وراء كبرياء عاشق - للكاتبه دودو محمد

الفصل الثامن عشر

كانت ديمه قعده فى اوضتها ومسكت التليفون واتصلت بعمر وانتظرت الرد
عمر :- السلام عليكم
ديمه :- وعليكم السلام
عمر :- اذيك يا انسه ديمه
ديمه :- الحمدالله انت عرفت ان انا ازاى
عمر :- علشان المره الفاتت لما اتصلتى بالرقم ده انا سجلته عندى بأسمك
ديمه :- عامل ايه فى المكان الجديد
عمر :- اهو بنتعود عليه شويه بشويه
ديمه :- انا لو قعد اتأسف ليك من هنا لبكره مش هوصلك انا ندمانه قد ايه علشان انا السبب فى اللى انت فيه
عمر :- وانا سبق وقولتلك ان ده مكتوب عند ربنا وربنا مش بيكتب حاجه وحشه لحد
ديمه :- ونعمه بالله انت بتعمل ايه دلوقتى
عمر :- فى البيت قاعد فى اوضى ومفيش حاجه اعملها
ديمه :- ليه
عمر :- مش عارف بس يعنى هنا مش زى اسكندريه
ديمه :- اه
عمر :- وانتى بتعملى ايه
ديمه :- ولا حاجه قعده فى اوضى ومفيش حاجه اعملها
عمر :- هههههه برضه
ديمه :- ههههههههه اه
عمر :- نزلتى كليتك
ديمه :- اه بقالى يومين اهو
عمر :- جدعه ركزى بقى فى تعليمك وانسى الماضى بحلو ومره
ديمه :- بحاول اتعايش مع الوضع اللى انا فيه وافكر فى مستقبلى
عمر :- يا انسه الدنيا مش بتقف على لحظه معينه لا الدنيا ماشيه وفيها جميع اللحظات فيها حزن وفرح فيها لقه وفيها فراق فيها مولود بيتولد وفيها واحد بيموت يعنى كله ماشى واحنا المطلوب مننا ننسى الحزن بسرعه ونحاول نعيش الفرحه وهى رحله مشينها وفى الاخر كلنا تركنها بحلوها ومرها
ديمه :- قد ايه كلامك بسيط وحلو وبيريح الواحد و بيدخل للقلب علطول
عمر :- يا انسه بيقولك اكبر منك بيوم يعرف عنك بسنه وانا اكبر منك بأربع سنين بحالهم شوفى اعرف عنك بقى بكام سنه
ديمه :- ممكن اطلب منك طلب
عمر :- اكيد طبعآ اتفضلى
ديمه :- بلاش انسه دى قولى علطول يا ديمه اكيد انت عارف الكلمه دى بتوجعنى قد ايه
عمر :- احم انا اسف مأخدش بالى
ديمه :- لا عادى ولا يهمك وبعدين احنا مش اصحاب ولا ايه
عمر :- اصحاب طبعآ
ديمه :- طب خلاص خلى البساط احمدى
عمر :- ههههههه انتى بتتكلمى زى اختى
ديمه :- انت شكلك بتحبها اوى علطول تجيب سيرتها
عمر :- احبها بس ده انا بعشقها ده هى النفس اللى بتنفسه انتى لو قعدى حبه معاها هتحبيها اوى
ديمه :- بأنكسار ربنا يخليكم لبعض
عمر :- بحزن يارب وقال اسيبك انا بقى تشوفى اللى وراكى وتذكرى شويه
ديمه :- حاضر ويارب مكنش بزعجك بسؤالى عليك
عمر :- ماانتى لسه قايله ان احنا صحاب يعنى فى اى وقت تتصلى
ديمه :- مع السلامه
عمر :- مع السلامه
وقفلت ديمه مع عمر وهى بتفكر فى طريقه ترجعه شغله فى اسكندريه من تانى
............................................................
فى مكتب عزالدين
كان عزالدين ماسك تليفونه وبيتكلم بعصبيه
عزالدين :- انت تنزلى مصر بأى طريقه
حازم :- طب ليه هو حد حاصله حاجه
عزالدين :- محدش حاصله حاجه بس ماضيك الوسخ لسه ليه ديول لحد دلوقتى
حازم :- فى ايه يا عز انا مش فاهم حاجه
عزالدين :- الكلام مش هينفع فى التليفون انا عايزك تنزل مصر ضرورى
حازم :- ما انا قولتلك مش هينفع علشان كليات العيال وانا عندى شغل مينفعش اسيبه فاجئه لازم اعمل حسابى قبليها بشهر على الاقل
عزالدين :- انا مليش دعوه بكل ده انا قولت تنزل يعنى تنزل انا مش بقولك تنزل علطول انا بطلبك تنزل يومين وابقى سافر تانى
حازم :- طب ما تريحنى قولى فى ايه
عزالدين :- حازم اقفل ويومين بالكتير الاقيك هنا
حازم :- حاضر يا عز مع السلامه
وقفل عزالدين مع حازم وقال
عزالدين :- انا مش هسمح لحوريه وبنتاها يخشو تانى حياتنا ولا هسمح لحوريه تطول ولا مليم مننا
............................................................
