☺☺قصة فروووحتي 😘

الحلقه الخامسة عشر 😢

فروح كانت غارقه في أدموعها وفجاه حست بحد صبه وراها
فرووح  .... عمرررررررر 😲
عمر ... آه فروح حبيبتي معش تبكي
فروح  ...عمر انت مشيت على كرعيك
عمر ... انا مقدرتش انشوفك تبكي ومنجيكش ومكنش في حد تلايا ايدفني بلكرسي حاولت انصبي وفعلا صبيت وجيتك
فروح حضنت عمر وهيا تبكي
فروح  .... اسلومه مااات يا عمر واميره ماتت معاه سيبونا يا عمر اسلومه حبيبي عدا يا عمر هوا اللي نحكيلى ونشكيلى من بيقوللي يا فروحتي من بيدورني اول ما ايخش من اينوضني وايقوللي رايفت عليك تعالي هدرزي معايا
عمر  ... فروحتي غلايا خلاص وحدي ربك وادعيله هوا ميتحملش ايشوف ادموعك
فروح  ... سامحني يا اسلومه مش قادره منبكيش افراقك واعر يا خويا
عمر  ... فروح قولي يارب
فروح  ... يارب ارحم خويا وحبيبته ارحم اميره يا الله 😢 يا رب

سلوى كانت تبكي ونادمه على كل دقيقه زعلت فيها إسلام
سلوى  ... آه يارب رده لنا وانا معش أنزعله ولا انضايقه
علاء  ... وحدي ربك سلوى وادعيله هوا اميره وإنشاء.الله ربي يتقبلهم برحمته
سلوى  ... الله يرحمهم  😢😢😢😢علاء روحنى للحوش

روحو لحوش جدهم بات سميره لأنهم قررو ايديرو عزاء إسلام واميره في نفس الحوش جابو إسلام واميره قبل ما يدفنوهم عشان ايسلمو عليهم وآخر مره ايشوفوهم معش تبقى عندهم غير اصورهم وذكرياتهم
جا الوقت اللي ياخذو فيه إسلام واميره عشان الدفن خشو الشباب يرفعو الجثث
فرووح  .... لااااااااااااااااا خلوه الله ايربحكم خلوه متدفنوشي اسلومه ميحبش الوحده متحطوشي في قبره ابروحه 😢😢😢😢😢😢😭😭😭😭😭😭😭😭
مروه اخت اميره  ... آه اه اه ياخيتي عديتي انتي وحبيبك مع بعضكم تي خلووووهم نبو هم

علا وعلا صوت العياط وخذو الحبيبين ودفنوهم جنب بعضهم
بعد مرور أسبوع من العزاء روحت فروح وهلها لحوشهم اللي كان فاضي بعد غيبت خيهن اللي كان امعبي عليهن الحوش واللي كان سندهن في الدنيا😭😭😭😭😭😭😭😭😭كان معاهم عماتهم
هما خشو فروح طاحت

افنان اخت عمر  ... فروح كنك جيبو ميه
وكانو ايحاولو اينوضو فروح منضتش خش عمر وخذاها للمستشفى
الدكتور  ... وين البنت ضعيفه بكل وجسمها تعبان تبيلها اهتمام واوكال
عمر  .... انشاء الله

عمر  .. فروحتي غلايا
فروح  ... عمرررررررر 😢😢😢😢
عمر  ... بلا ادموع نحن اتفقنا نقعدو صابرين صح
وحظن عمر فروح  وقعد حاط يده على رأسها
فروح  ... عمر متسيبنيش انا انكسر بعد إسلام نقدرش انعيش بلاك حتى انت
عمر  ... كنك هبله انتي دنيتي انتي البنت اللي انحبها انتي اللي حتى وانا مش قادر نمشي على كرعية قدرت نمشي لما شفت أدموعها   
فروح  ...آه انحبك 😍

