أميرة في الخفاء

27

البارت 27😻

هادي
من كثر التوتر والتفكير والغيره الي احس بيها
قررت اخذ الاطفال رحله كم يوم بمدينه ثانيه الهام متريدني ولوما الاطفال عدها استعداد تتطلگ وتبقى عايشه ل ابنها والدليل انهزمت بالاطفال والدليل الثاني انتظرتها تجي ويانافضلت تبقى يم عبدالله
ولازم تفهم اني هالمره الي راح اتخلى واعوف
ام هادي يمه انت وياها اثنينكم غلطانين واطفالكم راح يدفعون الثمن
هادي ليش اني شمسوي رايحين نتونس ونغير هوا وهيه تبقى يم ابنها
ام هادي خابرها فهمها بدون متخليها تتخبل
هادي اني اريدها تتخبل اريد اشوف ابن فهد بيمن يفيدها
انتي ارتاحي يمه وخليني اعلمها قيمتي
يوم كامل هيه ادگت تلفونات ورسائل
اجرنا بفندق ونطلع اني والاطفال وامي بالفندق نايمه
مسلم بابا ليش ماما ماجتي ويانا
هادي كم يوم وتجي لاتخافون وتونسوا

الهام ابد مجاوب اتصالاتي ديرد السويته بيه
الليل حل ومااعرف اطفالي وين ريگي صار يحرحني ومابيه جزء قوي يسندني كلي ارجف
الهام يمه گلبي شسوي گوليلي
ماما يابنتي قابل وين راح يريد يخوفج ويحسسج بغلطج
الهام لا اخذهم وراح بعد مااشوفهم متشوفيه قدم طلاگ حتى ياخذهم
يمه فدوه اتصلي بخالتي يمكن تجاوب
اتصلت مغلق
ظليت للصبح لازم باب بيتنا وطلعت بالخمسه الفجر. اشوف الباب يمكن انفتح ورجعوا
وانتظرت باص المدرسه يمكن اشوفهم بيه
الظهر واني حالتي متنوصف
اتصلت باخته هبه سالتها يمكن عدها
هبه لا ام يسر مشفتهم ليش صاير شي بينكم
الهام هادي يريد يطلگني وياخذ الاطفال فدوه خابريه احجي وياه

هادي اتصلت هبه اعرف الهام موصيتها
هبه وينك ابو يسر الهام حتموت شبيك وياها
هادي شغله بيناتنا
هبه على الاقل اتصل بيها گولها انت وين
هادي هسه اني بمطعم ويايه الاطفال اخلص واتصل بيها

الهام ردت اتصلت هبه
هبه لاتخافين ام يسر هسه يتصل بيج ديتغدى هو والاطفال
الهام يشهد الله من البارحه مي مداخل بحلگي راح اموت والله
هبه علكيفج ياعيني قابل هو خاطفهم ابوهم واخذهم يتونسون
مابقى عندي حيل ولاصبر دخلت بفراشي انام دگ تلفوني خالتي
الهام الوووو خاله انتي وين ليش هيجي
ام هادي احنا بكنت هادي ماقبل اگولج وهسه طلع ويسر اخذت التلفون وگالت خابري ماما
الهام شتسوون هناك
ام هادي رجلج متسودن يگول الا اعلمها شلون تفرط بيه
ام الهام هو اني الفرطت لو هو الي مخلي عقله من عقل طفل مريض
ام هادي بعد هذا عقل رجلج شنسوي
الهام خاله فدوه انطيني عنوان الفندق خلي اجي
انطتني العنوان
وطلعت الساعه وحده الظهر
هادي انطيت ل امي التلفون تتصل بيها اريد اشوف تجي ورانا لو متگدر تفارگ عبدالله

الهام وصلت للفندق دگيت باب الغرفه اسمع صوت اطفالي فتحت غنى
وركضوا جهالي عليه اخذتهم بين اديه وبجيت