فى المستشفى عند حبيبه كانت عايزه تمشى افتكرت ان الهدوم اللى عليها مقطعه وجسمها باين
سيف :- انتى قعدى تانى ليه
حبيبه:- احم مش هينفع اقوم
سيف :- ليه
حبيبه :- ا.ا.الهدوم مقطوعه وجسمى باين منه
سيف :- اخ انا نسيت خالص اجبلك الهدوم
حبيبه :- والعمل دلوقتى انا مستحيل امشى بالملايه تانى
سيف :- ثوانى وطلع من الاوضه وشويه ودخل تانى
حبيبه :- انت كنت فين
سيف :- بعت أدهم يشترى ليكى طقم تلبسيه
حبيبه :- ماشى وابقى اخصم حقه من المرتب بتاعى
سيف :- اتصدم ايه
حبيبه :- ايوه انا مش بحب حد يصرف عليا
سيف :- طب اسكتى دلوقتى
حبيبه :- لا انت مش هخرسنى ولو موعدنيش انك هتخصم حقه مش هلبسه وهمشى كده واللى يحصل يحصل
سيف :- بنت انتى متعصبنيش
حبيبه :- تتعصب على نفسك مش عليه
سيف :- اتكلمى عدل معايه
حبيبه :- ولو متكلمتش عدل ايه هيحصل
سيف :- مترديش عليه علشان اعصابى متفلتش منى واعمل حاجه تزعلك
وفى الوقت ده دخل أدهم
أدهم :- ايه فى ايه صوتكم عالى اوى مسمع كل المستشفى
حبيبه :- البيه بيزعقلى وانا مش بحب حد يزعقلى
سيف :- الهانم بترد عليه كلمه بكلمه وانا مش بحب حد يرد عليه
حبيبه :- انت ملكش حكم عليه علشان تمنعنى من الكلام
سيف :- خلاص انا مستعد اروح دلوقتى عند اى مؤذون واكتب عليكى علشان يبقى من حقى اكسر رقبتك المعوجه دى
حبيبه :- ده انت لو اخر راجل فى الدنيا مش هتجوزك
سيف :- بقى انتى اللى بتقولى مش عايزه تتجوزينى اصلك مش شايفه نفسك انتى متسويش فى سوق الحريم مليم
سيف :- وانت متسواش فى سوق الرجاله نكله
أدهم :- بببببببببس الله يخربيتكو فضحتونا فى المستشفى صوتكو عالى انتو ايه متعبتوش
حبيبه :- هات الهدوم واطلعو بره
سيف :- ما كان من الاول ده انتى مقرفه بجد
حبيبه :- لا بقى انت اللى مقرف وستين مقرف كمان
آدهم :- يااختييييييييييي يلا نطلع بره فى يومكم ده
وخرج أدهم وسيف
وغيرت حبيبه هدومها وطلعت من الاوضه ومشيت من غير ما تنطق ولا كلمه
سيف :- اخد نفس عميق وخرجه وقال صبرنى يا ربى على البلوه السوده دى ومشى هو أدهم وركبوالتلاته العربيه وراحو عند بيت حبيبه
أدهم وسيف :- بصو لبعض وقالو انتى ساكنه هنا
حبيبه :- بأستغراب اه ليه
أدهم :- انتى تعرفى عم حسن
حبيبه :- ايوه ده بابا
سيف :- بصدمه ابوكى هو انتى المهندسه اللى كان مكلم بابا عليها
حبيبه:- ايوه انا
أدهم :- وانتى اشتغلتى صدفه عندنا ولا كنتى قصدها
حبيبه :- انت ناسى ان انا كنت فى شركة لمار واخوك اللى اخدنى فى شركتكم
أدهم :- اه صح انا كنت ناسى
سيف :- على كده بقى انتى العروسه اللى احنا جينا بركنا لابوكى فى فرحها
حبيبه :- هو انتو جيتو هنا
أدهم :- اه يوم فرحك وحتى بابا سأل ابوكى عنك قال ان انتى مشيتى مع جوزك
حبيبه :- لا كنت هربت من اشرف
أدهم :- الصراحه ليكى حق تهربى منه ده كنتى هتتجوزى ازاى ده
حبيبه :- بس ربنا يستر وميعملش مشاكل لينا
سيف :- ولا يقدر ده انا اخفى ورا الشمس
حبيبه :- طب يلا بقى نطلع انا مش مصدقه نفسى ان انا خلاص هرجع اعيش تانى وسط أهلى
