في جامعة الموصل تمتزج اصوات العصافير مع اصواب الطلبة في احدى زواياها يجلسن تلك الفتاتان يتحدثن بهدوء و يضحكن
تطلع لارا الفتاة الكوردية من احدى القاعات تتجه نحو صديقاتها في مكانهن المعهود تراهن فتركض باتجاههن بصوت عالي
- ولجن ولجن
تجيبها زينب النجفية بانفعال - عزا بعينج الف مرة كتلج لا تصيحين
لارا - فاتتجن
بالقاعه صارت ملحمةترد هند بهدوء - ايش صاغ
- اختلفوا ع لون الشال
تتذمر زينب - يووو
اتفاقية الشال الي متخلص- ما خصنا ايش يقررون ، قولنا اي
تلعب بخصلات شعرها لارا - الحمدلله مو محجبه جان هسه طبيت بنصهن و اهتف
تضربها زينب على ايدها ضربتها
- ميجووز
ميجووز تحمدين الله لان مو محجبةتمسح لارا على ايدها - اااا
ابتلينا غلطنا بحضرة زينب المقدسةهند محدثة نفسها " هذولي غوحي زينب عغفتا قبل لارا و اعتبرا اختي ما صديقتي من الله تفهمني و افهما و لانو ماعدنا اخوات
صغنا صندوق اسغاغ بعض
و لارا ملح لمتنا مانقدر بدونا غوحا حكاياتا الطيبي "تنهض زينب من مكانها - يلة يلة گومن
راح تبدي المحاضرةتهرع لارا للملزمة بصوت باكي - شبسرعه اجتي محاضرة الامتحان ، دقيقة خلي اراجع
- ول قومي ما وقته
- ولج هو الي يگعد يمجن يگدر يراجع
سالفة تودي و سالفة تجيبهلثلاثي العجيب بمظاهر و عرق و مدن مختلفة ، و التوافق بينهن متكامل تخرج هند من الامتحان تشوف زينب گاعده تنتظرهن
- زنوبتي- هلا كبد و اخيرا وحدة طلعت بقيت اتصفن وحدي
هند : فديتو الي يتصفن انا
لارا وينا؟- تلگيها جاي تألف هسه
انا جعت نروح ناكل شي ؟- غيغ تقوم قيامتنا لولو تعتبغو خياني و غدر
- لا لعد متت جوع
هند تاشر بيدها - اي اهاا طلعت الخاتون
تجي لارا تكعد بتذمر و تتافاف - اريد افتهم الاسئله منين جايبها؟
تأيدها زينب - صدك صعبة
لارا - شكد ناتج السؤال الثاني ؟
ترد هند - ستي و عشغين
لارا بصوت مرتفع - جذذذذب
لااا انتهيت السنة تحميل اذا مو رسوب
ولج طلعتة اثنعش ، و القهر سميته السؤال الانقاذتواسيها زينب - لا تنقهرين عمري و باقي الاسئله اكيد يشيلن درجتج
- يا باقي يا باقي غير اشتغلتهن تأليف من عندي
تسحبها زينب من ايدها - گومي متنا جوع
يتوجهن للنادي يشترن لفاتهن و المشروبات و يطلعن يگعدن على مقعد بالحديقة لارا تفتح قوطية الببسي
- ام عيون شصار ع سالفة صوفي- ما صاغ شيء
- يا ، ولج الولد اكيد ينتظر رد
- اي ما ممكن انا اغوح احكيلو اسفة انت مرفوض
لارا : عجيب و ليش ترفضي ؟
انتي زينب اكو شي بمصطفى ينرفض؟تجاوبها زينب - مو حجيت وياها
اگوللها خوش ولد و مبين يحبج و نيته زواج- اي والله ، متحجين ولج وافقي و فضيها بعد شتنتظرين كبرتي و راح نتخرج بعد شكوو ؟
- ماعغف
لارا - ماعغف شنو؟
- مابينو عيب الولد انا اعغفو حبيب و خلوق
ترد زينب بتعجب - بعد شنو؟
زينب ماغيدو اتزوج هاكذ
لارا - اذا مو هاكذ اشلون يابة ؟- اغيدو اغتبط بويحد احبو بيني و بينو مشاعغ
تفر بايدها لارا - و منين يجي اذا انتي قافلة
ياهو يجي يصارحج ياخذ الكارت الاحمر- والله اني هم ماريد اتزوج هيج و هم ما اريد علاقة!
لارا تأشر بسخرية ع زينب - استلم الخ
ينزللجن بسلة من السما- انتي دتنتقدين بينا مجان حبيتي صار اربع سنين مو هم تطردين بخلق الله
- اي ميعجبوني
- لعد خلاص
ترد لارا بتفكير - صدك خلصت الكلية و لا وحدة بينا حصلت رجال
شناقصنا وحده احلى من الخ اصلازينب - لا تحجين هيج
حرام الغرور و مدح النفس- وييييه رجعنا للنصائح
گومي انتي و عبايتج
تباوع ع هند - و انتي الخ مليتي كرشج لو بعد- اي بس اغوح اشمغ هذولي بالحاويي
- تمام ، ولج زنوبة عبايتج انملت حشيش !
- نفضي نفضي
- وشنو الجديد صارلنا اربع سنين انفضلج
تضحك زينب - عود اصرفلج راتب
- ولي
يتقدم مصطفى الشاب ذو البشرة الحنطية بصوت هادئ
-هندتلتفت وراها - نعم
- اشلونكي؟
- الحمدلله
بابتسامه خجولة - اغيدو انتهز لحظي احكي معاكي بس ما يتركوكي صديقيتكي
- طيب احكي
- بخصوص الموضوع ما عغفتو ايش قلتي؟
- اي ، اعتذر منك
- اقدر اعغفو السبب ؟
- انت ولد طيب و خلوق و الله يهنيك مع انساني تسعدك
يصمت ثم يتركها و يرحل فقد قطعت كل امل قد وصله بها ، بينما هي واقفة على وجهها معالم حزنا على كسر قلب
JE LEEST
☆ عـــــــــــدووي ☆
Romantiekقصة واقعية ممزوجة بخيال الكاتبه .. قـصه " هند " طالـبـة مرحلة رابعـه في جامعـة الموصل .. مكـونه عائلتها من والدها و والدتها و اخ واحد فقط ما الحياة التي ستواجهها هند ...؟ و كيف سيكون لقائها بـ " علي " ابن البصرة طالب مرحلة رابعه في جامعة بغداد و م...