غسل العار

بارت م̷ـــِْن 31 الی 33

ماحسيت اله..
تحركت السياره بسرعه.. صوت التايرات تجرخ بسرعه ع الكاع.. للحظه ظنيت انها مشت وحدهاومامون صار بي شي..
رفعت راسي..
مأمون بصفي.. مابي شي وديسوق.. بس مدنك راسه شوي..
كبل خليت راسي ع رجله وبجيت بحركه..
ع الخوفه المريت بيهه.. تهيأ لي انه بعد مااشوفه بغير الشوفة التخيلتها..
خله ايده ع راسي..
تحركنا وبعدنا عن البيت..
صوت الطلقات لهسه باذني..
الخوفه ماراحت.. كلبي يريد يطلع من مكانه..
السرعه المشه بيها مأمون حسيت السياره راح تنكلب بينا..
لنص الطريق شال التلفون..
كان يباوع للطريق ويباوع للتلفون..
خلاه ع اذنه..
شويه وكال:طالب.. وين انته؟.... خوش.. جايك بسرعه حضرلي البيت.. تسلم حبيبي.. لالا.. لكيتها.. والله.. شكرا.. الله يبارك بيك.. اي هسه جاي.. بسرعه... اي.. مع السلامه..
سد التلفون .. التفت الي وابتسم..
مأمون :طالب صديقي.. راح نروح ابيته .. بين ماتصفى الاوضاع..
باوعت بعيونه.. :خايفه.. مأمون خايفه عليك منهم!
ضحك وكال:يخسون!
كملنا الطريق.. شوي ووصلنا..
دخل السياره جوه بالبيت..
فتحلي الباب.. سلم عليه ولد يطلع اكبر من مأمون ..تارس وعنده كرش بارز حيل..
كال:هلا بيكم.. شلونج اسيل؟
هزيت راسي..الحمد لله..
فتح الباب..
دخلت اول حده.. مأمون وطالب ورايه..
اسمع طالب يكله ولك سويتهه ولكيتها! وين جانت..
كله بعدين احجيلك.. روح هسه!
ضحك طالب وكله ها لازم اليوم اطلع ضيم الفراك مو؟
همس له انجب ولك! يله ولي منا!
احس خدودي كبت..
كملت طريقي وصلت للصاله..
اسمع الباب انسد..
ذبيت عباتي..
شويه واشوف مأمون كبالي.. باوعلي وابتسم..
بقى واكف بمكانه.. نوب شوي شوي بده يتقدم..
لااردايا وكفت..
ظليت اباوع بعيونه.. لحد ماقرب مني استحيت ابقى اباوع بيهم...
همس يمي:اسيل.. لوعتي كلبي!
اخذت نفس.. من ذبيته احس كل جسمي رجف .. حتى النفس الطلع مني يرجف..
غمضت عيني..
احس بكل حركه منه.. تشعل ناري شعل..
خله ايده ع ظهري.. مشاهه.. كزبر جلدي.. حتى راسي احس شعري انكمش..
قربني منه.. صار كل جسمي بيده وع جسمه..
دنك راسه يمي.. حسيت بأنفاسه..
كال:لج أنتِ روحي.. جر اااااخ طويله..
مغمضه عيني واسمعه.. بلا وعي.. شلت ايدي ع وجه..
خلتيهه ع وجناته..نزلت ايدي ع لحيته.. استمتعت واني اتلمسها. وهي طولانه حيل بقيت احرك ايدي عليها..
لزم ايدي.. باسهه.. فتحت عيني..
اباوع لعذاب كلبي .. لعيونه.. اعشقهن..
كان شكله تعبان.. يباوعلي بعيونه مثل واحد دايخ وكوه فاتح عينه..
كال:ارتاحيتي من عفتيني مو؟
دنكت راسي.. رفعه بيده وكال:لا ادنكين! خليني اشبع عيوني منج! كافي السويتي بيه!
همست:اسفه..
مااحس اله شفايفه انطبعت ع خدي..
نوب ع عيني.. ع خشمي.. ع كصتي..
دخت حيل..
حسيت نفسي مامتوزانه.. لوما اديه المحوطتني يمكن كان وكعت.. باسني من شفتي.. احس روحي اختنكت..
بعدت عنه.. احس الحراره تطلع من اذاني ووجهي..