ونزلو التلاته من العربيه وطلعو عند باب الشقه ولاقت قفل على الباب
حبيبه :- ايه ده راحو فين
أدهم :- يمكن راحو البلد
حبيبه :- طب واخويه مينفعش روح الصعيد علشان شغله هنا
سيف :- طب اتصلى بيهم
حبيبه :- مش معايه رقم حد فيهم كان على الخط اللى شلته ورميته
أدهم :- طب والحل
حبيبه :- ثوانى وراحت عند باب جارتهم وخبطت وشويه وفتحت الباب
الجاره :- مين
حبيبه :- انا حبيبه يا خالتى
الجاره :- انتى رجعتى امته ده اهلك كانو هيتجنو عليكى لما طفشتى
حبيبه :- اهو نصيب يا خالتى المهم فينهم كلهم
الجاره :- امك مشيت من تانى يوم مشيتى فيه وراحت البلد
حبيبه :- طب وبابا واخويه راحو فين
الجاره :- اخوكى الظابط واحد من الاكابر وواصل نقلو السلوم وابوكى راح معاه
سيف :- اتصدم لما سمع كلام الجاره وافتكر ان شافه فى الفرح بتاع حبيبه وقال علشان كده شكله مكنش غريب وكنت حاسس ان شفته قبل كده
حبيبه :- يا نهار اسود السلوم
الجاره :- اه يا بنتى ربنا على المفترى وبعدين بصت على أدهم وسيف وقالت ليها امال مين دول
حبيبه :- ها د.د.ده البودى جارد بتوعى
الجاره :- البودى ايه يعنى ايه مش فاهمه
حبيبه :- الحراس الشخصين بتوعى عن أذنك
و سبتها ومشيت ونزل التلاته العربيه
أدهم :- وحياة امك بقى احنا البودى جارد بتوعك
حبيبه :- انا اسفه بس الوليه دى لكاكه وانا قولت اى كلام علشان تسكت
أدهم :- هتعملى ايه دلوقتى
حبيبه :- مش عارفه اتعقدت اوى
أدهم :- يبقى تيجى معانا القصر
حبيبه :- لالا مش هينفع
أدهم :- ومش هينفع تروحى تقعدى فى الشقه تانى لوحدك وبص لسيف وقال ولا ايه رأيك يا سيف
سيف :- ها ا.ا.اه
أدهم :- هوايه اللى اه بقولك مش هينفع حبيبه تروح على الشقه تانى لوحديها لازم تيجى معانا القصر
سيف :- ماشى
أدهم :- انت مالك من ساعة ما نزلنا من فوق وانت مش طبيعى
سيف :- مفيش ومشى بالعربيه وراح بيها على القصر
وونزلو التلاته ودخلو القصر وكان عزالدين وديمه قعدين مع بعض
حبيبه :- انبهرت بديكور القصر و شكله
سيف وأدهم :- مساء الخير يا بابا
عزالدين :- من غير مايرد عليهم بص على حبيبه وقال مين دى
أدهم وسيف :- بصو لبعضيهم
عزالدين :- ردو عليه بدل ما انتو بتبصو لبعض كده
أدهم :- د.د.دى حبيبه يابابا
عزالدين :- بص لحبيبه وقال ايه جايبك هنا يابنت حوريه
حبيبه :- انت تعرف امى
عزالدين : - عز المعرفه بوسختها وبكل ماضيها القذر
حبيبه :- انا مش فاهمه حضرتك
عزالدين :- بلاش تعمليهم عليه اكيد انتى وامك راسمين خطه على الفلوس بس ده بعينك انتى وامك
حبيبه :- والله مش فاهمه حاجه خالص من حضرتك
عزالدين :- بص لسيف وأدهم وقال ارمو الزباله دى بره قصرى
أدهم :- ايهدا يا بابا بس احنا مش فاهمين حاجه
عزالدين :- ارمو الزباله دى الاول وبعدين نتكلم
حبيبه :- عن أذنكم وانا اسفه على الازعاج
سيف :- مسكها من ايديها وقال مش هينفع حبيبه تمشى يابابا
عزالدين :- ليه بقى
سيف :- علشان حبيبه مراتى ودى الورقه بتاعة المؤذون
............................................................
بقلمى (دودو محمد)