ميره_في_الخفاء
البارت السابع
للكاتبه زينب الموسوي
هادي سافرت الهام مع والدها البيت
يختلف بدونها مع ان هي بالايام الاخيره ابتعدت عني وتسهر هوايه
حسيت ممصدكه احبها من عرفت قصة ايميلي يمكن لو تعرف القصه الحقيقيه عذرتني على حزني عليها
الهام وصلت عند اهلي اختلط احساس الغربه عندي ويه احساس التعجب بالبلد الي اشوفه
الناس اهلي لكن ميعرفوني ومااعرفهم ماما تدقق بملامحي وكل شويه تلگه شبه بيني وبينها
والدي داىما صامت وكل تصرف يسويه لازم يبرر لماما ليش
يمكن هذا تاثير خياناته الها عدة مرات بالماضي خالتي ام هادي حجتلي هذي المعلومه
ضياء شاب يخفي الاعاقه بخفة الدم
ميوگف الا بسندات حديديه يلبسها برجليه و ركبته
اديه صغيره بالنسبه لحجم جسمه
صوته متقطع
انكسر گلبي عليه وبدون تخطيط مني دفعتني الاخوه ان ارعاه واهتم بيه من اول يوم وصلت هو يگعد على كرسي خاص اثناء الاكل حتى يرفع الصينيه لمستوى جسمه واني توليت مهمة اساعده بالاكل
ضياء شطابخه اليوم لولو
مسويتلك برياني دجاج واني اوكلك بايدي
ضياء ئي والله هذي الاكلات اسمع بيها ومااشوفها بيتنا
الهام ادري امك تطبخ بس معكرونيه صار تلث ايام مره معكرونيه بالجبن ومره باللحم
ضياء اني شجره معكرونيه خضرت ابطني اخاف متدرين
الهام هههههه اني حلفت بعد مااكلها
سكتنا
ضياء شوكت تعاتبين اقرا بعيونج حجي وكاتمته
الهام اذا احجي احتاج ١٨سنه
مو عمرك ١٨ واني مو اختك مافكرت تسال عليه بتلفون محاسبت امك وابوك وگتلهم اختي وين
ضياء تدرين انتي محظوظه ماعشتي وياهم وشفتي الي شفته
الهام شتقصد
ضياء اكبر جريمه صارت بتاريخ البشريه هو زواج ماما وبابا
طلاگين تطلگوا محاولتين انتحار ل امي
شكوى بالمحكمه انسدت بالواسطات
امي كانت توديني للممستشفى للعلاج وتروح تراقب بابا ويامن يخونها ترجع منهاره تاخذني بسيارتها تبجي
بالبيت تتعارك ويه بابا وتترك البيت لبيت خالتي يرجعها بعد اسبوع وهو يحلف اخر مره
الهام وليش ماطلگا ت وفضتها اذا هو خاين
ضياء حاولت مرتين ورجعت بسبب متگدر على مصاريف علاجي ..
الهام بس هيج رجال ميستاهل تبقى وياه
ضياء بابا خياناته كان رد فعل على مرضي متحمل الواقع هرب منه بالعلاقات
كلام ضياء كان تبرير ميسد الجرح ولايخفف الم غرفته مليانه كتب ومثقف وحجيه يدل على عقله الواعي
الهام هذي الكتب كلها قاريها
ضياء اقراها هرب من الالم
الهام انت من تحجي مثل الفيلسوف
ضياء يعني محبوب لو مكروه
الهام محبوب
عرفت والدتي مريضه بالكابه وعصبيه
متهتم بالبيت بالطبخ العراقي
تعتقد مرض ضياء بسبب حظها الاعوج
بدينا اني وضياء نطلع ادفعه بالكرسي
وعلمني على المترو والباصات وارقامها
استغرب من الهدوء الي في الشارع شعب جدي الحجايه تطلع منهم بدون ميحركون شفايفهم واشوف ضياء تصادفه وحده يگلها هلووو. حلوه
ترد عليه هلووووو ايها الجذاب
بدون قصد
ضياء اشو ذني ميصدگن واحد يضحك بوجهن
ضياء اوربا عزيزتي
الهام يعني هسه اني اشوف واحد بالشارع واگله هلو ياحلو وعادي لو بالعراق تصير دموم
ضياء ههههه وهنا هم تصير دموم
الهام ليش يابه
ضياء گدامي تگولين لواحد حلو
الهام اوربا ياعزيزي ههههه
ضياء ادفعي سريع احب الهوا من يجي على وجهي
دخلنا المترو تذكرت وصف هادي لندن
ولو المدينه متنوصف
ثالث يوم صارت فرصه اتصل بفهد
اخاف نساني هسه
اتصلت باليل غلطت مرتين بالرقم
وبعدين حصلت دگ خفت ليكون شخص ثاني
فهد عرفت من هادي ان الهام وصلت
ماگدرت اتصل مااعرف ضروفها وهنا الرقم ينكشف راسا للمتصل
وهي ليه ماتتصل ياخوفي نستني
دگ تلفوني وحده باليل
فهد الووووو الهام غلاي
الهام شلون عرفت
فهد والله منتظر تلفونج من ثلث ايام گلبي جاوب قبل صوتي وبعدين الرقم باين عندي ههههه شلونج
الهام بخير وانت
فهد ماني بخير ودي اشوفج
الهام مااگدر اطلع الا ويه ضياء او ماما
باجر رايحين لشارع يسموه شارع العرب
فهد وش يجيب باجر
ليه منايمه
ماادري
انه كمان مو نايم صورتك بكل مكان
بعدك تحبيني
منو گال احبك ههههههه
DU LIEST GERADE
أميرة في الخفاء
Romantikفي عالم صغير فتحت عيني لارى ضوء الشمس كفراشة تخلصت من خيوط شرنقتها وبدات تجرب الجناحين عالم صغير يحويني كاي فتاة ابحث عن قصه لي بين سطور كتاب الحياهلم انتظر فارسا ولا انتظرت حبيبا لم تكن من ضمن احلامي او تخاريفي او اقسى درجات هذياني دون علمي دخلت ود...
