جُمُود قلب ...بقلم فاطمة الالفى

الفصل الثانى والثلاثون

جمود قلب
بقلم فاطمة الالفى .
قصى على اشقائة ماحدث معة منذ اول يوم عمل ومقابلة كرمة والسفر للغردقة وكل ما حدث معه الى ان تم حبسة بالمخبر الشرطة وبعد ذلك القضاء على اكمل واخبرهم كل شى عن كرمة وايسن ولكن رفض ان يخبرهم عن والدتها فهذة حياة خاصة لهم وحدهم ..
كانت الصدمة على وجه زبن والدموع تسقط من عينى سيلين على كل ما مر به اخيها الاكبر .
حمزة بهدوء . انا كويس دلوقتى وبخير قدامكم اهو مالكم بقى
زين بحزن . لية ما عرفتنيش اجيلك تتحبس ياحمزة وانا اروح اخطب
حمزة . حبيبى دة مش حبس اوى ياعنى انا كنت قاعد فى مكتب الظابط مش فى التخشيبة يعنى وبعدين كانت مسئلة وقت مش اكتر وعشان امانكم لكن لازم كل حاجة تمشى زى ما خططت ليها وماينفعش كنت اعرض حد فيكم للخطر متنساش تهديد منصور
والحمدلله خلصنا منه وقرب بقى يتحاكم وان شاء الله مش خارج منها
سيلين بدموع . بردو كان لازم نشوفك ونعرف انت فين
حضنها حمزة بحنية . يعنى كنتى هتيجى تزورينى بعيش وحلاوة هههههه انا زى الفل اهو
وبعدين اهو جى بمصلحة هتتجوزى يا اخر العنقود
زين . مالكش حق ياحمزة احنا اخوات على الحلوة والمرة ماينفعش تعيش الهم والالم وحدك فين المشاركة
حمزة .خلاص بقى يا زين قلبك ابيض ، انا ريحتى طلعت عايزة اخد دوش كدة فى السريع وانام بقالى كام يوم مطحون يلا تصبحو على خير .
سيلين . ماعرفش انك عاشق اوى كدة طب نادر زيك عشان اطمن بس ههه
حمزة حدفها بالمخدة . امشى يابت من هنا خدى الباب فى ايدك
خرجت من الغرفةبضحكتها المعتادة .
جلس زين حزين على ما مر به شقيقة وجلست جانبة سلين
سيلين . مالك انت كمان
زين . يعنى مش عارفة مالى عاجبك الا حمزة شافة واحنا فى الضياع مانعرفش حاجة وكل واحد فينا بيفكر فى نفسة وبس
سيلين . انا والله زعلانة ومبسوطة فى نفس الوقت انت شايف حمزة بيتكلم عن كرمة ازى اول مرة احس بلمعة عينه بجد وكمان فرحان رغم الا حصل مش سهل بس هو فرحان ودة المهم يازين حمزة هيعمل عيلة
زين . فى دى معاكى حق حمزة عاشق وهيمان كمان طب احنا لازم نعوضة بقى ونقف جنبة زى ماهو طول عمره جنبنا
سيلبن . انا دايسة معاك فى اى حاجة المهم نتبسط كلنا
زين . انا بفكر ...............
سيلين . ايوة يا زين يا جامد
.................................بقلم فاطمة الالفى .....
عاد عبدالرحمن وملك الى منزلهم براحة اخيرا من تعب الايام الماضية
عبدالرحمن . موكا حببتى نيمى اسور وتعالى عايز اتكلم معاكى
ملك . حاضر ياحبيبى
ذهبت وضعت الصغير فى الفراش ودثرته بالغطاء ..
اما عبدالرحمن دخل المرحاض ليستحم وبزيل التعب من على جسدة .
وارتدى ملابس مريحة للنوم وانتظر زوجتة ..
دخلت الغرفة بعد ان اطمئنت على ابنها .
ملك . بودى انت نمت
عبدالرحمن .لا ياحبى مستنيكى ادخلى خدى شاور انا جهزتلك الحمام
ملك بابتسامة . حبيبى يا بودى والله فاصلة وماقادرة
عبدالرحمن . لم تخدى شاور هتفوقى ياقلبى يلا مستنيكى
بعد عدة دقائق خرجت ملك من المرحاض ترتدى قميص احمر يصل الى ركبتها وتركت شعرها الاشقر المبتل ينسدل على ضهرها
كان ينظر لها باعجاب ونظرات حب وشغف .
عبدالرحمن . انتى حلوة اوى كدة لية
ملك . ياسلام انا حلوة علطول
عبدالرحمن . بحبك يا جامد انت تعالى نقول كلمتين كدة
ملك باهتمام . قول ياحبيبى عايز اية
عبدالرحمن بغمزة . لا مش كلام كلام ههههههه انتى واحشانى موت
ملك . بس انا مرهقة موت ههه
عبدالرحمن . هنضيع الارهاق تعالى بس ننسى الا فات ههههه
ملك.تعر ف حمزة وكرمة لايقين على بعض
عبدالرحمن . هم لايقين جدا على بعض وحمزة راجل جدع وكرمة تستاهل انها تعيش حياتها بقى وتعالى احنا نعيش حياتنا بقى وضمها اليه بقوة
عبدالرحمن . واحشانى اوى يا موكا قلبى ...
................................ بقلم فاطمة الالفى .....
فى فيلا كرمة
اطعمت الصغيرة ونامت بجوارها وهى تبتسم وتشعر بالراحة .
