وراء كبرياء عاشق - للكاتبه دودو محمد

الفصل العشرون

دخل سيف اوضه وهو متغاظ من حبيبه وقال
سيف :- غبيه غبيه مدتنيش فرصه افهمها واطلب منها تعيش معايا علطول وبعد كده ضحك ضحكة انكسار وقال بس ازاى تعيش معايه علطول وهى مش طايقه تبص فى وشى وعايزه تخلص منى النهارده قبل بكره لا يا سيف مش واحده هتكسرك وهتتحكم فيك كفايه اوى صفاء ارجع تانى سيف اللى الكل بيخاف منك وفكك من المشاعر والعواطف ده كله كلام فاضى وقلة قيمه ماشى ياحبيبه هرجع معاكى تانى سيف اللى لما كنتى بتشوفيه تخافى وتنسى الكلام وقام خرج من اوضه
............................................................
فى اوضة حبيبه كانت قعده بتفكر فى سيف وقالت
حبيبه :- انا بفكر فيه ليه ده حتى مش من حقى ولا ضايق يشوف شكلى ومستعجل على طلاقى النهارده قبل بكره وشكله ندم ان هو اتجوزنى ومن حقه الصراحه من يوم ما دخلت حياته وانا بوظتهالو وبعدين انا فين وهو فين انا بنت حسن جادالله الموظف الغلبان اللى طلع على المعاش وهو ابن عزالدين رجل الاعمال المشهور يبقى هيسيب بنات رجال الاعمال اللى زيهم وهيبص ليا ياانا بنت الموظف الكحيان والنبى انا شكلى اتجننت بحلم بحاجه مش من حقى بكره يطلقنى ويرمينى زى الكلبه ويعيش حياته مع واحده من مستواه وفى الوقت ده رن تليفونها بتبص لاقته رقم عبدالله فتحت الخط وقالت
حبيبه :- السلام عليكم
عبدالله :- وعليكم السلام اذيك يا واطيه
حبيبه :- الحمدالله بس ليه كده
عبدالله :- مش هاين عليكى تتصلى وتسألى على اخوكى احنا مش مفروض اخوات ولا ايه
حبيبه :- اخويه حبيبى طبعآ بس اصلك متعرفش ايه حصلى بعد ما مشيت من عندى
عبدالله :- ايه حصل
حبيبه :- حكت ليه اللى حصل مع اشرف وجواز سيف منها وكلام ابوه ليها وقعدتها مع سيف فى شقة أدهم
عبدالله :- اولا ابن عمك ده واطى ولو اطوله كنت قطعته بسنانى وثانيآ احسن حاجه حصلت جواز سيف منك ثالثآ بقى وده الاهم انا شايف تصرف ابو سيف ده منطقى
حبيبه :- ازاى يعنى
عبدالله :- واحد لاق ابنه داخل مع واحده وبيقول انها مراته عايزه يخده فى حضنه ويقوله مبروك لا طبعآ اكيد اى اب كان هيعمل زى ابو سيف وزياده
حبيبه :- انت معايه ولا معاه
عبدالله :- انا مع الحق
حبيبه :- وبالنسبه للكلام اللى قاله على اهلى ده
عبدالله :- انا بقول دورى وراه كلامه ده علشان من طريقة كلامك دى بتقول ان هو متأكد من الكلام ده وممكن يكون ده سبب من اسباب عصبيته معاكم ورفضه ليكى
حبيبه :- انت فاهم معنى كلامك ده ايه
عبدالله :- اه انا عارف بقولك ايه وفاهم معناه
حبيبه :- انت قصدك تكون ماما خانت بابا مع اللى بيقول عليه ده حازم
عبدالله :- ممكن محدش عارف ايه زمان الظروف وايه اضطرها تعمل كده
حبيبه :- انت مالك بتتكلم وكأنك واثق من كلامك لا طبعآ استحاله ماما تعمل كده ده هى وبابا بيموته فى بعض
عبدالله :- والله لو كانت بتحبه صحيح مكنتش سابته وهو مريض وراحت قعدة عند اهلها فى البلد
حبيبه :- بسببى كانت خايفه من الفضايح وبعدين لو سمحت يا عبدالله متتكلمش على ماما كده مستحيل امى تعمل كده
عبدالله :- انا اسف بس انا بقولك رأى وانتى حره
حبيبه :- لا انا واثقه فى ماما انها مستحيل تعمل كده
عبدالله :- انا اسف يا ستى متزعليش
حبيبه :- ماشى يا عبدالله سيبنى دلوقتى مع السلامه
عبدالله :- لا مش هقفل غير لما تسمحينى واسمع ضحكتك
حبيبه :- ما قولتلك خلاص بقى يا عبدالله
عبدالله :- طب ياشيخه لو مسمحتنيش اللهى انشك فى قلبك اللهى يجيلى صداع فى صوبع رجلى الصغير اللهى يولع فيه فى وسط البحر وميلقوش ميه يطفونى ها هتسامحينى ولا ادعى على نفسى تانى
حبيبه :- هههههههههه انت بتسمى دى دعاوى
عبدالله :- اه طبعآ وممكن تكون ابواب السما مفتوحه وتستجاب الدعوه
حبيبه :- هههههههههه خلاص مش زعلانه
عبدالله :- ايوه كده اضحكى خلى الشمس تطلع
حبيبه :- ماشى يا حبيبى هقفل انا دلوقتى وابقى خلى اختك الواطيه تتصل بيا
عبدالله :- دى معفنه ميهنش عليها تشحن علشان تكلمك هخليها تبعت ليكى كلمنى شكرآ
حبيبه :- ههههههههه والنعمه دى دمك زى العسل
عبدالله :- بس يابت احسن بتكسف
حبيبه :- يا اختى بيضه
عبدالله :- يا اختى طب اقفلى يا زفته انا غلطان ان اتصلت اطمن عليكى ويارب سيف يطلع عنيكى
حبيبه :- هههههههههه ولا يقدر ده انا حبيبه اللى تجن عشره زيه يلاسلام يا خفه
عبدالله :- سلام ياكنكه
وقفلت حبيبه مع عبدالله وقامت علشان تخرج من اوضتها
............................................................
عند سيف خرج من اوضه وكان ماشى من قدام اوضة حبيبه وسمع حبيبه بتتكلم فى التليفون وسمعها وهى بتقول حبيبى
سيف :- اتصدم وقال عرفت دلوقتى هى ليه رفضانى علشان بتحب واحد وعلشان كده هربت يوم فرحها وانا مغفل وكنت مفكرها مظلومه ومش زى البنات اليومين دول اتاريها طلعت اوسخ منهم وفى الوقت ده خرجت حبيبه من الاوضه وقالت
حبيبه :- سيف انت وقف كده ليه
سيف :- انا اقف مكان ما عايز اقف وبعدين لما نبقى مع بعض اسمى استاذ سيف متنسيش نفسك قدام الناس بس مسمحولك تندهى عليه بدون القاب فهمتى وخشى يلا اعملى ليه اكل علشان جعان
حبيبه :- بأنكسار انا اسفه عن أذنك ومشيت راحت المطبخ علشان تطبخ الاكل
............................................................
فى شركة عزالدين