درت وجهي مااكدر اباوعله..
كلت:اريد ادخل حمام..
كال:هذاك...
طلعت ثوب من جنطتي ورحت للحمام..
غسلت .. كل بالي يم مأمون واللحظات العشناهه قبل شوي.
كملت وطلعت.. لكيته محضر عشه..
باوعلي وابتسم:تعالي اكلي..
-خل امشط..
كال:عوفي بعدين .. اني امشطلج!
كعدت يمه.. احس عيونه تريد تاكلني.. ع وجهي ع ركبتي ع كل شي بيه.. بحيث ماتركلي مجال اكدر ارفع راسي واباوعله واشفي شوكي..
كملنا اكل.. ردت اغسل المواعين..
لزم ايدي.. جرني اله.. وكعت بحضنه.. همس :عوفيهن..
مو بس تريدن تشردين مني؟!
دنكت راسي وابتسمت..
مأمون :خره باهلي! فدوه رحت للضحكه..
نزل المنشفه من راسي..
خله اصابعه بين شعري..
ياخذ خصل ويشتم بيها.. ويذب نفس طويل..
كمت من يمه..
كام ورايه.. حضني من ظهري..
مأمون :وين رايحه؟ تتخيلين اعوفج اليوم؟
-اريد امشط وانام..
مأمون :وين تنامين؟
مادري..
اشرلي ع صدره..:هنا تنامين..
-لااا.. ميصير هيج!
مأمون :خلص ماكو شي بعد يمنعني منج! لا حرام ولا اهل ولا اي شي!
-بس اني مااريد هيج!
مأمون :باجر .. اتزوجج واشوف اليحجي.. بس اليوم مراح تنامين اله هنا! ومااريد اعتراض!
سكتت.. كوه فلتت نفسي منه..
رحت للغرفه..مرتبه ومفارشهه جديدة واثار الخزن لسه بيهه.. لكيت مشط صغير .. كوه دبرتهه ومشطت بي..
مااحس اله مأمون فات عليه.. واكفه اني كبال المرايه ..هو ورايه ويباوعلي.مبتسم قرب خطوات لزم شعري.بده يمشطلي بيده..
اباوع عليه بالمرايه واحس روحي راح اوكع للكاع..
نوب يتقصد يطول يله ينزل المشط..
كمل.. بعد شعري عني وخلاه ع جهه..
باس ركبتي.. حضني.. باوعنا للمريه اثنينا..
بحياتي متخيلت هيج راح نوصل.. وهيج راح يكون قريب مني مره ثانيه..
شويه وبعد عني..
تمدد ع الفراش.. بقيت اني اتحجج ومااريد اروح يمه..
صح اريده بس مو هيج بلا زواج ولا شي..
صاح..تعالي هنا! يله تعالي نامي! تعبتي اليوم!
ترددت.. بقيت واكفه..
جر ايدي اله.. وكعني يمه..
صرت طول بطول ويا.. خله ايده جوايه وراسي ع صدره..
كال:تعالي سولفي شصار وياج بالتفصيل..
-شاك بيه مو؟
عدل نومته.. باوع بوجهي:لج شتحجين؟ اشك بروحي ومااشك بيج! بس هيج ردت اعرف خاف احد اذاج او حجى وياج وزعلج!
كلت:لا.. محد زعلني.. بيت ابو يوسف ملائكه مو ناس..
كال:ها شكلهم عجبوج؟
-لاااا.. شبيك مو هيج..
ضحك:ههه ادري.. يله كملي .. شلون رحتي منا؟ وشوصلج لهناك شلون اندليتي؟
بديتله من لمن طلعت من باب المطبخ لحد مافتحت عيني بيت ابو يوسف..
بقى ساكت واحس انفاسه بيهه حسرات صارت تطلع..
كال:تدرين طلكت؟
انصدمت.. ها؟
كال:اي.. خلصت منها ..
والطفل؟
كال:ماعلي شي.. نجيبه يمنا من نتزوج..
شلون قبلت؟
كال:انطيتهه فلوس بكد شعر راسهه! شتريد بعد!
حضني حيل وكال:عوفيهم.. انسيهم.. اليوم بس اني وياج .. مااريد اسمع بيهم ولااذكرهم..
