تائهة بين دوائر الانتقام الجزء الثانى - الكاتبه اسراء احمد

الفصل السادس ..

حسام بغضب : بص يا ******* انا بحبها ،، واللعبة ال ***** اللي دخلتوها فيها دي ولا فارقه معايا في حاجة ، ولو اغتصبتها مليون مرة فده عشان غصب عنها ، لكن انا لما اتجوزها في فرق كبير ، فمهما عملت مش هيفرق معايا كلامك ولا افعالك بحاجة ، فياريت توفر نصايحك لنفسك ،،، وقفل حسام الخط ورمى الموبايل علي المكتب بعصبية .....
عاصم بضحك وسخرية : ههههههههههه ما هو انت ياما غبي يا ما بتمثل علينا البراءة ...
,,,,,,,,,,,,,,,,,,,,,,,,,,,,,,,,,,,,,,,,
في المستشفي ،، في العناية المركزة ....
كريم وبيعمل انعاش لقلب سارة وبغضب : لا يا سارة مش هسيبك تموتي ، مش هتموتي ، لا لالا.. وسارة مش مستجيبة تماما مع كريم ،، ومخها بيستعيد لحظاتها السيئة مع ماجد وعاصم وكلماتهم بتردد وبتعيش اللحظات تاني ... بتفتكر كل لحظة خليتها كرهت حياتها عشان ترفض واقعها وتستسلم للموت..وبتفتكر سارة ......
:اشهدوا يا ناااااس ... البنت دي طلبتها من اهلها بالذوق ورفضوا وتحدوني وعينوا عليها حراسة ال ايه عشان يبعدوها عني واللي مش عارفينه اني خلصت علي الحراسة دي في ثواني... اشهدوا اني هاخدها وقدام عينيهم بس بعد ما اعاقبهم علي رفضهم .
................
: عايز اسمع دقات قلبك ... عايز تاخديني جوه قلبك .... هعيش استني اليوم اللي هتقوليلي فيه بحبك ومش هقدر اعيش من غيرك ولحد اليوم ده مش هحرمك من اخواتك هتفضلي معاهم عارفة ليه عشان انا هستنى اليوم اللي قلبك فيه يبقي ملكي وبينبض بحبي ومفيهوش حد غير ماجد ... بس انتي ملكي وهتجوزك وقدام الناس كلها وهعمل لك احسن فرح والاحسن لك تعجلي باليوم ده عشان كل ما هتتاخري هتخسري حد تاني من حبايبك واظن انك بتموتي في اسلام ولا ايه ؟!!
..............
: اول ذكري لينا سوا لازم تتحفر في قلبك قبل دماغك ... ولازم تكوني جايه معايا بمزاجك مش غصب
سارة بجد انتي مش عارفة بجد انتي عملتي فيا ايه ؟؟ غيرتيني , خليتيني مش قادر اشوف بنات غيرك ,, بيبقوا قدامي ومتاح لي كل حاجة بس بشوفك انتي وبس ,, ومن النهاردة اخيرا مش هتبقي صورتك بس اللي معايا .. كلك هتبقي معايا ولبقية عمري وعمرك .. واوعدك هنسيكي اسمك وعيلتك وكل حاجة وحشة حصلت معاكي ..
.....................
سارة بعياط وانهيار شديد : ليه بتسيب لي ذكري حلوة منك ليه ؟
ماجد بصوت متقطع : ع عش عشان بحبك .. وهعيش وه وهموت عشانك ... سامحيني يا سارة .. سامحيني ,,
ماجد : بحبك ,,,
.............
عاصم : ورحمة امي الغالية اللي ماتت بسبب عيلتك .. واخويا اللي قتلتيه لا هندمك عاللي عملتيه معاه وبسبب حبك جبتيه الارض .. وهخليكي تنامي تحلمي بيا وهعرفك ان سنين ماجد اهون من لحظة معايا .. انا وانتي يا سارة والزمن طويل
عايز اخليكي تتمني الموت وماتشوفيهوش , عايز اخليكي تشوفي راجل في الشارع تمشي من شارع تاني ,
عايز اخليكي تنامي وتقومي تدعي ربك اني اخف عليكي شوية ,, هكرهك انك تفتحي عيونك وتبداي يوم جديد..............