كان أدهم قاعد مع كريم فى مكتبه
كريم :- طب سيف ناوى على ايه مع حبيبه هيطلقها بجد
أدهم :- يا ابنى واضح على سيف ان بيحب حبيبه بس بيكابر حتى لما قولتله على جوازه من حبيبه فى الاول رفض بس مجرد ما قولت ليه ان لو هو متجوزهاش هتجوزها انا بان عليه الغيره وملامحه اتغيرت ورجع تانى فى كلمته ووافق يتجوزها وباينه غيرته اوى عليها منى ومش عايزينى اضحك معاها واهزر
كريم :- بس كده فى عقبة ابوك
أدهم :- اهو بابا ده اكبر عقبه مش عارف ايه سر كرهه لحبيبه اوى كده مع ان هو مشفهاش قبل كده خالص
وبقى يقول فى كلام مش مفهوم عن ام حبيبه
كريم :- ربنا يهديه ويحنن قلبه على حبيبه مصدقنه نلاقى واحده يتشدلها سيف وتنسيه الماضى
وفى الوقت ده دخلت السكرتيره سمر
سمر :- استاذ أدهم ممكن كلمه على انفراد
كريم :- طب هروح انا ابص بصه على الموظفين وشويه وهرجعك وخرج كريم من المكتب
أدهم :- نعم
سمر :- راحت قفلت الباب وراحت نحيت أدهم وقربت منه وقالت ايه مش وحشاك
أدهم :- بعد عنها وقال لو سمحتى ده مكان شغل مينفعش كده حد من الموظفين يخش علينا
سمر :- خلاص نتقابل فى الشقه بليل
أدهم :- مش فاضى
سمر :- بعصبيه فهمنى بقى فى ايه ومتغير من نحيتى ليه
أدهم :- سمر انا ربنا صلح حالى ومش عايز ارجع لسكه دى تانى وانتى ياريت بلاش اللى بتعمليه ده وبكره ربنا يكرمك بعريس ابن حلال
سمر :- عريس ازاى وانت عارف ان مينفعش اتجوز علشان لو اتجوزت هضفح وانت عارف ليه وانت السبب وبعدين مش انت وعدنى بالجواز ولا ده كان كلام علشان تاخد اللى اخده منى وتقضى معايه يومين وبعدين تروح تدور على واحده غيرى تعمل معاها زى ما عملت معايه
آدهم :- يا سمر افهمى انا الاول كنت حاجه ودلوقتى بقيت حاجه تانيه انا عارف ان انتى ملكيش ذنب بس انا بجد ندمان على كل حاجه عملتها زمان واتردت ليا بقلم قاسى اوى فوقنى من اللى انا فيه
سمر :- طب انا اعمل ايه دلوقتى انت نهيت عليا وجاى تقولى انا اسف اعمل ايه بأسفك لو عايز تكفر عن ذنبك بجد اتجوزنى واستر عليه
أدهم :- مينفعش اتجوزك يا سمر دلوقتى مش علشان انتى وحشه لا بس علشان انا مش عايز اى حاجه من الماضى يفكرنى بى
سمر :- ده جازاتى ان حبيتك وصدقتك وسلمتك نفسى
أدهم :- انا عارف ان انا غلطان وان انتى سلمتينى نفسك علشان بتحبينى بس انا مش بحبك ومش هقدر اسعدك وبكره ربنا يكرمك براجل ابن حلال يتجوزك ويعيشك سعيده
سمر :- بدموع كده يا أدهم ماشى براحتك وخرجت تجرى من المكتب
............................................................
فى شقة أدهم