حضنته.. داحس نفسي احلم.. حلم حلو ومااريد اصحى منه..
نسيت خوفي .. نسيت اخواني.. المصايب الي ممكن يسوهه..
غفيت بين اديه..
فزيت بالليل ع بوساته ع كل وجهي.. الغرفه ظلام وباردة حيل
كال:اسيل مادري شلون عشت ذيج الايام وانتي ماكو..
بسته.. كلت:بعد مااعوفك.. مراح اعيدها..
كال:جربي تيعديها.. اني الاموتج مو هيثم!
ضحكت:متسويهه ادري بيك!
كال:ها.. يعني متخافين مني موووو؟
صار فوكي..
كلت واني اضحك.. لالا اخاف والله اخاف بس وخر..
باس كصتي.. كال:الله لا يحرمني من ضحكتج.. واخيرا ضحكتي!
ابتسمت.. ارجع نام.. ترى اغير مكاني!
مأمون :ههههه لالا.. كلشي ولا تغيرين مكانج.. يله راح اصير عاقل..
حضني وتغطينا لان الغرفه كلش بارده صارت.. ماكو شي بس ظلام.. وبرد.. وحضن الحبيب. .. حاولنا النوم.. مكدرنا.. كل واحد عنده كومه حجي للثاني.. بقى مخلي راسه يم اذني ويهمسلي يسولفلي كل المر بي .. اني اسمع وابوس بيده الي جوه راسي..
مانمنا لوجه اصبح..
كعدت ماادري شكد الساعه.. انداريت .. مأمون ع نفس نومته.. بسته من خده.. فتح تك عين..
مأمون :فديت هل وجه اني..
-صباح الخير..
مأمون :صباح نور وسرور وحب وطيور
-ههههه صرت شاعر..
مأمون :هههه اي ..
-بيش الساعه؟
مأمون ..اكو بالصاله ساعه..
-تلفونك وين؟
مامون :غلقته .. اصلا مادري وين..
-خايفه؟!
مأمون :اسوي نصين الي يوصلج! لتخافين..
كمت من مكاني.. عيونه تراقبني..
وصلت الصاله ساعه ب11 ..
فتحت باب المطبخ.. اجه نسمه السموم بوجهي..
كنت مثلجة بالغرفه..
الجو برا حار.. باوعت للسياره.. الجام الخلفي مفلش..
تذكرت البارحه.. الله ستر مارحنا بيها..
والله اعلم هسه هيثم شمسوي..
حسيت بمامون شبكني.
همس:ها.. بشنو صافنه؟
-بيهم.. هيثم مراح يسكت.. خايفه عليك مأمون!
هههههه كل عقلج! اخوج هذا ال.... لتحجيني كوه! انسي..
خل اطلع اجيب شي ناكله..
طلع.. لميت هوسه العشا مال البارحه..
البيت كلش فوضى ووسخ.. مبين مابي مره تنظفه..
كملت تعزيل وغسلت القوري خدرت جاي واجه مأمون..
ابتسم بوجهي..
تركينا سوه.. عيونه مفاركتني..
كال بس نكمل ريوك واسبح نطلع نعقد ونفضها..
كلت:واهلك؟
كال:اخذت بحجيهم ومره وبعد متنعاد!
سكتت..
كمل اكل كلي بدلي ...راح اسبح واجيج..
بدلت وكعدت انتظره بالصاله..
طلع مخفف لحيته ..لاف المنشفه ع خصره ويتمندل كدامي..
دنكت راسي..
ضحك وكال:لج لوماانتي البارحه بحضني..
بدل ورجع يمي..
من زمان مشايفه الفرحه هيج بعيونه.. من زمان مشايفته هيج نشط ..
اتصل بطالب.. كله تعال منتظرك..
شويه ودك الهورن بالباب..
طلعنا.. واحد لازم ايد الثاني..
عايفين كل الوجع والقهر الي شفنا احنا الاثنين..
طالب:الله يساعدك.. قرب منه وكله:ها شلونه ظهرك؟
دفعه وكله:انجب ولك! احترم عاد!
صعدت وياهم.. طالب يفشل الي ميتفشل..
كل شوي وذب حجايه ..
عباله البارحه صار شي بينا.. ومامون بس يريد يسكته وماكو.. كوه تحملت .. احس روحي صخنت..