....................
مجدي وبيشد كريم من فوق سارة : كريم اوعى انت بتأذيها كده ،، اوعى انزل ،، وشده الدكتور مجدي والممرضين وخرجوه بره بالعافية وهو في حالة انهيار تام،، شافوا كلهم كريم وهو منهار وبالحالة دي توقعوا ان سارة خلاص فارقت الحياة ،، بدأ الكل في الانهيار ....
سيف بقلق بيحاول يخفيه وبزعيق : اهدوا يا جماعة لما نفهم في ايه ؟ كريم انطق في ايه ؟ سارة كويسة ؟!!
كريم وقاعد علي الارض وبيبص علي الارض : سارة ،، سارة ، خلاص بتروح مننا ، مش عايزة تفوق ، مش عايزة تفوق يا سيف ، مش عايزة ...
قعد اسلام في الارض وبدأ في العياط : لا مستحيل ، سارة ،، مش هقدر ، مش هقدر اعيش بعدها ، دي هي احلي حاجة في حياتي ، هي نور عيوني اللي بشوف بيه ، بنتي اللي ربيتها ، قلبي أأأأأأأأأأأأه ، قلبي أأأأأأأأأأأأأاه مش قادر ، لاااااااااا يا سارة ارجوكي ، لا يا بنتي .. ما تسيبنيش يا بنتي ...
محمود بعياط : لا يا سارة عشان خاطري ، انا لما صدقت لاقيتك ، انا فقدت امي وانتي عوضتيني ، ليه بتسحبي روحي مني ، ارجوكي ما تروحيش مني انتي كمان ...
سيف وبدأ قلبه يدق بسرعة شديدة وبيقول في نفسه : ايه ؟ هتروح منك هي كمان ؟! ضيعتها زي ما ضيعت بسنت ؟ ل تاني مرة بتفشل في مسئوليتك في حماية اقرب الناس ليك ؟
مرت الدقايق القليلة عليهم كانها ساعات ... وبعد حوالي 10 دقايق ..
خرج الدكتور مجدي وتعجب من منظر الانهيار اللي شافه من عيلة سارة : هو في يا جماعة ؟! في ايه يا كريم ؟ مالكم ؟!
خالد بعياط : دكتور هي صحيح سارة ماتت ؟
دكتور مجدي وبيبص لكريم بضيق : مين اللي قال كده ، هي كل الحكاية ان دكتور صغير في اول حياته انهار عشان شاف حد قريب منه قلبه وقف معرفش يعالجه ، صح يا دكتور كريم ؟!! بص له كريم وفجاة قام من علي الارض وبصله باستغراب ،،، ايوة يا دكتور يا مجتهد قريبتك كويسة انت اللي معرفتش تعمل لها انعاش ، شكلي كده مش هخليك تكمل اشراف علي حالتها ، من اول امتحان ليك بتفشل كده ؟!!!
ابراهيم : يعني سارة كويسة ؟
مجدي : الحمدلله وزي الفل ...
الكل : الحمدلله ..
اسلام بارتياح : احمدك يارب ، الف حمد وشكر ليك يارب ..
محمود وبيطبطب علي اسلام : الحمدلله ، ربنا بيحبنا ومحرمناش منها ، الحمدلله ...
,,,,,,,,,,,,,,,,,,,,
بعد ساعات .. بدات سارة تتقلب في سريرها وبدات تأن وتقول كلام مش مفهوم
سارة بضعف : لا . عاصم ، ارجوك .. عاصم ، مش انا ، مش انا اللي قتلته .. مش انا ... عاصم ....
بدات صرخات سارة تعلى وبتتحرك كأنها بتقاوم حد : ااااااااااااه ،، لااااااااااا ، ارجوك كفاية ...لااااااا ..
نجاة وبتصحي كريم اللي نام من التعب علي كرسي في اوضة سارة..: دكتور كريم ، اصحي .. اصحي ..
