The Stepbrother (Published Under F&L Publishing)

II

"Lalaki o Babae?" tanong ko naman

"Lalaki. Soon to be your stepbrother" sagot nito.

Isang malaking SANA....sana makasundo ko siya.

*****

Sa paglipas ng oras ng pakikipagkwentuhan ni Tito John Paul sa amin, nagpaalam na ito na aalis dahil  mayroon pa daw siyang trabaho sa isang tourism office dito sa Batanes. Kailangan niya na daw bumalik dahil marami daw syang papeles na kailangang ayusin para sa mga turistang bibisita dito sa Batanes. Mostly kase sa mga turista na pumupunta dito ay mga dayuhan kaya kailangan nilang ayusin yung mga papeles nito.

"So pwede ko ba kayong makasama ng dinner mamaya with my son?" sabi ni Tito bago umalis sa tapat ng pintuan namin. Sumenyas si Mame na parang nagpapahiwatig na papayag ba ako?.

Isang mabilis na sagot ang ginawa ko, "Oo naman po para makilala ko narin yung magiging stepbrother ko."  nakangiting sagot ko.

"So, pano? alis na ako!" paalam nito samin habang nakangiti.

Lumakad papalayo si Tito Paul saka napansin naming mayroong sumundo sa kanyang naka-motorsiklo na may suot na helmet I think anak nya yun kase nagmano siya  bago umalis. Nang makalayo-layo na si Tito, pumasok na kami nila Mame sa bahay at dito ko inasar si Mame. "Mame, millenials lang ang peg?" pang-aasar ko sa kanya habang nakangiti.

"Oy Ela tumigil ka! baka kurutin ko yang singit mo!" suway ni Mame sakin habang namumula yung pisngi. Nagpunta ito sa kwarto niya tapos sinundan ko ito ng hindi nito nalalaman.

Ano kaya gagawin nitong Mame kong nagpi-feeling millenials. Tawa ako ng tawa sa isip ko parang gusto na nitong sumabog para malaman niya na nandidito ako.

Kumuha ng maaayos na damit si Mame tapos sinukat ito habang nakaharap sa may malaking salamin na nasa kwarto.

"Bagay ba?" rinig kong sabi niya.

Piit na piit yung tawa ko kase salamin kinakausap niya? HAHAHA para siyang sasagutin nito. Tawa parin ng tawa yung isip ko yan tuloy napapangiti na ako ng bongga.

Nakatingin parin ako sa kanya habang nagsusukat ng mga dress at blouse.

Dahan-dahan akong pumasok sa kwarto ni Mame para gulatin siya kaso nakita niya ako sa salamin.

"Jusmeyo, Ela tsismosa ka talaga 'no!" usal ni Mame sakin tapos kinuha ko yung isang dress na nakalapag sa may kama niya.

"Mame, bagay sayo itong above the knee na dress. Maganda kulay at maaliwalas siya tingnan." prisinta ko habang hawak-hawak ko ito.

Sinukat ni Mame yung dress tapos umikot-ikot sa harapan ng salamin na para bang sumasayaw tinitignan kung maganda at bagay ba ito sa kanya.

"Okay naman kaso hindi ba malaswa tingnan?" tanong ni Mame na may pag-aalinlangan.

"Hindi ah bongga nga eh!" sagot ko.

"Sabi mo eh!"

*****

Matapos mapili ni Mame ang susuutin niya mamayang dinner nagpasya muna akong magpahangin sa labas dahil naboboring na talaga ako sa bahay. Nakakasawa na lang laging ganito ang buhay ko gusto ko naman ng bago.

Sa paglalakad-lakad ko, dinala ako ng mga paa ko sa pinagtatrabahuhan ni John. Nakita ko siyang busy sa mga customers niya na mga turistang galing ibang lugar.

"Yan po mga souvenirs namin gawa ng mga mamamayan dito sa Batanes." rinig kong sabi nito.

Naupo ako sa may malapit sa pinto habang nakapangalumbaba hinihintay na pansinin niya ako.