وصلنا ع السيد..
صار العقد.. من سألني اجه ابالي اليوم الاسود..
يوم عزام واهله ..
ضجت ودنكت.. ايد مأمون انمدت عليه.. طبطب ع ايدي..
وافقت من اول سوال..
هذا الي متأكده منه مثل روحي.. مايحتاج تفكير ولا شي..
شهد طالب وويا واحد مااعرفه منين كان بمكتب السيد كاعد..
كملنا وطلعنا..
ايد بيد..واحد يشد ع الثاني..
راح نحاربهم.. وراح نبقى سوا.. وراح ينتهي كل الالم لو شما يصير..
بارك النا طالب .. صعدنا بالسياره..
مأمون :وصلنا لاهلي ..
همست:مأمون!
كلي:خل نسكتهم عاد!
طالب:ليش تروح للمشاكل برجلك !
كله:اذا مارحت هسه راح اروح باجر ..
بكل الاحوال لازم يعرفون..!
حسيته مسويهه تحدي .. ومو هامه شي بس يريد يغيضهم..
احس جسمي كله ثلج وخفت..
وصلنا ع بيتهم..
فتحلي الباب ونزلنا..
لزم ايدي..
همس يم راسي:راح نكسر خشم كل واحد فرقنا!
باوعت بعيونه.. احسه عرف بالخوف البيهن..
دخلنا البيت..
مرت فلاح كانت بالمطبخ..
من شافتني ظلت واكفه بمكانهه وفاتحه حلكها..
واني هم حتى السلام طار مني.. ظليت صافنه بيهه..
كالت:شجابهه؟
مأمون :اني جبتها.. معاجبج حضرتج؟
كالت:لا بس متفاجئه..
دتحجي وطلعت امه.. كل الحجته والسوته بينا مر كبالي بلحظات..
شافتني.. باوعت لايدي البيد مأمون..
كالت بصوت يرجف:شصاير هنا؟
قرب منها مأمون .. كلها يوم باريكلي ازوجت ..
ظلت تباوعله.. صفنت هواي بي بلا ماتحجي..
احس روحي جمدت وياهه..
ماحسيت بيها اله وكعت ولزمهه مأمون ..
جرهه للصاله.. نيمهه ع تخم..
مرت فلاح جابت المي واجت تركض..
رش ع وجهه .. شهكت.. كعدت ع حيلهه..
باوعت لي.. ماحجت شي.. بس دموعها تصب ..
مأمون من شافها صحت اجه يمي..
لزم ايدي ومشينا خطوات..
كال اصعدي..
هزيت راسي بلا..
جر ايدي وكال هذا بيتج.. يله
صعدت ويا.. اخر مره شفتهه لهل غرفه بيوم حنته..
تذكرت الحنه.. احس كلبي انوجع..
دخلنا..
سد الباب ورا.. احس الغرفه تخنك.. احس سجى كاعده بيهه وتباوعلي..
ضجت حيل.. ردت ابجي اله شوي..
حضني مأمون ..
همس:شبيج ياروحي.. ليش ضجتي؟
-لا هيج ماكو شي..
كال:اعرفج مثل روحي.. ضجتي.. يله ماريد اضغط عليج اني..
كلتهه دفعه وحده بدون تفكير:اني مااريد ابقى بهاي الغرفه.. كال..مو تدللين اخليج بعيوني ..
كلت:فدوه لعيونك رحت اني..
شبكني اله..
بدت خطواته تدفعني ع الحايط..
يباوعلي ويتبسم..
شويه واسمع صوت عياط عمي..
مامووووووون.. ولك ماموووووون..
انقبض كلبي.. لزم ايدي وابتسم..
كال:لتخافين.. هسه الم كم حاجه ونطلع منا..
نزل.. خايفه اطلع ورا..
اسمع صوت صياحهم..
سديت اذاني باديه.. امشي بالغرفه واكول مااسمع.. ماريد اسمع .. ماراح اسمع..
طول مأمون جوه.. ويمكن اني من خوفي حسيت الوقت هوايه..
رجع لي يتبسم. ماكأن صوته كان يصعدلي فوك..
مأمون:يله حبيبي.. راح نطلع منا..
-زين ليش اجينا اصلا..
ضحك:هيج.. ردت هذا يصير وبس..