حاولت ان تغمض عيناها ولكن جفاها النوم تتذكر حمزة وحنانه واحتواه لها تتذكر ابتسامته التى تعطيها الراحة والسكينة وضمته التى تشعرها بالامان ..
كرمة بتنهيدة . كنت فاكرة الحب بيزل صاحبة بس كنت غلطانة الحب احسن حاجة فى الحياة الحب مش زل ولا كسر ولا وجع والم وفراق وهجر
الحب امان حنان اهتمام سند قوة فرحة احتواة مش هجر وخيانة وغدر الحب الحقيقى هو الا بيقوى مش بيهد ويكسر اةةةة
نفسى تحسى بيه يا امى لو مرة واحدة ...
.....................................بقلم فاطمة الالفى ....
فى القسم
بدا التحقيق مع اكمل والبنات وماجى وعرضهم فى الغدا لنيابة لمتابعة التحقيق .
طلب اكمل مجموعة من المحامين ليخرجوة من هذة المصيبة التى لا يعلم من تدبير من ..
ولكن الموقف متازم وفى حالة تلبس .
ورافئت بوضعة من اهم رجال الاعمال والاستثمار بالبلد فلم يضع بالحجز مع المجرمين الى ان يتم عرضة على وكيل النيابة فى الصباح ..
كان يجنن جنونه من شدة التفكير فى هذه المصيبة التى اوقع نفسة بها .، فاسمه على المحك وسمعته ايضا فى الاستثمار سوف تنتهى امبراطورية اكمل زيدان ..
يريد ان يخرج من هنا باقل الخسائر ، فكر فى ماجى هى السبب ولكن هى ايضا مقبوض عليها ، فكر فى كرمة ولكن هى لم تعرف بالفتايات التى على علاقة بهم . اذا من الفاعل ..
...........................بقلم فاطمة الالفى .....
فى شقة حمزة بالمعادى
بعد ان انتهى من اخذ الحمام وابدل ملابسة شرع فى اداة فريضة الصلاة .والفروض التى غفل عنها وظل يدعى الله ويناجى ان يفرج هم كرمة ويسعدها وان تصبح من نصيبة . ودعى ايضا لاشقائة ان يتم امر خطبتهم على خير .
حاول ان ينام ولكن بشعر بالتعب والارهاق ولا يستطيع النوم .
تذكر حديث فريال معه وظل شارد الى ان رن هاتفه .
حمزة اسرع بالرد فهى محبوبتة وقلق من اتصالها بهذا الوقت المتاخر
حمزة بقلق . كرمة انتى كويسة فى حاجة
كرمة .ههههه الحمد لله كويسة جدا
حمزة . الله اكبر وكمان بتضحكى لا كدة اطمنت
كرمة . اصل انت مشيت بسرعة من غير ما اشكرك حتى
حمزة بمكر . وهتشكرينى ازى بقى هههه
كرمة لم تفهم تلميحة . هشكرك طبعا على كل حاجة عملتها عشانى وعشان ايسن انا مش عارفة اعملك اية بجد
حمزة بابتسامة . اول حاجة لازم تعرفيها مش هقبل منك اى كلمة شكر لان احنا واحد ومافيش شكر بينا وثانيا بقى ممكن اقبل منك فعل رد فعل عادى خالص ههههه
كرمة .حمزة
حمزة بضحكة . كرملت حمزة هههههه بهزر ياحبيبى انا ممكن استنى الفعل لبعد الجواز عادى ابقى اشكرى فيه براحتك
كرمة بخجل . طب تصبح على خير
حمزة . اية قصف الجبه دة هو فى من كدة هههه لا انا حمش اوى وماحبش حد ينفضلى
كرمة . هههه ماانا عارفة انك حمش
حمزة . هزرى بقى
كرمة . لا بتكلم بجد
حمزة . تعرفى لولا حالتك كانت صعبة وقطعتى قلبى كنت زعلت منك على تصرفك وتهورك من ورايا بس اعمل اية بقى قلبى بيحبك وانا بعشقك
كرمة . امممم بتغير
حمزة . ايوة بغير والا يقولك غيرة الراجل قل ثقة او قلة فهم دة خلق حمير
غيرة الراجل نار فى مراجل
نار بتنور مابتحرقش
واحنا صعايدة وطبعنا حامي
واللى تخلى صعيدى يحبها يبق ياغلبها
اصلنا ناس على قد الطيبة كانت الهيبة
والنسوان فى بلدنا جواهر
طب لو عندك حتة ماس
هتخليها مداس لناس
ولا هتقفل اوضة عليها بميت ترباس
يمكن حتى تاجر ليها اتنين حراس
تبقى انا لا انا غافل ولا انا جاهل
كل الفرق مابينى وبينك انى صعيدى
قلت هسبها وبكرة تحس
بعدة تحس بعدة تحس
دة انا لو جبس كنت زعقت
ماشى صداقة وماشى زمالة
بس ماجتش على الرجالة
ماهى نسوان الدنيا كتير
وانا مقولتش تخاصمى الناس ولا تتحجبى عن الرجالة
ولا تعتكفى وتسكنى دير
بس ياريت حبة تقدير
انى بحبك
انى اريدك
وانى زرعت حياتى فى ايدك
وانى غزلت بنات الدنيا عقود جيدك
وانى تعبت من التفكير
وانى بحبك وانى بغير
ايوة بغير يا كرملتى انتى ..
............
يتبع