أميرة في الخفاء

14

البارت 14

خلصت ساعات وساعات بالارض گاعده وماعندي رغبه ولا قوه اتحرك
جبرت نفسي وتحركت للتلفون اتصل مالگيت الجهاز ماخذه وياه
هاي هيه بدا فعلا يحبسني ويعزلني عن العالم
مااعرف ليش ماعندي رغبه اقاوم وارفض يمكن بداخلي امل يتراجع. او يمكن كرهت حياتي ونفسي واريدها تنال عقابها على اختياري الخطا

لميت نفسي ولبست ملابسي فكرت اطلع لبيت خالتي مااندل اسم المنطقه
وفتحت غرفه ثانيه اليه لوحدي وبيها مفتاح
الجوع كان ذابحني اخذت تفاحه حسيت طعمها مره والصداع شلني طفيت
الاضويه ونمت وحاولت ماافكر بالجاي شراح يصير اكثر

فهد طلعت من عند الهام لبيت اهلي انتبهت امي على ملابسي
ام فهد هذي ثياب تروح فيها حگ الامير فشلتنا اصعد لغرفتك وغير غيرت الملابس وصلنا لديوان الامير سفيان وظلوا يحجوون ويحجون بتفاصيل انه ساكت
واسال نفسي ليه مطاوعهم اكيد بداخلي انه راضي وادعي الرفض
انه سمحت لهم يدخلوني هاللعبه والحين ادعي البراءه
ليه ماتركت الهام بلندن وتزوجت بدون علمها حتى لو خايف من الاخبار توصل من اهلي ومن الجرايد على الاقل عند اهلها ويهونون عليها

اتفقنا الخميس العرس
رجعت حگ الهام البيت ظلمه واهي بغرفه ثانيه مقفوله
اكيد نايمه خليها ترتاح كافي الي عانته اليوم
التلفون شلت جهازه
وبقيت وحدي افكر بدون حل
مثل الي حطوا بيده سكين وشجعوه يذبح الي جدامه بدون رحمه بيج
اليوم الي بعده طلعت للدوام الكل مستلم بطاقه العرس ويهني

الهام گعدت الصبح فهد طالع
الصداع بعده عندي والضوى ياذي عيوني
دشداشته بالارض شلتها بالجيب ورقه
طلعتها بطاقة عرسه
قريته اسمه واسم ابو زوجته
يدعوكم الامير لحضور زفاف ولده فهد على
كريمة الامير سفيان
كلمة قهر مرات تعيشها لكن متگدر توصفها
احس بداخلي سم لاهو قاتلني ولا تاركني اعيش
دموعي متوگف وحتى النفس ياذيني

فهد نهايه الدوام الامير سفيان عطاني اجازه للعرس تركت الداىره ورحت على الهام براضيها يوم واحد بدونها خلاني بلا وعي واراده للحياة
دخلت البيت اول مشافتني مسحت دموعها
فهد شلونج الحين الهام
مردت عليه
تسحبت للغرفه الثانيه شلت المفتاح
طلعت من المطبخ للغرفه
سدت الباب وبعد ماطلعت ساعتين انطرها
گلت اروح عندها احاول معاها
دخلت في الغرفه نايمه متغطيه مشافتني رفعت عنها الغطى
فهد للحين تبجين ياالهام بتموتين كفايه لاتقهرين حالج عشاني
بجت اقوى والحرگه باينه عليها
فهد گولي الي تبيه اسويه العرس بالغيه
الهام الغيني اني الله يخليك طلگني وافق على سفري ل اهلي مااگدر اعيش وياك ومااريد الخميس يجي وانت رجلي الي يتزوج عليه
فهد گتلج الغي العرس
الهام تضحك عليه انت والبطاقات العرس الي ماليه جيوبك وزعتها لو بعدك لاتنسى تدعي هادي وتگله اخذتها عناد بيك وضحكت عليها وراح اتزوج اميره
فهد والله مو هذا قصدي من زواجنا انه احبج وانتي تدرين
الهام ادري اصلا تموت عليه ومن هاي راح تتزوج عليه لخاطر الله طلگني كافي شهريين اخذت الي تريده وزايد طلكني واتنازل عن كولشي والنبي حتى ملابسي مااريدها بس اخلص من هالورطه
فهد اموت لو طلگتج
الهام كافي تجذب واطلع عني صوتك من اسمعه تصير عندي كابه اطلع الله يخليك روح ل امك خليها تفرح بيك
وطمنها راح تطلگني
فهد الطلاك مايصير بينا لو يذبحوني
ومن اليوم تتعلمين تحترميني وتهابيني
طلعت من غرفتها
وتميت بالبيت معاها اتصالات اهلي متنقطع طلعت الهام
گطعت التلفون
الهام بداله خومو بداله متروح عند اهلك وتخلصني وديني عند خالتي
فهد متروحين بتمين جنبي
الهام بس تطلع الخميس اتصل بهادي من الشارع واخليه يجي ياخذني اللعبه خلصت
فهد اي لعبه اذا كانتي متزوجتني لعبه براسج والحين ودج تنهيها فغلطانه انتي زوجتي لا هادي ولااهلج ولا اهلي بيخلوني اطلكج اسمعي وافتهمي انتي زوجتي الاولى الي احبها وبتمي جذي برضاج او غصبن عنج والحين دشي داخل غيري ثيابج وتزيني لي
تحركي اشوف يله
الهام
من فجاءه تنكسر گدامك زجاجه رقيقه تگدر ترجعها ؟مستحيل
حلمي بالاماره انكسر بعيني واني اتزين لفهد واعاشره مجبوره
لست سوى حمقاء جاهله
سعت لحتفها بقصه حب كاذبه
اراد بي ان يثأر لحبا غفى في قلبه
مجروحا من صديق
واردت منه محو صور طفوله خاىفه