كريم بفزع : في ايه يا نجاة ؟
نجاة : من الواضح ان سارة بتحلم ..
كريم وانتبه ان سارة عمالة تصرخ بأسم عاصم وتتحرك بشدة ، مسكها كريم وبيحاول يفوق فيها وهي مش عايزة تهدى ، بدا كريم في ضربها علي وشها ضربات خفيفة عشان تفوق وتفهم انها بتحلم ويطمنها بوجودها معاهم ، وفعلا بدات سارة تستجيب وتفتح عينيها ..
سارة بصريخ وعياط كله خوف : عاصم ،، عاصم يا ابية ، الحقني عاصم هيموتني ، هيموتني .. ااااااااه..
كريم ومسك ايديها وبيهدي فيها : اهدي يا سارة . اهدي يا حبيبتي ، انتي كويسة وبخير وعاصم مش هنا ، انتي معانا ، بس خلاص ، خلاص ..
سارة بصريخ وكانها مش سامعاه : عاصم ، عاصم ، لالالا ارجوك ، لالا
كريم واضطر يديها حقنة مهدئة عشان تنام وفعلا نامت سارة تاني واستسلمت لاحلامها المزعجة ...
,,,,,,,,,,,,,,,,,,,,,
خارج اوضة سارة ،،، سيف بيتكلم في التليفون ..
شهاب : احنا خلاص عرفنا مكانه وهنقبض عليه ، بس لازم سارة تفوق عشان تاكد لنا ان هو ولا لا ..
سيف : شهاب مش عايز اي غلطة ارجوك ، عايزة يفضل تحت عنيك ومايغيبش عن عنيك لحظة ...
شهاب : ماتقلقش يا سيف ، بقولك انا مش بدور علي ندى معتمد علي الله ثم عليك في الموضوع ده ...
سيف وبيضرب علي دماغه ضربة خفيفة : اه افتكرت ، معلش نسيت اقولك احنا فعلا حددنا مكانها وهي في قرية صغيرة في محافظة *** ومتجوزة وحتي الجيران ميعرفوش عنها حاجة عشان منعزلة هي وجوزها عن الناس كلها ومش بيتعاملوا مع حد ( وسيف مرضيش يحكي ان عرف من الجيران انهم مش بيسمعوا غير صوت صريخها يوميا وعياطها من ضرب جوزها ليها )، اعمل حسابك اول ما اسر يقولنا يلا نتحرك هتكونوا معانا ...
شهاب بفرحة : بجد يا سيف انا متشكر اوووي ، مش عارف اقولك ايه ؟
سيف : ده واجبي ، متنساش لو في اي جديد كلمني ..
شهاب : حاضر ، سلام ..
سيف : سلام ... (وحط سيف موبايله في جيبه ) .. هو الاستاذ كريم دخل ونام جوه ونسي الناس القلقانه اللي هنا ، انا هخليهم يكلموه يخرج يطمنا ولا حاجة مش معقولة كده ..........
راح سيف للمرضين اللي في استقبال العناية وقابل حسام هناك بيسال عن سارة ...بص له حسام بغضب ..
حسام بغضب : انت بتعمل ايه هنا ؟!
سيف باستفزاز : انا العادي ابقى هنا مع سارة ، لاني بهتم لامرها ، مش زي ناس مش فارق معاها ..
حسام : قصدك ايه ؟!
سيف وبيبص له باستفزاز : مش فارق قصدي في حاجة ،، بص للممرضة ،، لو سمحتي كلمي دكتور( كريم علي ) في غرفة العناية خليه يخرج لي لو سمحتي قوليله استاذ سيف عايزك ...
واقف سيف مستني رد الممرضة وسط نظرات حسام اللي هتحرقه ....
الممرضة : استاذ سيف دكتور كريم بيبلغ حضرتك انك تقابل الممرضة عند غرفة العناية عشان تجهز حضرتك وتدخل له لانه عايز حضرتك جوه ضروري ...
سيف وبيبص لحسام وبيرفع حاجبه وسابه ومشي ..
الممرضة وبتبص لحسام : حضرتك هي في العناية ومش هتقدر تدخلها ، تقدر تستناها مع اخواتها هناك ..
