☆ عـــــــــــدووي ☆

الــــبــــارت الــاول

علي حسين محمد من البصرة طالب مرحلة رابعه هندسة حاسبات بجامعة بغداد
علي 24 سنة ببشرة حنطيـة و عيون بنية واسعة طويل القامة
والده متوفي و عمه صارم و متشدد مسؤول عنهم والدته ربة بيت و له اخت زهراء طالبة رابع اعدادي
ينزل علي و بظهره جنطة الرياضة يطب للمطبخ

_ يمة اني رايح
محتاجه شي اجيبه الج بدربي

- وين يمة؟

- للجيم

- سلامتك گلبي
محفوظ بحفظ الرحمن

بست ايدها و راسها و طلعت رحت لبيت ليث صديق الطفولة دگيت الباب طلعلي يهتف

_ لك هلاا بالضلع جنت انتظرك
طب طب لما اجهز جنطتي و نطلع

- ماشي شريك
يا الله

طبيت گعدت بغرفة الاستقبال
- يلة ليث بسرعة جهزها

- اضيفك شي ببسي جاي

- خاب امشي ماعدنا وقت
يضيفني؟

- مو صوجك
يروح ليث و يرجع جنطته بظهره يطلعون للجيم

ليلا يتمشون بشوارع البصرة
ليث يملي صدره بشهيق و زفير طويل

- اويلااه باجر سبت
يعني نروح لبغداد
يعني قسم داخلي
يعني شغل يعني كليه و دراسة
شوكت نتخرج و نخلص يالله

- الله كريم مبقى شي
كله تلث اشهر و نتخرج

- اي هيج و نتعين ،  الله ،  علي راسا اطكني بسيارة معدلة

علي مبتسما - الله يسمع منك

يدخل البيت عم علي ابو بنين في حالة غضب ينادي بصوت مرتفع
_ ام علي ياام علي

تطلع ام علي مشدوهة من الصياخ

_ هاا عيني ،  ها خوية

ابو بنين بانفعال - ساعتين اصيح
وينج؟

- سمعتك والله و هل جيت ركض

-  ابنج الفلحة ، وينه؟

تجاوب - طلع وية صاحبة

يرد بانفعال - و وين طلع ؟ للتمارين مو

- اي

يدخل الاستقبال بحالة غضب و يحرك ايديه و يهتف
- ما يبطل طلعاته و هالسوالف التعبانة ،  انا ما منعته ؟ما نبهته ، ما كلتله ينتبه لامه و اخته؟

- يا ابو بنين هو الولد مامقصر ويانة و جاي يشتغل ، شكو بيها اذا شاف حياته

تطبطب ع صدرها و تكمل
- و بعدين ما وراه مشاكل اسم الله عليه وليدي تربيتي

ابو بنين بصوت مرتفع - شني يشتغل ام علي ، ملاج و انا مداري عنه ؟
اهو كله محل مبايلات ابغداد مطكطك
كضبي ابنج زززين

رجعت للبيت سمعت عمي نسوي هرجة

- السلام عليكم

ابو بنين - هلة يا هلة
جان بقيت للفجر علي افندي
الله اعلم وين تروح وية صاحبك هذا
و شتسوون ؟؟