☺☺قصة فروووحتي 😘

الحلقه الرابعه عشر 😢😢😢😢

علاء ..الووو
الدكتور  ... الو من معايا
علاء  ... كيف من معاك مش هذا رقم إسلام
الدكتور  ... اها رقم إسلام انت شن تقربلى
علاء ... انا ولد خاله
الدكتور ..... اسمع ياخويا انا نبي نحكي معاك في موضوع ضروري
علاء  ... انت من وإسلام وين وشن هوا الموضوع
الدكتور  ... انا الدكتور علي متخصص أورام
علاء  .. به إسلام وين وشن جاب نقاله عندك
الدكتور  ... هنقولك بس قبل وحد ربك وكل شيء قضاء وقدر
علاء  ... لا اله الا الله غير احكي شن في
الدكتور  ... إسلام توه قاعد في العنايه المشدده وحالته صعبه جدا
علاء  ... شنو اتقول انت عليش إسلام كنه
الدكتور ...إسلام عنده ورم في ادماغه وحالته خطيره ولما انتبهنا للموضوع كان المرض منتشر في جسمه كله وكان من الضروري العلاج بلكيماوي بس إسلام مبش
علاء ... انا جاي توه والله ايربحك يا دكتور حاول تنقذ ولد عمتي
الدكتور  . . انشاء الله خير

طلع علاء من داره لقى باته ايهزب
بات اميره  ... تي كيف أسلام ايدير هكي انا هنربي
انا عطيته بنتي مش عشان يكسرها
علاء  ... وسع بالك يا باتي راهو إسلام راجل بمعنى الكلمة وهيا نحن لازم نمشوله توه
بات أميره. .. كيف شن تحكي انت 😡😡😡
علاء حكى القصه كلها لباته واميره كانت تسمع فيهم وتبكي
طلعو بعدها علاء وباته وخذو معاهم اميره وفي الطريق كلو بات إسلام وباقي خواله ولحقوهم للمستشفى
خشو للمستشفى وسألو على إسلام دولهم على مكانه بعدها مشو لمكانه لقو الوضع متلخبط والدكاتره يجراو واللي يسألوه وميردش عليهم واشويه وجا بات إسلام والعيله كلها التمت
الكتور طلع
فرج  ... الله ايربحك دكتور طمني على اولدي 😢😢😢😢😢😢😢
الدكتور  ... قول خير بس
فرج  ... شنو وضعه
الدكتور  ... وضعه خطير
اميره سمعت الكلمه هذي قعدت كيف اللي جتها صدمة وكانت تمشي وهيا تبكي لعند طلعت من المستشفى
اميره كانت تمشي في وسط الطريق وفجاه فقدت الوعي

خشت سلوى وفروح وسميره جابهن علاء
سميره  ... الله ايربحك يا فرج قولي انه الكلام اللي سمعته انا هذا كله كذب
فرج  ... وحدي الله وادعيله راهو اوليدنا محتاج لدعوتنا توه أكثر من أي شيء
مع خشت عمر كان جايبه صاحبه كمال لأنه فروح حكتله كل حاجه وهيا في الطريق
عمر  ... فروح وحدي ربك وخليك قويه على الأقل عشان خاطر باتك وامك وادعيله بإذن الله يشفى
فروح  ...آه اه اه يارب يا عمر يارب خويا اينوضلي طيب نقدرش انعيش بلاه انا يا عمر انحبه خويا الغالي
سلوى  ... خلاص فروح معش تحكي هكي وادعيله

مع خشت إسعاف للمستشفى وكلهم كانو يجروا
كان في بنت دايره حادث وهما خاشين بلبنت

سلوى  ... هذي اميره يابابا هذي اميره
فرج  ... اميره كنها امتى صار فيها هكي
الراجل  ...انا كنت ماشي وهيا فقدت الوعي قدامي وخبطتها بلسياره
الدكتور  ... اشرح بعدين توه جيبوالبنت حالتها خطيره

خشت اميره لغرفة العمليات وكانت حالتها خطيره والضربه جيتها على رأسها
وبعد مرور ثلاث ساعات طلع الدكتور من غرفت العمليات والدكتور الآخر من العنايه وكانن الحجرتين جنب بعضهن
دكتور إسلام  ... وحدو الله
فرج  ... لا اله الا الله
الدكتور  ...  إسلام عطاك عمره  😢😢😢😢😢

دكتور اميره  ... أذكر ربك خويا
بأت اميره  ... لا اله الا الله
الدكتور  ... بنيتك عطاتك عمرها 😢😢😢😢😢

بدأ العياط والبكاء في المستشفى
فرج  ..اه ليش يارب كسرت ضهري يا اسلومه ليش سيبتني يا وحيدي ليش ياباتي انا نقدرش يا اوليدي على افراقك ليش ماقلت كان سافرت بيك وعالجتك 😭😭😭😭😭😭😭ربي يصبرني على افراقك يالغالي

سميره    . .... ووووووووووووو اوليدي عدا حبيبي عدا اه يارب صبرني يارب اوليدي وخطيبته في يوم واحد واااجد يارب نقدرش هكي نا نعلي يا اسلومه اه يا اميره توفيتي من قهرك يا كبدي عليكم يا اعيالي
أم اميره  ... آه ابنيتي عدت نااااااار ابنيتي واوليدي عدوا اه يارب صبرني يا الله  😢
بات اميره كان مصدوم

سلوى  ... آه يا اسلومه اه ياخي 😭😭😭😭😭

علاء كان يبكي وعمامه ايسكتو فيه

فروح  ... ووووووووووووو لالا لا ياربي لا اسلومه لا ياربي خويا ياربي هذا دنيتي اه من بيقولي فروحتي من يوم وغادي من ايدورني اول من غيب عليه اه نقدرش انعيش بلاك انا انت خويا لالالالا للا يا اسلووووووووووومه اه يا ناري عليك يا اميره اه ياروحي يا حبيبته مقدرتش اتسيبيه عديتي معاه حتى للموت اه يروحي عليكم عرسان في الجنه

كانت المستشفى كلها اتبحت في الصدمة اللي صارت للعائلتين هذيما
عمر كان ايشوف في فروح تبكي ومش قادر ايدف الكرسي لأنه حاصل في طرف الدروج  ومش هاين عليه ايسيب فروح

فروح  ....عمرررررررر😲😲😲😲

كان الجميع يبكي وكانت روح الحبيب تخرجان سويا هذا هو الحب ذهبا في نفس اليوم وان بقت اميره أو بقى إسلام وتوفي شخص واحد فسيبقى الثاني جسد بلا روح لأن الروح متعلقه بحبيبها دائما 😍😍

تحياتي. ...
             بنت العصيه 😘