جُمُود قلب ...بقلم فاطمة الالفى

الفصل السادس

جُمُود قلب
بقلم فاطمة الالفى .
ظل حمزة مصدوم من حديث الصغيرة ..
أيسن .حمزة ممكن نروح البحر عشان مامى نامت .
حمزة بصدمة. ها طب عرفى ماما الاول عشان ماتزعلش
أيسن بفرحة. حاضر
غادرت الشرفة وذهبت إلى كرمه.
حمزة لنفسة .بقى متجوزة وكمان عندها بنت ياربى طب وأنت مالك يا حمزة مدايق ليه.
لا وهدايق لية عادى .
.............
أيسن .مامى مامى
كرمة بنعاس .أمممم
أيسن .هروح البحر مع حمزة
كرمة .طيب
وفتحت عيناها فجأة .أيه بتقولى ايه
أيسن .هروح البحر مع حمزة
كرمة بأستغراب .حمزة مين
أيسن .صاحبك الاِ جنبنا هنا
كرمة. أيوة بس مين قالك
أيسن بابتسامة. أنا طلبت منهُ وهو وافق نروح البحر سوا وقولت مامى نايمة، قالى أستاذنك الاول
كرمة. هو أنتِ كنتِ هتخرجى من غير ماتعرفينى
أيسن. لا يا مامى كنت هعرفك طبعا عشان ماتقلقيش عليا
كرمة بابتسامة. طيب ياحببتى أخرج مع حمزة بس بلاش تقولى حمزة هو كبير لازم نحترمهُ قولى عمو اتفقنا وبلاش شقاوة، وأنا هغير وأفوق كدة وأحصلك ماشى
قبلتها الصغيرة بفرحة وغادرت الغُرفه ، وجدت حمزة ينتظرها خارج الغُرفة .
حمزة .يلا بينا عرفتى ماما
أيسن بابتسامة.أيوة وهى هتبق تحصلنا
حمزة.تمام هاتى ايدك بقى
*************************
توجهت للمرحاض وأغتسلت وأبدلت ملابسها.
كانت ترتدى بدى أحمر بحماله عريضة وبنطال أسود رياضى وكوتشى أبيض وجمعت شعرها الأسود الطويل على كتفها الشمال وأرتدت النظارة الشمسية وخرجت من غُرفتها متوجهُ إلى خارج الفندق تبحث عنهم ..
**************&********
فى القاهرة
بعد أن أغلق الهاتف مع والدهُ غادر غُرفة المكتب وصعد الى الطابق الثانى يبحث عن غُرفتها ..
وجد غرفتها مُغلقة .
كريم .بنت اللعيبة قافلة أوضتها ياترى فيها أية، مش مهم الورق الاِ معايا كافى أوى ..
أستيقظت فريال من نومها وبحث عنهُ فلم تجدهٌ بالفراش .
أرتدت ملابسها وخرجت تبحث عنهُ .
قابلها كريم بمكر. حبيبى أنتِ صحيتى ياقلبى
فريال .كنت فين يا حبيبى
كريم .أبدا كنت بشوف حاجة تتاكل هو مافيش خدامين هنا ولا أية
فريال .كان فى بس كرمه أديه الدادة أجازة لحد لم ترجع من الغردقة، ماتعرفيش أن هفضل هنا فى الفيلا ، حالا يا حبيبى هعملك الاكل .
كريم .هساعدك طبعا يلا بينا
فريال .لا ياقلبى أرتاح انت وأنا هعمل كل حاجة بنفسى .
كريم. لا طبعا مايهونش عليا
********************
فى الغردقة
كانت تمشى فى أتجاة البحر تبحث بعيناها عن أيسن وحمزة وأخيراً وجدتهم يجلسُ على الرمال ويبنىُ بيت بالرمال..
كانت الصغيرة تبتسم لحمزة وتشعر بالسعادة باللعب معهُ .
وفجأة رأها تأتى من بعيد وأنبهر بجمالها و مظهرها ولكن غض بصرهُ وتذكر انها ملك لشخص أخر وأستغفر فى نفسهُ ..
قربت اليها بأبتسامة. مساء الخير
حمزة ببرود .مساء النور
كرمة .جلست بجانب الصغيرة .بتعملى أيه ياحببتى
أيسن. بنعمل بيت كبير يا مامى
كرمة. شكرا يا باشمهندس أرجو ماتكونش أيسن عطلتك عن حاجة
حمزة يبتسم لصغيرة بحب .لا بالعكس مافيش اى عطله.