اجتي الهام دخلت بوست اطفالها ودخلت على امي واسمع صوتها تبجي
تركتهم بالفندق ورحت جبت اكل مبين عليها مماكله ترجف وجها اصفر
لمن رجعت كانت نايمه وامي گالت اتركها نايمه صفت دموع عيونها يله نامت
بالليل گعدت تاكل اني سهران
هادي تعالي داحجي وياج
باوعت عليه واجتي يمي بدون متباوعني
هادي شوفي الهام يوم الي انتظرتج بالسياره حتى تجيين ويايه مااجيتي واختاريتي عبدالله
ويوم الي اخذت اطفالج وعرفتي العنوان تركتي كولشي واجيتي تعرفين شنو معناها
الهام شنو معناها
هادي معناها اني لاشي بحياتج والي يربطج بيه هو نفسه الي يربطج بفهد الاطفال
الهام فسر مثل ميعجبك راسي يوجعني ومااريد اتعارك
هادي مو من حقج تتعاركين مدام اجيتي هنا شروطي تمشي لو ابن فهد لو ولد هادي شتختارين وهسه
الهام كلهم اولادي
الهام لا اختاري وقسما ياالهام لو اختاريتي اولادي ورحتي ل ابن فهد اكون حارمج منهم للابد والله اسويها
گامت تبجي
هادي وفري دموعج تختارين منو
الهام اختار اطفالك واترك ابني عبدالله غصبن عليه
هادي الطلاگ راح يبقى والاطفال بينا مااگدر اعيش ويه وحده مااعنيلها غير ابو اطفالها
رجعنا لبيتنا بعد ست ايام رجعت لعملي وصارت المسافه بينا تكبر يوميه حتى لمن اكون موجود تعزل نفسها عني
بيوم رجعت من الدوام الاطفال گاعدين ينتظروني وامي نايمه والهام ماموجوده
هادي وين ماما
يسر راحت لبيبي هسه تجي
هادي شگد صار من راحت
يسر شويه .
طلعت اشوفها وين اكيد عند عبدالله
اول مطلعت كانت جايه تمشي طلعت من بيت اهلها
وين جنتي يابه
الهام اشوف ماما لو هم حرام
هادي جنتي عند عبدالله لاتجذبين
الهام مدااجذب اسال الاطفال رجعوا من المدرسه اني موجوده وطلعت هسه
هادي روحي ارجعي لعبدالله يله برى
قفلت الباب ظلت تدك مافتحت الها
راحت ل اهلها بعد ساعه اجى ضياء وامي گعدت
هادي هلوووو ضياء شلونك
ضياء هادي ترى الي دتسويه غلط ميصير تخليها بهذا الاختيار الصعب
هادي يعني كانت عند عبدالله
ضياء احجي انتي خاله
ام هادي والله ماطلعت غير لمن خالتك دگت عليها رادتها تدهن ظهرها وراحت
ضياء صدكت ترى الهام ممسويه اي ذنب وانت بديت تدخلها بمشاكل مالها داعي
هادي اعتذر خليها ترجع
ام هادي روح انت جيبها خطيه طلعت روحها على اطفالها
هادي هذا القاهرني منها باقيه ويايه لخاطر الاطفال لو تريدني مادورت طفل من غيري
ام هادي بزرها متگدر تعوفه
طلعت اجيبها كانت واگفه بالحديقه واحنا دنمشي گالت
راح ابقى لحد اطفالي ينامون واطلع
هادي ليش
الهام ذليتني وهنتني وتعرفني شگد اكره الحياه البيها ذله
دخلت للبيت وراحت تريد تسوي عشى دموعها تتسابق

هادي لاتطبخين راح اجيب مدبره منزل للبيت
الهام ومدبرة المنزل تامنها على اطفالك اكثرمني
هادي انتي الي تخليتي عن دور الام لاتحمليني ذنب
الهام كل الي صار بسببك لو متقبل وجود ابني ومخليني اشوفه بعلمك واگف ويايه ماوكع مسلم وتاذى للاسف ياهادي تخليت عني بوقت كنت محتاجتك ومن يوم الي اخذتني ماتخليت عنك وخدمتك بعيوني وهسه تريد تطلگني وتحرمني منهم شنو فرقك عن فهد نفس الشي وبعدين اني مطابختلك لاطفالي ولخالتي

كلامها كان صحيح تصرفت بانانيه بقيت يمها خلصت ودعت الاطفال
هادي ابقي اذا تريدين
الهام الغي طلب الطلاگ وطلب الحضانه يله ارجع مثل ماانت متريدني اني مااريدك
هادي طبعا اني وين والامراء وين روحيلهم احسن
الهام بگد ماكرهتهم وسكتت
هادي كرهتيني
اطلعي برا الاطفال ناموا

الهام
تمسك هو بعزة نفسه واني ماهان عليه يقفل الابواب بوجهي
صرت اروح يوميه بالسبعه الصبح ل اطفالي يروحون للمدرسه وهو يطلع انظف واطبخ وروح لبيت اهلي ارجع وقت الغدا اغديهم واكمل واجباتهم واطلع العصر لعبدالله يستغرق الطريق ساعتين ابقى ساعه ونص يمه وارجع بالعشره بالليل اطمئن جهالي نايمين واروح لبيت اهلي
يتبع...