#الرحمه

البارت 15

#الرحمه

🌸🌸🌸رزان باسم 🌸🌸🌸

زهراء...وصلنا للبيت غيرت ملابسها
وصبيت اكل كعدنا نتغده....

زهراء...اميرة..

اميرة...نعم ماما!

زهراء...شصاير وياج اليوم احد مضوجج؟ خالتج مضوجتج من اجت اخذت سما ؟

احجيلي ماما لا تضمين عليه...

اميرة...لا ماما ماكو هيج شي..بس تعبانه

زهراء...اعرف دتضمين شي عليه بس يلا من تحبين تحجين تعاي احجيلي

اميرة...هزيت راسي بمعنى اي..

زهراء...اي بنتج كبرت وبلشت تضم بكلبها وتصير مهمومه..حجيت بداخلي..

بس بعدها طفله ويناها وين الهم..
المفروض تعيش طفولتها..بعدنا اول يوم..

ظليت صافنه فكره تاخذني وفكره تجيبني..كملت اكل وكلتلي دايمه

كلتلها الف عافيه..بعدين شفتها اخذت المواعين غسلتهن وصعدت للغرفه..

اني هم غسلت المواعين البقيه ونظفت المطبخ وظليت كاعده لشويه وكمت..

رحت لغرفتي...لكيتها نايمه مو من عادتها تنام بهيج وقت... لان تخلص

دراستها يلا تنام..عفتها اني متاكده اكو شي غاثها اليوم...بس ما اعرف شنو

رحت اخيط..علمود اوصل الملابس لصاحب المحل...كلت خلي اكعدها

علمود تدرس...كعدتها كلتلي كملت دروسي بالمدرسه

عفتها تنام..مدام مخلصه دروسها..ظليت الظهريه كاعده واخيط

لحد ما تعبت كلت انام واكعد الساعه 4اروح لصاحب المحل...

نمت..وبعدها كعدت على صوت المنبه اويلي ملحكت انام..شبسرعه صارت الاربعه..

اخذت الملابس...ورحت لصاحب المحل انطيته الشغل..بعدها رجعت..للبيت

دخلت غرفتي..لكيت اميرة تبجي..
كلتلها شبيج ولج منو وياج احجي

اميرة...بعد ما مشت ماما للسوك..
اني حسيت عليها..نزلت اشرب مي

وجنت جوعانه..كلت اسوي جاي علمود اكل كعك وياه..داريد اشغل الطباخ

جان تجي خالتي علياء...كلتلي شتسوين..هنا..

علياء... شفت زهراء. طلعت ما اعرف
وين رحت للمطبخ لكيت اميرة..

تريد تشغل الطباخ...طبعا اني مو بحالها
اذا حتركت..طبها مرض بس اريد اقهر
زهراء...

كلتلها شتسوين هنا بصوت عالي..هي فزت..

اميرة...جنت اريد اشغل الطباخ جان تصيح بيه خالتي علياء. 

فزيت من صوتها..كلتلها اريد اسوي جاي..