رن هاتفها يُعلن أتصال من أكمل .
كرمة. الو
على الجانب الآخر
أكمل.الو يا باشمهندسة كنت بفكرك بيمعادنا
كرمة. أيوة يا مستر أكمل مش ناسية طبعا بس لسة ساعة على الميعاد
أكمل .أيوة فعلا بس حبيت اطمن على إقامتكم يارب تكونى مرتاحة
كرمة .تمام شكرا
أكمل .طب خلال نص ساعة السواق الخاص بيه هيكون منتظركم قدام الفندق وتلت ساعة وتكونُ بالجونة.
كرمة. أوكية تمام
أكمل .ماشى مع السلامة
كرمة. مع السلامة .
.....
كرمة .مستر أكمل بيفكرنى بالميعاد وقال السواق هيكون هنا بعد نص ساعة ، جاهز
حمزة .أيوة جاهز
كرمة. المشروع قريب من الغردقة تلت ساعة ونكون فى الجونة مكان المشروع
حمزة. هو مش فى الغردقة
كرمة. لا فى الجونة
حمزة. اممم تمام بس المفروض مكان إقامتنا جنب المشروع مش بعيد
كرمة. هنشوف كدة المكان ونقرر
حمزة. تمام
أيسن .مامى ممكن ننزل البحر
كرمة. ماينفعش دلوقتى بكرة الصبح تمام
أيسن .لية ماينفعش
كرمة .عشان ورانا مشوار وهنخرج مع بعض ويمكن نتأخر وبكرة أول النهار هننزل أوكية
أيسن .أوكية
................................
فى القاهرة
فى فيلا الحناوى
بعد إعداد الطعام ، جلسُ على مائدة الطعام وبدأ فى تناول الطعام .
كريم .تسلم ايدك يا بيبى
فريال بابتسامة. تسلم يا كوكى
كريم بمكر .صحيح ياحببتى لم كرمة سافرت مين بيدير الشركة فى غيابها مش معقول تسيب مالها كدة للغريب.
فريال .لا يا حبيبى لم بتسافر شغل عبدالرحمن هنا بيدير الشركة فى غيابها .
كريم .مين عبدالرحمن دة بقى
فريال .مهندس قديم فى الشركة وكان كامل بيعاملُ زى ابنه بالظبط وهو الاِ وقف جنب كرمة لم كامل اتوفى وهى كمان بتثق فيه اوى .
كريم بمكر .لا طبعا كرمة غلطانة أزى تسلم فلوسها وشركتها فى ايد حد غريب ماينفعش تثق فى حد أكيد بيسرقها من وراها
فريال .براحتها شركتها وهى حرة فيها ولم ترجع هتشترى ٢٠% الا ملكى يعنى هتكون شركتها لوحدها
كريم بفرحة .هايل أنتِ ليكى ٢٠% طب ولية تبيعهم ياقلبى خليهم وانا انزل أباشر الشغل فى غياب كرمة وعلى الاقل أراعى فلوسك بردو ولا تحتاج لغريب وبعدين انا فاهم فى الشغل دة شغل أبويا وبلاش تفرطى فى حقك حتى لو بنتك عايزة تشترى اوع تبيعلها حاجة دى عايزة تستغلك وتخليكى مش حيلتك حاجة لكن انا جنبك ومش هسيبك هراعى مصالحك طبعا ولا انت بقى مش واثقة فية دى بقى حاجة ترجعلك ياروحى ودة قرارك وانتِ حرة بقى مش هضغط عليكِ فى اى قرار تاخديه.
مثل الأفعى يبُخ السُم وهى مثل المُغيبة تماما تقودها مشاعرها ولا تعلم أنها تقودها للهلاك حتماً...
فريال .لا ياروحى طبعا بثق فيك ،بس أنا قلقانة من رد فعل كرمة، دى بردو شركة باباها وهى مش هتقبل بوجودك فى الشركة .
كريم بتخطيط .المهم وافقى انتِ يا بيبى وحكاية بيتك دى تسبيها قُدام الامر الواقع انا هتصرف معاها وبهدوة طبعا دى بنتك ياقلبى ماتقلقيش
فريال .طب عايز أعمل أية وأنا اعملهُ .