-بس..
قاطعني.. :اششش.. انسيهم..
ع السريع طلع اله ملابس.. خلاهم بجنطه..
من دنطلع لزم ايدي.. كلي ابتسمي ..
ابتسمت.. بس جوايه خوف كبير..
بقى لازم ايدي.. طلعنا من الغرفه..
نزلنا الدرج..
عمي واكف كبالي.. احس رجليه ماعادت تشيلني..
ايد مأمون هي الي كانت تساعدني حتى امشي..
دنكت راسي مااريد اشوف عيون عمي وهي تاكل بيه اكل..
وصلنا اخر بايه..
عمي بصوت يرعد:الله لا يوفقج! الله لاينطيج عافيه! تف عليج وع اليوم الصرتي بي! دمرتي عوايل من وراج!
تقدم مأمون .. صار يمه..
مأمون:هاي مرتي! وبنت اخوك! لو عندك ذرة غيره ماحجيت هل حجي!
عاط:خايب دكوووووم! هي الصارلها بالشهر مدري وين ماوين لوغيرها! ولك فهمني شلون الك نفس بيهه وهي جانت دايحه هااا؟!
مأمون:ماتكدر! شماتحجي ماتكدر اطلعها منا!
اشر ع كلبه..
رجع يمي.. اخذي ايدي وكلي يله..
من وصلنا مقابيل غرفه امه التفتت عليها..
شفتها كاعده ع كرسي ومخليه راسهه ليوره..
مرت فلاح لازمه ايدهه وتفرك بيها..
مأمون:يله! لتباوعين!
مشيت ويا..
احس كلبي راد يطك من القهر.. شرجعني اني.. وشلون راح اعيش بهذا العار النوب..
شفت طالب واكف بالباب هو وسيارته..
طالب:ها؟
مأمون اشرله بيدهه بمعنى اسكت..
صعدنا..
صافنه شراح شيحل بينا.. هيثم وفيصل شراح يسوون..
ماخايفه ع روحي..
طبني مرض.. خفت عليه هو.. خفت لا يجي يوم ياخذو مني لو يسوون بي شي لو يأذو..
الافكار السيئه مفارقتني..
وصلنا ع البيت..
طالب:اجي وياك؟
مأمون:لا روح.. بس بطريقك شوفلي بيت للايجار..
طالب:افه عليك! تأجر؟ لعد هذا البيت المن!
مأمون:يااخي كلت الك دبرلي بيت! ادريك هسه يومين تكوم تبجي ع السهرات وال... استغفر الله خليني ساكت!
طالب:هههههه يله ميخالف راح ادورلك بيت.. بس مااخليك تطلع منا.. يول هذا الك والله هسه اديره باسمك!
مأمون:ديله روح.. عود خابرني اذا لكيت!
طالب:خوش عليك.. خايب دروووح! صوجي اني منطيك ع كد عقلك.. روح بابا اخذ مرتك وروح!
مأمون:ههههههه ديله ولي..
واكفه ورا الباب وسمعت كل حجيهم..
دخل مأمون .. ضحك بوجهي.. رغم ضحكته احس بالنار البداخله.. احس بالضوجة والغضب من اهله..
مأمون:ها حبيبتي.؟ فوتي؟!
-اي ..
فتت وهو ورايه..
مأمون :اخ شحلو طولك من تمشي وانا وراك!
التفتت علي بنص نظره وضحكت..
مأمون:عيون لو صاروخ! اخخخخخ!
-ههههههه خل يولن!
دخلت الصاله.. مااحس اله اديه حضنتني .. فرني اله.. صار وجهي بوجهه..
مأمون:شنو مامصدكه.. شوفي هذا صواب عينج هنا صار..
شال ايدي خلاهه ع صدره..
احس خدودي كبت..
مأمون:شو باوعيلي!
ماشلت راسي..
مأمون:لج باوعيلي!
رفعت راسي..
كانت عيونه تفتر بكل وجهي.. الابتسامه تارسه وجهه..
مأمون:اروح فدوة لهل عيون اني!
صفنت بي.. بداخلي اكول اني شسوه بلياك؟
شنو اني بدونك؟
مسح ع خدي بيده..
همس لي.. :روحي؟ حبيبي؟ كلبي؟ وصار بي وماينصي صوته.. احس كل جسمي كزبر..