حسام بضيق : شكرا لحضرتك ... ومشي راح عند العناية وشافهم كلهم قاعدين ...
خالد وعلي وشه ملامح الضيق : يااااه ،، انت لسه فاكر تيجي وتسال ..
حسام : انا كنت بطمن عليكم من كريم ، ولما قالي انها فاقت جيت ، وبعدين شغلي كان شاغلني اوي الفترة اللي فاتت ..
محمد بسخرية وبيرفع حاجبه : حقيقي ؟!! اممممم ماشي ..
حسام : هو سيف دخلها ليه ؟
خالد : لما يخرج ابقي اساله منعرفش ، هو نفسه مش عارف ...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
داخل اوضة سارة ..
كريم : حاولت اهدي فيها بس مفيش فايدة واديتها مهدئ من كام ساعة كده ونامت وطول ما هي نايمة بتحلم عشان ساعات تعيط وساعات تصرخ ...
سيف بضيق : ما هو الفترة دي هتبقي صعبة ، انت نفسك اكتر واحد شاف منظرها كانت عاملة ازاي ...
سارة فجاة بدات تتحرك جامد وبتحلم وصرخت وقامت قعدت وبدات تعيط .. جري عليها سيف وهي اول ما شافته قعدت تضربه علي صدره
سارة بعياط : سيبتني ليه ؟!! سيبته ياخدي ليه يا سندي ؟!! ليه ؟ ليه ؟
انسحب كريم بهدوء هو ونجاة وحسوا انهم محتاجين يبقوا لوحدهم ...
ضمها سيف لحضنه بشدة وهي زادت في عياطها : اسف يا سارة ، اسف يا حبيبتي ، مش هيحصل تاني صدقيني ...
استمرت سارة فترة في العياط واستسلمت في حضنه بعد ما حست بالامان ..
سارة بصوت هادي : مش انت قولت لي هتبقي الامان والسند بتاعي ، مش هتخلي حد ياذيني ابدا ، شفت عمل فيا ايه ؟! شفت اللي حصل لي ؟!!
سيف وبعد عنها ويتنهد بضيق: ولسه عند كلمتي وهخلصك منه ...انا بقي عايزك تحكي لي كل اللي حصل ..
سارة : ليه ؟!!
سيف بتعجب: هو ايه اللي ليه؟!! عشان اعرف اللي حصلك وأعرف اي تفصيلة ممكن توصلنا لعاصم ....
سارة بحزن : وتعيشني اللي عيشته تاني .. اللي انا عايزة انساه ومش عارفة ، عايز تقبض علي عاصم وتدخلني في انتقام جديد ، ويجي حد جديد يعذبني يقولي انتي قتلتي ابويا ولا أخويا ...
سيف بضيق : سارة انتي من امتى بتفكري بطريقة انهزامية ومكسورة كده ؟!!
سارة بحزن : من ساعة ما اتكسرت بجد ، عاصم فعلا كسرني ، عارف انا دلوقتي بس عرفت بسنت اختك ليه قالت لك أنها مش عايزة تقاوم واستسلمت للموت ، الواحدة لما حد بيغتصبها بيكسرها ، بيخليها تتمنى الموت كل لحظة ، بيخليها مش عايشة ...
قاطعها سيف : لحظة ، لحظة ، لحظة ، مين دي اللي اغتصبت انتي ؟!!! سارة انتي مفيش حد اغتصبك....
.... قاطعته سارة بضحكة كلها دموع وألم : هتضحك عليا زي المرة اللي فاتت ، المرة دي اعتدى عليا ، وحسيت بكل حاجة
سيف : لا استني ، حسيتي ب إيه ؟
سارة بعياط وألم : حسيت بيه وهو بيعتدي عليا ، وألم شديد جدا ، حتي المقاومة مكنتش قادرة ادافع عن نفسي...
سيف : ولتاني مرة بقولك انتي سليمة ، الدكتور كشف عليكي وقال انك كويسة ومحدش اعتدى عليكي....
سارة : مستحيل ، انا عارفة انا بقولك ايه .. مش ده اللي كان ماجد بيعمله....