كريم بمكر .بلاش تبيعى نصيبك لكرمة سبية زى ماهو بأسمك وأنا همسك الشركة وهخلى عينى على مالك مش معقول اقعد فى البيت ياقلبى وانتِ عارفة بابا طاردنى من الشركة
فريال .خلاص يا قلبى براحتك
كريم بفرحة .مطلوب منك تبلغى عبدالرحمن أن هكون فى الشركة من بكرة بدل كرمة ودة قرارك بم انك لية فى الشركة
فريال .حاضر يا حبيبى زى ماتحب.
**********&&&***********
فى شقة المعادى
زين .مالك ياسيلو
سيلين .حمزة واحشنى اوى يا زين
زين .ههههه هو لحق يابنتى وبعدين مش لسة قافل معاكى عايزة أية بقى
سيلين .اول مرة يا أخى يبعد عننا وأنا مش قادرة على بعدهُ بصراحة
زين .حببتى دة شغلهُ ومن حقهُ يشوف حياتهُ بقى حمزة كبر محتاج يعمل بيت وأسرة حرام يضيع حياتهُ عشانا ، أدعيلو ربنا يوفقهُ فى شغلهُ .
سيلين .والله بدعيلو بس بردو واحشنى وانا اكرة حمزة يتجوز دة يوم السعد والهنا لم يحب ويتجوز وانت كمان مافيش حد
زين .هههه فى واحدة معايا فى البنك بصراحة مُعجب بيها بس مش عارف هى أية النظام.
سيلين .طب ماتقولها وشوف رد فعلها
زين .لا عشان تحرجنى لازم اكون واثق انها بتبادلنى نفس الإعجاب أو الحب مش عايز اتصدم من الرفض.
سيلين .مين دى الاِ تقدر تصدمك دى تبق عبيطة
زين .القرد فى عين أختهُ
سيلين .فشر دة انت قمر وجان كمان
***********************
فى الغردقة
جاء السائق لايصالهم إلى مكان المشروع فى الجُونه ..
وبعد تلت ساعة كان أكمل بأنتظارهم..
رحب أكمل بهم وذهبُ معهُ لمطعم بالمنتجع السياحى.
وجلسُ على طاولة لتناول الغداء معاً ..
أكمل .بعد الغداء هنشوف أرض المشروع
حمزة غير مرتاح لأكمل ولا لنظراتهُ الجريئة لكرمة فهو شاب ويعلم نوايا الشباب ونظراتهم ايضا ...
كانت منشغلة بأطعام الصغيرة .
وهو يتطلع اليها بأعجاب شديد .
وهذة النظرات تَضايق منها حمزة .
فقرر التدخل .
حمزة بجدية . مش نروح بقى نشوف المشروع ولا أية الوقت كدة اتأخر.
كرمة .فعلا مستر أكمل عايزين نشوف الأرض عشان نبدا الشغل بقى
أكمل بابتسامة. واضح أنكم مستعدين ومش بضيعو وقت
كرمة .فعلا احنا مابنحبش نضيع الوقت فى الشغل ممكن نشوف مكان الأرض .
أكمل .تمام يلا بينا
جنب المنتجع بالظبط ..
سار ثلاثتهم وكرمة تمسك يد أيسن .
أكمل .دى الأرض بمساحة ١٠٠٠ متر
كرمة.بدات تشرح له التصميم الهندسي للمشروع وتدخل حمزة ايضا فى الحديث .
وبعد نصف ساعة .
أعجب أكمل بالتصميم النهائي للمشروع .
أكمل .كدة تمام هنبدا شغل أمتة
كرمة .أية رائيك يا باشمهندس بعد يومين عشان العُمال تكون موجودة ونبدأ فى تخطيط المشروع والحفر .
حمزة .كويس اوى بعد يومين
أكمل .تمام كدة متفقين وأنا واثق فى شغلك يا باشمهندسة
كرمة .شكرا بس ليا طلب .
أكمل بفرحة .أمؤرى طبعا
كرمة .بم أن المشروع فى الجونة مش الغردقة يبق نقيم هنا، ومحتاجين سكن للعُمال يكون قريب من الأرض .
أكمل .موضوع السكن صعب ممكن يعملو خيم مثلا
كرمة . لا طبعا العُمال لازم يكونُ مرتاحين فى السكن والنوم أُمال هيشتغلو أزى ويتابعو المشروع أسفة كدة هنختلف انا عايزة العُمال يتعاملُ احسن مُعاملة هم الاِ بيوقفو المشروع ومن غيرهم مانعرفش نكمل ولعلمك انت مش ملتزم بالتكاليف تكاليف سكن العمال على حساب الشركة .
أكمل .واضح انك فهمتينى غلط مش قصدى حاجة بس هحاول ادبر لهم السكن .
