أميرة في الخفاء

20

البارت 20
هادي
اخذني الحنين ال الهام مره بعد مره وزال كل احساس بالغضب منها وصرت ادورها اتعمد اروح لشغلها بحجة اسمعها تشكي
الهام كافي شكوى بعد قررت انسى لاتعب نفسك وتسمع ماسي
هادي الحمد لله من رجعتي للواقع
الهام محتاجه شغل ثاني اساعد بيه اهلي يشترون سياره
هادي خليني اشوف اصدقائي ورجعلج خبر
الهام فدوه لاتنسى والله گلت ل بابا اخذ الذهب واشتري سياره مقبل گال هذا ذهبج انتي
هادي اشتري انتي سياره بذهبج
الهام مااعرف اسوق واوراق اللجوءلسه مطالعه
هادي صدوك نسيت يله تجيين اوصلج
الهام بعده الدوام ماخلص روح انت اني ارجع بالباص
هادي لا انتظرج
الهام بعدك تنتظرني
هادي سكتت لحظه وجاوبت
اتذكرت مااگدر انتظر اني رايح

تتصور الي عانيته قليل
هي تگدر تبجي وترتاح اما اني فمااگدر نار الغيره جوايه جففت حتى دموعي
هي تشكي ضربها وسبها وغصبها
واني مااگدر اگولها بيوم عرسها حتى الدم بجسمي ودي انزفه لان يذكرني بفهد

الهام مفتهمت قصده ومااعرف ليش ماسال عليه بعد
اندل شغله رحت عليه بالطريق سالت نفسي شداسوي شنو الي اريده استعيد هادي مكافي ليش ادور عن بديل
تخلصت من عقدة الطفوله بدرس ماينسي وهسه اريد اتخلص من الطلاگ بزوج اقهر بيه فهد
رجعت قبل لااوصل
بعدها بيوم مر عليه
هادي اشو متتصلين
الهام انشغلت ادور شغل ثاني
هادي وحصلتي
الهام لا والله
هادي يله تطلعين اوصلج للبيت
الهام يله
سالته بالسياره
الهام هادي اشو ماعندك علاقات ليش
هادي عندي انتي شمدريج قابل اسوي اعلان
الهام متعرف تجذب احجي ليش

هادي ليش جنتي متصوره تعقدت بعد مارفضتيني
الهام لا
بصراحه منتظره شوكت تلومني ونخلص
هادي على شنو الومج
الهام ماادري حاسه بيك شايل من عندي وحتى خالتي
اني حجيتلك وشكيتلك صار دورك تعاتب ونخلص
هادي الهام اذا اريد اعاتب عتبي جارح وانتي مناقصه
الهام يايابه الهلدرجه احجي اني سبب الجرح ولازم اسمع الشكوى

هادي
طلبت اشتكيلها وهذي فرصتي
هادي مااگول غير جنت احبج واحب صديقي
الهام واني اختاريت صديقك وتركتك وسط ناريين
هادي نار البنت الي اعتبرتها اول خطوه بطريق صحيح اريد امشيه وياها وانسى كل قصص الماضي المليان عثرات
ونار صديقي ليعرف من اول يوم اتصلت بيه يسهل فيزتج لبلده اريدج وسالني في شي بينكم جاوبته في شي
يانار ارحم برائيج
الهام اثنينهن صعبات
هادي احجيلج عن غيره اكلت گلبي وانتي تشكيلي من حبه من غاب عنج وراح يجيب اهله
تدرين الكلام النقلته الج عنه كذب مگاله كان حجيي ومشاعري الج اني الي اجاوبج واحس بيج اني اتمنى اكولج اني الي احبج واني الي راح اموت اذا تركتيني
الهام ياريت گلت ياريت
سكتنا الطريق كله
وگف يم باب بيتنا حتى انزل
الهام اني اسفه مو بس على جرحك
اسفه لان خسرتك واسفه لان اختاريت غلط
نزلت شغلت نفسي بالليل ارتب المطبخ وغيرها من الاعمال بس حتى انسى نبرة صوت هادي
اني وضياء انام بنفس الغرفه
لگيته يلعب العاب كمبيوتر
الهام العب وياك
ضياء تعالي اليوم صايره ام بيت تنظفين وترتبين شكو
الهام انهزم من التفكير بهادي
ضياء ليش شبيه هادي
الهام اليوم گال ان كان يحبني واني جرحته
ضياء ليش انتي متعرفين هو كان يحبج
الهام ادري لكن تجاهلت وهسه حسيت الي سويته خطا
ضياء شراح تسووين حتى تصلحين الخطا
الهام العب كمبيوتر
ضياء ههههه وبعدين مناويه تعتذرين منه
الهام كتله اسفه
ضياء لو في مجال ساعديه يشفى
الهام اسكت ضياء اني التجربه الي مريت بيها متخليني افكر باي شخص عشر سنين بعد
ضياء خطيه يعني هادي لازم ينتظر عشر سنين بعد
الهام منو گاله ينتظر هو يحب يعذب نفسه
ضياء اسمعي كلامي الولد منتظرج
الهام اگولك انت اول اخ يشجع اخته على الانحراف
ضياء لج حب مو انحراف يسموه
الهام تعال اتذكرت منو هذي البنيه الي گاعده وياك بالكامبنك ورايحين سوالف حتى نسيت تجيبلي استكان جاي
ضياء وحده انتي شكو المهم گوليلي حلوه عجبتج
الهام حلوه بس ماتصلح چنه لان سمينه هواي يادوب تشيل روحها
ضياء هههههه واني گوه امشي خوش كبل نصير
ثاني يوم هادي مامر عليه للدوام ضليت انتظر مااجى
من رجعت اتصلت بيه