سيف بتعجب : لا كده في حاجة مش مظبوطة ، انتي متأكدة انه اغتصبك، والدكاترة قالوا انك سليمة ، أنا مش فاهم ازاي...
سارة : مش هتفرق ازاي ، المهم دلوقتي ارجوك تسيبني في حالي ، وابعد عني مش عايزة حد تاني يتأذي... كفاية اللي حصل لاخواتي بسببي...
سيف بتعجب : انتي عرفتي اللي حصل لاخواتك منين ؟
سارة : مانا كنت موجوده وقت ما ضربوا اسلام بالنار وضربوا خالد ومحمد ومحمود ووقعوا ....
دخل كريم عليهم : أظن كفاية كده كلام عليكم ، سارة عندي ليكي خبر حلو ، انا هنقل لك لاوضة عادية عشان اخواتك هيتجننوا ويشوفوكي ..
سارة : متشكرة اوي يا ابية تعبتك معايا ..
كريم : بس يا هبلة ، انتي زي ياسمين .. يلا عشان انا ونجاة هنساعدك ...
وبالفعل جهزوها ونقلوها لاوضة عادية ، وخرجت لاخواتها اللي كانوا طايرين من فرحتهم بانها كويسة ، وفضل سيف قاعد جنبها علي السرير..
حسام بضيق : حمدلله علي سلامتك يا سارة ..
سارة بضيق ومش ناسية اللي حصل منه وبترد ببرود : الله يسلمك ..
سيف باستفزاز : مكانش في داعي تتعب نفسك وتيجي احنا هنا كلنا جنبها واحنا كفاية عليها .. كنت خليك تتطمن بالتليفون بس ..
خالد ومحمد بيحاولوا يكتموا ضحكتهم ...
سارة وبتحاول تغير الموضوع : سمسم حبيبي طمني عليك لسه الجرح بيوجعك ؟
اسلام بضحك : الدنيا تلف بيكي وترجعك ولسه رخامتك زي ما هي ، يا بت بطلي سمسم دي ..
خالد بضحك : ولا ليدو ، عليكي دلع تعدميه ..
سارة بابتسامة : انا غلطانة ، انتوا اللي زيكم تتدلعوا بجعفر .. برعي .. لكن سمسم وليدو للناس اللي بتفهم ..
سيف ومستمر في استفزاز حسام : طيب وانا ؟؟
سارة بضحك : انت احلي حاجة في حياتي يا ابية ربنا يخليك ليا وتفضل سندي علطول ...
سيف وباس راسها : ويخليكي ليا يا احلي سوسو ..
حسام وقاعد علي اخره من غيظه بس مرضيش يتكلم عشان الظرف لا يسمح بالخناق ...
فجاة الباب خبط ودخلت عليهم سمر ..
سمر بابتسامة : السلام عليكم ..
الكل باستغراب : وعليكم السلام ..فجاة اتنفض سيف من مكانه وراح ناحيتها ..
سيف بضيق ومسكها من ذراعها بشدة : انتي ايه اللي جابك هنا ؟
سمر بابتسامة وبتخفي احراجها : جايه اطمن علي سارة ..
ابراهيم : مين دي يا سيف ؟!
سارة : دي سمر ؟ صح يا ابية ؟!!
سيف : صح يا عيون ابية ..
سمر وفلتت من ايد سيف بصعوبة ، وقربت من سارة وبتبوسها : حمدلله علي السلامة يا حبيبتي شدة وتزول ان شاء الله .
سارة واختفت الابتسامة من على وشها : ان شاء الله ..
سمر بضحك : لا اجمدي امال ، احنا بنات اه لكن وقت الجد رجالة ..
سهير : ايوة يا سيف مين سمر بردو؟؟ ولا الاسرار دي لسارة بس ؟
سيف باحراج : خطيبتي ...
حسام وحس انها اللحظة المناسبة اللي يضايق فيها سيف ..
حسام بضحكة : ما شاء الله عرفت تنقي .. حلوة ...
توقعاتكم ايه ؟!!
استنوني الفصل القادم