كرمة بثقة .لم سكن العمال يكون موجود هبعت أجبهم وياريت تبلغنى بعد اذنك.
أنبهر حمزة من حديتها وخوفها على العمال البُسطاء وتأكد انها غير مغرورة او متكبرة فمن لا يعرفها يظنها مغرورة وهو تقرب الإنسانة التى بداخلها ورا نقاء قلبها ..
أما أكمل فقد تلاشت الابتسامة وتوعد أن تكون من ضمن حريم أكمل زيدان ، فهو يُصر أكثر عليها بعد ما را قوتها فهى غير اى فتاة عرفها، هى نوع آخر ويُريد أن تصبح ملك لهُ ، ولكن المشكلة فى هذا الكائن الصغير ، فهل تقبل به أم لا فعلية ان يكسب قلب الصغيرة ليفوز بالكبرى...
*********************
فى شقة عبدالرحمن بالمهندسين .
عبدالرحمن .ملك فين أسر
ملك .ماما كانت هنا وأصر يروح معاها
عبدالرحمن . أحسن خلية يبات عند تيتة عشان انتِ واحشانى وأبنك مش بيدنى فرصة اقرب منك
ملك بابتسامة . يا سلام انا بدخُل انيم أسر ارجع اليقك نمت وبتشخر كمان ماتعملش حجة ابنك
عبدالرحمن . ههههه انا بشخر مابيحصلش يا ملوكتى
ملك .والله بتشخر يا بودى هبق أسجل فديو عشان تتأكد هههه
عبدالرحمن . معلش ياحببتى ببق راجع تعبان من الشغل وكل حاجة فوق دماغى انتِ عارفة كرمة سافرت بقى
ملك .عارفة يا حبيبى ومقدرة تعبك ، وكرمة عاملة اية واحشتنى البت دى ندله مابتسئالش
عبدالرحمن بحزن .معلش هى فيها الاِ مكفيها ماتزعليش منها
ملك بقلق .خير يا حبيبى مالها
عبدالرحمن . مامتها أتجوزت وكرمة من وقت ما عرفت انها هتتجوز تانى وهى حالتها مُنهارة من جواها اوى انتٍ عارفة كانت بتحب والدها اوى ومتعلقة بيه وجواز مامتها بيدايقها اوى
ملك بحزن .عارفة طبعا ربنا معاها ، تعرف يا عبدالرحمن ساعات كدة يجيلى أحساس أن فريال مش مامتها اة والله
عبدالرحمن . ههههه عندك حق مافيش أم كدة فى الدنيا ، بقولك أية ماتيجى نستغل فرصة أن أسر مش موجود وأنا صاحى وكدة وتعالى اقولك كلمة سر فى أوضة النوم .
ملك بابتسامة . لا قول هنا
عبدالرحمن بغمزة. ودى تيجى بردو دى لازم تتقال بضمير تعالى بس .
*************،،،،،،***********
فى الغردقة .
بعد أن عادهُ من المنتجع ذهب كل منهم لغُرفتهُ ....
فى غرفة حمزة
ظل يتقلب فى الفراش يحاول أن يغمض لهُ جفن ولا يستطيع.
يفكر فى أحداث اليوم ..
**********************
فى غرفة كرمة
أبدلت ملابس الصغيرة بلبس النوم وظلت جانبها تقص لها حدوتة قبل النوم وبعد دقايق كانت الصغيرة فى سبات عميق ..
قبلتها ودثرتها بالغطاء ..
وتركت الغرفة وحملت الهاتف والهاند فرى وضعتهُ باذنيها وتوجهت إلى البحر تتمشى فهى لا تريد أن تنام ....
***********************
كانت تتمشى على البحر وتستمع إلى صوت الموسيقى الهادئ.
.......
وقف فى الشرفة يتطلع إلى البحر وجدها تتمشى على الرمال ، ظل متابع لها .
وجدها تقف على الرمال وتخلع الكوتشى وتضع رجلها بماء البحر وتدفع الماء بقدميها وكأنة فى صراع مع الموج ..
وجلست على الرمال تلتقط الصدف وتحدفُ مرة أخرى بالبحر.
أستغرب تصرفاتها وشغلت تفكيره ُ،
فأذا كانت متزوجه فأين زوجها وماهى حياتها، فعلية ان يعلم أين زوجها ولماذا يشعُر بحزنها .
فقرر أن يعلم من الصغيرة كل ما يخُصها......
*********؟
يتبع