معاناتي_كعروس_جدييدة

Part 14 (saison 3)

: طلعت البيتي حدا بنتي نبكي ونوح، علا زهري ماعرفتش مالي يمكن على قبل هاد مشكل لي خرج لي من جنب خاصني نهدر مع حاتم ونقوليه ابعد من ساحتي ومن عائلتي وراجلي اما مهدي غاندير ليلة عمر ماعمرو ينساها ليوم غايشوفني عروسة جديدا ماشي كا اول نهار جيت في معانات ومشاكيل ليوم غانخليه جن مني شوفني ماعمرو غاينسا هاد نهاار في حياتو اول حاجة، نعيط علا جدة، تشد لي بنتي ونخرج الحمام، وندوز صالون نتقدا لي خاصني ونكري لاغوب ديال عريسات عيطت علا جدة، جات عندي جدة: اهلا بنيتي كي دايرا لاباس امورك هانية ياك لباس مالكي عيطتي علي انا: بعدا الا ماعيطتش ليك ماتجيش توحشتك وسبب اخر جدة: اش هاد سباب    لي خلا بنتي زوينة تعيط علي انا: حدرت راسي صراحة جدا لبارح درت فالطة، كبيرة عاودت ليه كلشي هي تصدمات وشدات بحناكها جدة: اويلي علا زغبية واش عرفتي اش درتي راه مهدي اعداه لمرا لي تهز عليها ادو ونتي صرفقتيه فين مشا مني ماقربكش باينا كي خطط شي حاجة ( في نفسها ياربي مايكون لي في راسي والله تاتموت فيه درية ) انا: جدة واجدة لا شوفي انا بغيتك تشد لي بنتي اميرة عاودت ليها كاع هادشي لي بيت ندير جدة : عرفتي شنو اري لي درية، نديها معايا وحاولي تصالحيه وقادي شغالك وغدا دوزي ديها طرت عليها بواحد تعنيقة لهلا اخطيك علي وبستها في حناكها جدة: حاولي تراضيه وخليه انسا اش درتي ليه قبل مايفوت الفوت ياله ابنتي، باستني، وخرجات هزيت سطولتي صاكي، دزت صالون نتف راسي هوا، لول نحيد زغب من لحمي عاد نمشي الحمام مشيت نقاوني مزيان ولا لحمي ابان بري ووطب مشيت الحمام تحمحمت مي غي بحالا دوشت مابيتش نسخف ونكلس في سخون خرجت ديت سطولة الدار هزيت لفلوس كريت لاغوب، واخا غالية كلشي اهون في وجه حبيبي تقديت شي تقدية بي الخف مشيت دار قاديت شهيوات خفاف وركزت علا لافوكا بي لوز سمعتو لافوكا بي لوز تالكركاع مايهمش درت كاس كبير يعني ليوم احم احم بلا مانقول ليكم طلعت واحد بيت خاوي فرشت في ارض   زربية، طويلة بيضة كانت جاتني كادو تركية زوقتها كلها بي ورد احمر بيض غوز كي حمقوني هاد لوان حطيت طبلا ماشي بي كراسة درت مخاد باش كون شوي رومانسي تقليدي زوقت بيت كامل بي شمع دكور كي دوخ روايح قاديت كلشي ماكلة طابت هزيت سوارتي خرجت صالون قادو لي مشيطة، ديال عرايس واعرا جديدا وماكياج ديال عرايسات خديت طاكسي صغير وصلني داار لبست لاغوب لي شريت واعرا مفتوح من جيهت صدر ومعدهاش ضهر ودرعان لبست صباط عالي شفت في راسي دخت لا والله ماانا بقيت نقرا علا راسي لا ضربني شي جنية ولا تعجب بي شي جن اعود بي الله من، شيطان، رجيم، نخلو هاد فكتيم تقرا علا راسها ولا تشوف اش دير ندوزو عند عائلة، مهدي    جداه: اميرة واميمرا موت مهدي: علاش ماعيطاتش علي انا ندي ليها بنت جداه: نسيتي اش درتي في درية نفكرك موت مهدي: راه طلبت سماحة زعما تاانا بنادم كي خطا جداه: تي بعدا داك،مشكل ديال بنت ختك ماغاتحلوهش وطلقي ولدك من هاديك الملقطة موت مهدي: غدا نمشيو عاد مهدي ورفعو دعوات طلاق راه ماساهلاش خفتها غالدخل بيناتهم وراها ماتحشمش جداه: بسيف راه من فاصيلتك تي تحشمي موت مهدي: واصافي اميمة باقا مقلقة عليه اري داك راس نبوسو جداه: بعدي لهيه تي بعدي لا والله تانبوسو قلت ليك بعدي والايني مشطبة راكي هبيلة ابعدا مني دوتي عقلم هادي هي فتيدا فيك خاص غاتاديك سلعفانة ديال بنتك دير عقلها موت مهدي: راه كلات تابنتي عقلها وقالت ليها بلي عائلة خديجة وخديجة مهدينها جداه: لهلا يحيها هادوك،شراف عليها كوليها يابنت لملقطة تاباك،ماعارفاه شكون موت مهدي: واصافي تبقاي تعصبي اري لي ديك ختفوشة جداها،شحال توحشتها وازين والخيب وامورتي حبيبة ويتك زين كي ضحك لي اضحك ليك الخير كتكت كتكت جداه: نوضي صايبي لعشا راه 10 هادي موت مهدي: اش بيتي نصيب ليك جداه؛ تشهيت غارفيسة بي سمن ودجاح والحلبة والبيض مسلوق فيها ومساخن ( اححح تشهيتها تاانا معاكوم ) موت مهدي: هي لولا لي متعاود ناضت حادكة تعجن ونرجعو عند زينة عرايس سبحان الخالق منان اش نقول ليكم زين مايولدو غي زين اووف مال هادا تعطل مهم بقيت نتعوج وندور ونتسالف صيفت تصاور سميرة وريم لي هترو مني شافوني مع شعر حمر وليت قوقة بقيت هاكة نتصور سمعت باب تحل صافي هوا كانحس قلبي كي ضرب في 90 غايطير من بلاصتو كان باب محلول بان لي مهدي طالع لابس كوستيم كحل وااعر بقيت حالة فمي وشعر مطلع وريحتو رجوليه سابقاه وصباط بحال كان عالم علي فرحت بزاااف هوا شافني تصدم بقا مخرج عينيه في هزيت،كسوتي بطريقة لابقة،غادا عندو وضحكتي نصف دائرة في فمي شتو بقا واقف حدا دروج مد اديه بقيت غادا بيت نشد ليه في اديه تاسبقاتني شي ايد اخرا شدات فيه ديك شوفة لي شفت وشفت صدمة حياتي حسيت بي ارض كادور بي ماعقلت تاطحت علا راسي