-ها...
مامون:عيوني
:هاا..
مامون:يابعدهم كلهم..؟
ها..
مامون:احبج..
ضحكت..
مأمون:جوعانه؟
-شوي..
مأمون:يله تعالي نشوف شنسوي..
رحنا ع مطبخ.. ثلاجة صغيره بي..
فتحناهه متروسه اشكال والوان..
مأمون:هههه.. والله ياطالب!
-هذا هو جايبهن؟
مأمون:اي..
-شتحب تاكل؟
مأمون:اي شي من ايدج طيب..
-ههههه لا .. خاف نوب اسوي وتبقى تقلد؟!
مأمون:هههه بعدج تذكرين الجاي المعطب!
-خرب! شذكرك بي؟
مأمون:ليش هو ينسي .. غير وكف هنا! اشر ع بلعومه.!
-بربك يعني جنت ستوني اعرف اشغل الطباخ وانته خابصنه بهل جاي! لو اعرف شنو اللذه منه!
مأمون:ها يعني متقصده سويتي هيج محترك؟
ضحكت ودنكت:اي .. لان ضوجتني بوقتهه وماردت بعد تجينا!
حضني..
مأمون:خبيثه! ليش ولج! وهسه هم ماتردين اجيج؟
هزيت راسي بلا..
اخذ نفس طويل.. اشوف الراحه بدت ع وجهه..
كال:اسيل ممصدك أنتِ يمي.. ممصدك كل هذا صار ورجعتيلي..
خليت اديه ع وجهه..
-مأمون..
عيونه وكلبه وكل شي بي؟!
-خايفه عليك!
مأمون:اشششش.. مراح يصير شي.. ومراح يفرقني عنج بس الموت..
خليت ايدي ع حلكه..:لاتجيب اسمه دخيلك..
ضحك:هيج تحبيني؟
-اكثر من روحي..
مأمون:الله لايحرمني شوفه هل وجه وهل عيون..
ضحكت..:يله شنو ماناكل اليوم؟
مأمون:اوي اوي حبيبتي الجوعانه.. اكعدي اني اسويلج.
ضحكت حيل:هههههههههههههههههه ههههههههههه ايع ايع اني اكل من ايدك.. اووووع!
جرني اله.. ابتسم بتحدي وكال:ترا اضوجج بشي ثاني هااااا؟!
سكتت.. احس وجهي صار نار..
ضحك:ههههههههههههه جبانه! ها وينج ايع ايع اوع اوع!
موووو.. ؟؟
سويت نفسي خايفه.. كلت:لا وين اكو من طبخك.. بس عفيه خلي طالب يجي خاف نتخربط منلحك نروح للمستشفى! ههههههههههههههههههه..
كرص خدي:ولج وتالي وياج..هههههههههههههههه يله مخبله..زعطوطه! هههههههههههههه
ضربت ع صدره.. اهووووو هم رجعناااا!
مأمون:لا هسه بدينا اصلا! ههههههههههه حبيبي أنتِ ..
باس كصتي.. تملصت منه..
بديت اطلع شغلات الطبخ .. كل شوي لازك لي ..
عطت بي ترا ضوجتني ها راح اخرب الاكل!
ضحك.. اي مو ع اساس دتستكشفين الذره! هي كلها طاوه بتيته وطماطه وتالي مناكلهه لو ناكل ونتسمم..
-اووو.. وخر خل اشتغل..
سكت مني.. اشتغل وهو يجر بشعري ويرفع بي ليفوك.. وبين لحظه والثانيه يطبع بوسه ع ركبتي..
كوه تحملت.. كوه بقيت واكفه ع طولي..
نوب الهدوء الصار خله روحي تذوب اكثر..
ماعرف شلون تحملت لحد ماكملت الاكل..
كعدنا دناكل..
يباوعلي وكل شوي يكلي ها وجعتني بطني..
ها يمكن تسممت.. واني اباوع واضحك..
شويه ونسمع  صوت طلقات ورمي بعيد شوي..
بهت حيلي.. نزلت ايدي.. بقيت صافنه بوجهه..
هو هم تغيرت ملامحه من الضحك للهدوء والصفنه..
يتبعالجزء الثالث والثلاثون ❤❤❤❤