☆ عـــــــــــدووي ☆

الـبـارت الـثـامـن عـشـر

- يلة ميخالف ،  تعبج راحة
قعدتو الغبشي فيقتو زهور اليوم امتحانا تركتا تبدل و رحتو حضرتو غيوقه ،  اجتي قعدت تاكل، نزل علي حكي
- صباح الخير
زهرا - صباح النور ،  تعال اتريگ
- لا مستعجل
اريد ابتعد عنها جسديا ،  ردت تواصلنا بس روحيا
اجتي قعدت امو و قمنا ندردش دقييق حتي تخلص زهور من القلق ،  غاحت بقينا انا و اما غاحت لغرفتا ،  نظفتو البيت شغلتو غوحي حتي ماحسو بالوقت كملتو و قعدتو شغلتو واي فاي وصنل رابط اغنيي فتحتا كانت اغنية طلال سلامة رضا والله و راضيناك و صلني مسج منو
- صباح الخير
- صباح النور
- جوعان
- محد قالك اطلع بلا غيوق
- مستعجل ،  هسة اشتري لفة و اكل
انتظرت ماردت
- شدتسوين؟
- و لا شيء
- اگلج
- قول
- علي نذر زيارة بعد يومين اروح و انتي وياي
- ليش انا؟ 
- مو انا ناذر اذا تزوجت ازور ابو عبدالله انا و مريتي
- ما اغوح معك
- هند هذا نذر مو يبقى برگبتي بس تعالي وياي اوفي و خلاص مارايد شي صعب
اخذتو نفس عميق - الله كريم
- اعتبرها موافقة
- اغوح اعمل الاكل
- اريد بامية
تركتو الفون و غحتو طبخت الغدا صعدتو لغرفته انظفا نسيتا
- اشنو طاقي عبوي هوني ؟
ملابسو بكل مكان و فغيشو مخغبط اشون عايش هذا
رتبتا و اخذتو هدومو نزلتو خليتم بالغسالي غسلتم و جففتم و نشغتم غحتو علخالتي
- خاليي
- هلة يمة
- جوعاني؟
- لا عيوني انتظر زهرا و ناكل
- علكيفكي ،  تغيدي شيء
- سلامتج يمة الله يسترج
- الله يسلمكي
قعدتو بالغرفي حكتني زينب فايبر
- شلونج حبي
- الحمدلله
- دزيتلج فيديو شوفي امانة هسة يوصلج
- اوكي
- باعي عود احاجيج على مجالي لان رجلي يمي
- تمام يقلبي
وصلني الفيديو فتحتو شيخ يحكي عن حكم المرأة المقصغه بحق زوجا ، و انه حرام و اثم تابعتو كلو سمعتو صوت زهور
- وينكم اجيت
- هلة يمة بشريني شسويتي بالامتحان
- الحمدلله يمة الاسئلة مي مي
- احمدك ربي ان شاء الله بكل الامتحانات اشوفج هيج فرحانة يمة
- الله يخليج يمة ،  خوما اتغديتو ترا ميته جوع
- غوحي غيغي ملابسكي و انا احضغوا
- لا انتظري ابدل و اجي على السريع اساعدج
- ما يحتاج قلبي اشنو هو ما صعب
صبيتو اجتي هي تنظف الخظروات حكت
- اويلي بامية اليوم العشق مالتي و مالة علي
اكلوا و زهور غسلت الفغيغ و غاحو لغرفم ،  غحتو لمتيو ملابسو و رتبتم بالجكمجة ، كانو هوسي رتيتم مايعغف شيء عن الترتيب  نزلتو لقيتو زهرا و امو نايمين دخلتو للمطبخ كان يجي حكي
- الله يساعدج
- و يساعدك
- الدنيا نار برا و ميت جوع ،  يرحم والديج
- غيغ هدومك و انزل اكل
صعدت ركض طبيت للغرفة جنها مو غرفتي مرتبة گمت ادردم
- الف مرة گلت لزهراء لا تشيلين شي منها انا اندل كلشي بمكانه
فتحت الجرارات مرتبه اخذت تراك و طبيت تدوشت و طلعت نزلت
- زهررة ،  زهررة
- اشنو تغيدو منا ،  نايميي
- الف مرة حجيت لا تشيل مني غرفتي
- انا غتبتا
فشلت لو ادري تطب لغرفتي جان سهرت الليل كله انظفها
- عاشت ايدج
- شسالفتهن نامن بدون غدا ؟
- لا اكلو
- و انتي
- لا
- جا اگعدي اكلي وياي
- ماغيدو ما احسو بجوع
گمت من الكرسي - خوش انا هم ماريد
- اوقف
- شني
- وين اودي بعد صبيتو
- اكلي وياي انا ماعرف اكل وحدي
سكتو دقييق و انا ادحق بوجو - اشنو صغيغ
- اي
قعدتو بدون ما احكي و اكلتو،  ياكل و يدحق بوجي اتضايقتو منو شرب ماي و غص فينو عيونو صارو حمغ و يكحكح قمتو دقيتو علظهغو يغيد يحكي مابينو و يشهق
- اسم الله ، ما تحكي

