☆ عـــــــــــدووي ☆

الـبـارت الـرابـع عـشـر

وين غايحي و اشنو ينتظغني ماعغف

في احد غرف المستشفيات يستلقي ليث على احد الاسرة قد ضمدت جراحه

- تعبتك وياي ضلعي

- لا تحجي هيج المهم طلعت منها سالم

- بفضل الله ثم انت لو عايفني جان رحت بيها

- الحمدلله قدرني على هالشي

-  الحمدلله ،  علي اكيد هسة اهلك قلقوا عليك

- اي والله بالي يم امي لا موبايل اتصل و لا حافظ رقم

- ما لگوهن

- لا هذاك المكان انهجم

- هسة ترجع بالسلامة و تطمنهم

- الله كريم انت بس گوم بالسلامة

- شصار ع الاستقالة مشيت مالتي وياك

- اي

- انا ماظن بعد هاي اگدر امشي

- لا يخوي ما سمعت الدكتور قابل يجذب گالك فترة و تمشي بدون عگاز

لـــــيـــــلة الــــمــــعـــركـــة

تصاوب ليث رجعت عليه شلته على ظهري و اركض بي تقدموا جماعتنا الي بظهرنا يغطون وصلت لنقاطتنا حسيت بثگله عرفت فقد الوعي لان نزف هواي گمت اركض مثل المخبل من وصلت اخذوا مني المضمدين

عـودة
رحت كملت اجراءات الخروج و اهذته و طلعنا للبصرة ، حيل تركت فراغ بداخلي كل هالفترة اشتاقيتلها وجهه ما فارگ ذهني حتى  و انا اقاتل وصلت ليث و رحت لبيتنا ، البيت ساكن

تنادي بارجاء البيت -  هنووودة  وينج ،  هند ؟

- يمة زهرا شبيج تصيحين تلگيها بالحمام او فوگ

رحت على امي - ماكو يوم گلبت البيت عليها

- يا يمة وين راحت هي ما تندل شي

بانفعال - هذا بسلا كرار خطفها

- ما يسويها يمة شجاي تحجين وين يوديها الرجال

رجعت ادور غرفة غرفة طبيت بغرفتي لگيت ورقة على الميز

- صباحكي ورد
قلبي انا غحتو من البيت و اسفي جدا على اي مشكلي سببتا من اجيت لليوم  و شكغا على كل شيء و كل دقيقي عشتوها معاكم تحملتوني و انا كنتو مكسوغة
عملتو هكذ لمصلحتكم كان ليزم اغوح

تخبلت گمت اصيح - يمة ،  يمةة
طلعت صار بوجهي علي نسيت نفسي حضنته و اصيح - علي  ،  يمةة علي

يضحك - خايبة شمالج هديني

- يمة ،  يمة وليدي ،  الله اكبر ،  الله اكبر ،  فدواتك ربي رجعته فدواتك قاادر

امي تبوس و تشم و تبجي و تدعي انا احضن بيها - هياتني يمة هياتني اهدي
- يمة ميته و رجعتلي الروح يمةة ،  الله يعين ام مل شهيد يمةة ،  ميته يمة ميته جنت