فروح ..هبة تعالي نبيك اشويه
هبة ..هيا اني جايه
فروح ..نبي اندير مقلب في هند
هبة ..عطك السلامه وانتي موراك غير المشاغبة وديما اتحبي الهرجه رانا طلعنا من الإبتدائي نحن توه أولى إعدادي كبرنا يعني
فروح ..وووك كلى انتي كلوطه راني انعدي اندير المقلب ابروحي واندير فيك واحد أشر منه
هبه .. لا الله ايربحك خليني في حالي واللي نبيها حاضر
فروح .. ايوا هك سلم ابنيتي الشاطره
هبة ..توه انا شن عليا اندير
فروح .. انا توه هنرن على هند وأول ما اترد عيطي امعايا وقولي ووووووووووووويانعلي مات 😲😲😲😲😲😲😲
هبة ... حرام عليك اترعشي البنت
فروح .. غير اسكتي بس أهو رن
طوووط طوووووط
فتح الخط
فروح وهند ... ووووووووووووويانعلي مات مات مات
..... الووووو شن في يابنتي من مات
هبه ..من هذا طح سعدك يا فروح ودرتينا
.. ردي يا بنتي شغلتيني من مات
فروح .. حي علينا من اللي رد من نقال هند
هبه .. قولي الو شوفي من والا سكري
فروح ...الو من امعاي مش هذا رقم هند
.....انا بات هند هيا مش قاعده من يا ابنيتي مات
فروح .. لا ياعمو متنشغلش غير قطوسي مات
بات هند ... فجعتيني يا ابنيتي قلت من اللي مات انا
فروح ...سامحني يا عمو نحسابك هند
بات هند ...مفيش مشكله يالا سلام
فروح ..سلام
وسكرت فروح وهبة مسكت المخدة وبدت في فروح طاف طاف طاف
هبة ... ما ايجيني من وراك غير المشاكل كان سيبتيني انهدرز مع سلوى اختك اعقل منك
سلوى اخت فروح مواليد 2002 بس هنا الاثنين مختلفات في الطبع
فروح ..وووووووك عليا منك وانا شن دراني أن باتها اللي يبي أيرد
تليفون هبة رن بحتت لقاته باتها ردت
هبه .. الو بابا
بات هبه ....
وانتهت الحلقة مع تحياتي لكم وإنشاء الله الروايه تعجبكم وهذي اول تجربه هل انكمل أو انوقف
YOU ARE READING
☺☺قصة فروووحتي 😘
Teen Fictionمهما كانت الحياة ومهما كانت البشر فكن متفائلا مثل بطلت الروايه فكن دائما مبتسما #سابتسم مهما مزطتني الحياة ?
