياه اتندم على حبي لاامنيه حاول بكل الطرق احجي شنوو طبيعة علاقتي بيها لازمها ماخذ راحتي وياها لوين علاقتنا وصلت اني اصفن ومااحجي وكل الي احجي ماكو شى بيني وبينها بس بنيه عجبتني وتقدمتلها ورفضتوني وابتعدت مردت اشوه سمعتها وخاصه جان اكو اثنين اشخاص يمه وهو الغبي يحجي بعرضه كدامهم اذا هو ميهمه سمعتها هاي حبيبتي وتهمني سمعتها بقيت طول اليوم اون م̷ـــِْن الالم حسيت بروده اطرافي وعظامي متكسره الدم الي ينزل م̷ـــِْن گـ❈ٍـْلٍ قطعه م̷ـــِْن جسمي وكل مااغيب عن الوعي يرجعون يذبون مي بارد عليه والجو بارد بحيث لحظات احس قلبي راح يوكف م̷ـــِْن البرد والالم ومن اغيب يجي بالي ضحكتها ريحتها لمستها ليش ربي زرعت محبتها بقلبي م̷ـــِْن دون الناس ليش هي

مااعرف بالوقت وشكد بقيت گـ❈ٍـْلٍ الي اعرفه گـ❈ٍـْلٍ مده يجون يضربوني ويرحون كتلني الالم والبرد والعطش والجوع لو يموتوني احسن بس مثل الالم الي بقلبي وبروحي ماكووو افكر بأمي واكيد هسه منهاره وبمحمد اخويه وتقى وخايف على ياسمين وهي بنيه خاف ينتقمون منها بسببي لو على امنيه الي مااعرف شراح يسون بيها لو افكر بحالي راح اطلع م̷ـــِْن هذا الي اني بيه اكيد لا وبديت اتشاهد وطبعاً بس اكدر احرك شفايفي هذا الي اكدر اسويه لان ولا عظمه سليمه بجسمي وطعم الدم تارس حلكي وعيوني مااشوف بيها وارمات ربي اني مسني الضر وانت ارحم الراحمين