نفسيا ارتاحيت من حجت هيجزاستقر نفسي رجعت گعدت كملنا اكل
- عاشت ايدج كلش طيب الاكل
- عاافية
غسلت ايدي و گعدت دايخ على جاي شفتها خلت القوري على النار ،  صفنت اتذكرت ريهام و الايام السودة الي عشتها بعدها

- ما توقعت ارجع اعيش طبيعي

دغتو علينو - اشنو
- تدرين انا حاولت انتحر
- و اشنو الي خسرتو
- بنية ،  جنت اتنفسها اربع سنوات حب ماجنت اشوف بنات بس هي ،  اذتني بكد حبي الها
- ماتت؟
- يا ريت ، تزوجت
- العوض بالله
- فعلا ،  و اجمل عوض
عطيتو بيالة جاي و دحقتو باستغراب بدون ما احكي
- انتي اجمل شي صار بحياتي ، هند لا تأذين روحي انا طالع من موت

- تحتاج شيء  بعد؟
- احتاجج
- علي

قاطعتها - اعرف ، الي بيج مو هين بس حاولي وياي ،  حاولي تبدين من جديد و اوعدج ما اخذلج و اعوضج عن الراح 

- تعبتو من الشغل اغوح اغتاح

راحت و ما ضغطت عليها ، گامت تنتظرني كل يوم ناكل سوا ،  تتواصل وياي رغم اسلوبها جامد بس احسن من الماكو بيوم الزيارة طلعنا الصبح وصلنا للحضرة ازدحام كلش لازم ايدها ، 
- باعي تدخلين منين ما يدخلن النسوان وياهن وياهن توصلين للمقام
- تمام
- لا تضيعين جا وين انطي وجهي
- ما اضيع
- ديلة من تطلعين تلگيني هنا
راحت اباوع عليها لما طبت انا رحت من باب الزلم طبيت صليت و دعيت الله يصبرها و طلبتها منه

- دخلتو نطحنتو طحن بنص النسوان يدفعو و يبكو ما وصلتو للمقام ماطقتو ،  وقفتو  بعيد امامو و دعيت الله قمتو ابجي و انا احكي
- انت عشتو الظلم و عرفتو اشنو مر قتلو اهلك و قتلو اهلي ، مولاي انت ،  هنيالك لحقتم و خلصت من الدني ، انا ما حصل معي هكذ ضقتو حصغم فراقم ،  احسو بشعوغ زينب عليها السلام احسو بشعوغ الفقد و الضياع بعدم ،  اشون انسا ساعدني اشون اكمل بدونم و لا كنينو صاغ شيء

سرقني الوقت و انا بحضرتو ابجي ،  قمتو اصلي ركعتين،  حسيتو بالقوي و انا افكغ بالسيدة زينب ع و كيف كملت بعدم
قعدتو اتطمش النسوان اغتحتو كنينو جبل و نزاح من فوق صدغي

صليت و طلعت انتظرها بالي يمها بسلا ضاعت ، اتاخرت هواي ،  قررت انتظر ربع ساعه و وراها اروح للي ينادي ،  شفتها طلعت ارتاحيت اجتي علي
- قلقت عليج اتاخرتي حسبالي ضعتي
- لا
گمت اعدل بعبايتها - جا شتسوين هلگد جوا
- كنتو احكي معو
- ياهو هذا
- الامام عليه السلام ،  تركه انا اعدلا
- اصبري لا تتحركين
سرحتو بوجو ماعغف عنو شيء الله بعثو يحميني من نفسي ،  كان خسرتو الدني و الاخغي ، كان متو و ما غشعتم ، كنينو الله بعثو يرجعني لصراطي المستقيم
- شبيج جمدتي
- و لا شيء
افترينا نشتري شغلات لامي و زهرا و رجعنا بنفس اليوم
- مأجورين يمة
- الله يسلمج يمة
زهرا - احلى شي من العرسان يقضون سبعتهم يم ابو عبدالله سلام الله عليه

مرت الايام و الامور مستقرة  گمت كل يوم اسهر وياها نتواصل لحد ما تنام ، احسها شوي شوي فكت
بيوم گعدت الصبح ماكو هي بس زهرا بالمطبخ
- صباح الخير
- صباح النور
- وين هند
- بعدها نايمة
تريگت و رحت للشركة

دخلت للغرفة اگعدها - هند ،  هنوود شهالنوم اليوم
لزمتها نار و اتون - يمة اسم الله
رحت جبت مي بارد و خاولي صغير سويتلها گمادات ،  شوي و رحت جبتلها الاكل
- اگعدي اكلي ،  هند ،  هند
ماترد بس تون جنها ماتحس طبت امي
- وينجن ماكو يمة
- يمة هاي مصخنه نار اخاف تنشمر 
- اسم الله الرحمن ليش  ،  تتفحصها - نااار يمة دگي على اخوج
دگيت على علي - الو علي
- ها زهرا
- تگدر تجي للبيت
- ليش شصاير
- هند مريضه
بانفعال - شبيها زهرا
- جسمها نار من الصخونة
-  جاي انا جاي دقايق ،  لا تعوفيها خلج يمها 
استأذن و طلعت وصلت للبيت طبيت ركض للغرفة
- هند  ،  هند بوية احجي
لزمت گصتها نار تلهب صحت
- زهرة