في حوش فروح دق الباب
سلوى  ...من
علاء ... انا علاء
سلوى فتحت الباب  ...تفضل
علاء  ... سلوى شن الجو
سلوى  ...الحمد لله
علاء  ... سلوى معش بنشوفك تبكي خلاص الله يرحمهم
سلوى  ... 😢😢😢
علاء  ... نبي انشوفك قويه يا. ....
سلوى  ... يا شنو
علاء  ... تبي تسمعيها هيا مش وقتها بس مش عارف امتى صار هكي
سلوى  ...شنو
علاء  ... يا حبيبتي انا انحبك ومش قادر اندس الموضوع عليك
سلوى...

😳😳😳😳
علاء  ... الحق انا كنت كاره الحب بس حب إسلام واميره رد ثقتي في الحب

بعد مرور سنه

عمر  ...يا نجيلي عروستي انا 😍😍
فروح  ... غير سوق اكويس خير ما اتدير بينا حادث يوم زفتنا
عمر  ... نجيلي الخواف نا 😍😍😍😍😍
وأخيرا جا اليوم هذا على فكره الفيلو امخليك ملكه كنتي على المسرح اتجنني 😘😘😘😘
فروح  ... حتى انت كنت طالع اتهبل
وصلو العرسان لشقتهم
عمر  ... تفضلي يا عروس لشقتك
فروح  خشت للشقه وحولت البرنوص من على رأسها
فروح  ... الشقه اتهبل 😘😘😘😘
عمر  ... اعيونك اللي ايهبلو غلايا 😚
صلو فروح وعمر ركعتين
فروح  ... بيبي 😚😚
عمر  ... اعويناته انتي نعلي منك 😚😚😚😚
فروح  ... نبو ناخذو سلفي تعال
فروح وعمر ياخذو في سلفي عمر قرب على فروح وهيا أتصور وفجأة باسها في خدها
فروح   .. عمور بس
عمر قرب على فروح نين لسق فيها وهوا يلمس في وجها
عمر  ... أين بس انا اليوم مش هنسيبك في حالك بكل خشي بدلي توه
خشت فروح بدلت بعد كملت فتحت الباب وعمر بدل في الحمام طلع لقى فروح امبدله
عمر. .. انخش
فروح  ...  هههه بعد ما خشيت
فروح كانت لابسه روب ابيض عرائسي وكان اقصير وشفاف
عمر  ... يا الله طالعه اتجنني
وجبد فروح له وقرب فمه على وذن فروح
عمر  ... انحببببببك يا غلايا 😚
فروح  ... وأنا انحبك يا مهبولي
عمر بأس فروح على رأسها وبعدها على اعيونها وبعدها. ........

معش دخلنا بيهم واكيد عرفتو شن صااااار من غير ما نحكي 😜😜😜😜
سخيفين الأدب 😂😂😂😂😉😉

ثاني يوم الصبح ناض عمر فتح اعيونه لقا فروح راقده في حضنه وماسكه فيه كيف الطفل
عمر  ... غلايا نا
فروح  ... غلاك انا 😍😍
عمر  ... احلى صباح وانتي جنبي
فروح  ... يا عمري أحلى صباح 😘😘😘😘😘😘😘
عمر ... هيا انوضو
فروح  ... تعبانه انا بكل
عمر  .. روحي نا 😘😘😘لازم اتنوضي انسيتي اليوم زفت سلوى وعلاء
فروح  .. اها

ناضت فروح وعدت للمزين حضرت عرس سلوى أختها

بعد مرور 4 سنوات
فروح عندها توأم اميره وإسلام
سلوى عندها اوليد واحد اسمه أحمد

حياتهم حلوى والحب كان مليهم

انتهت روايتنا وانتصر الحب 😍😍😍😍😍

كانت أول روايه ليا 😍 😍 انشاء الله اتكون عجبتكم نبي نسمع رأيكم 😚😚😚😚

تحياتي ...
               بنت العصيه 😘
.