#الرحمه

البارت 6

#الرحمه

🌸🌸🌸رزان باسم 🌸🌸🌸

زهراء... وفاة عمتي جانت كولش صعبه  عليه لان اتعودت عليها واتعودت اداريها بس يلا احسن ما تظل تتعذب بالمرض خلي ترتاح...

جنت دائما من اكعد لوحدي اظل افكر بمستقبل اميرة.. ودائما احرص على انو متحتاج اب مع العلم دائما تكلي وين بابا وهي لان كرار...

ابد ميتقربلها من يوم ما انولدت لحد هذا اليوم وعمرها 3سنين ونص.. كلت تكبر وتعرف ابوها عادي...

المهم ما اخليها تعتاز احد وراح ابدي اسويلها گلاده ذهب حتى من تكبر. انطيهياها.. تستفاد منه من تكبر...

علياء... كرار بعد وفات امه تغير كولش مو ذاك القديم ظل حوالي شهر هو هيج بس من عرف بيه حامل فرح هواي...

وكلي انشالله تجيبين ولد.. ما اعرف ليش ميحبون البنات مع العلم البنات افضل من الولد..

بس يلا علمود يحمل اسمه... دعيت من الله يطلع ولد..

زهراء... تقريبا صار اربعين عمتي سوينا عشه وعزمنا عمام كرار وخواله واقاربه واصدقائه والنسوان هوايه وخوات علياء...

  واخوانها يعني باختصار هلكنا كله وكع براسي لان ست الحسن حامل... ولا وحده منهن اجت وساعدتني جعلته في سبيل الله

هلكت بين التنظيف وبين بنتي كل اشويه واروح اشوفها لان ما عندي لا ام ولا اخت تديربالها على بنتي.. تعودت..

من مشو المعازيم وظل التنظيف عليه خلصت تقريبا للساعه 10ونص باليل الناس نايمه و زهراء  تنظف حتى بنتي نامت..

رحت لغرفتي سبحت ظليت اجر حسرات.. لحد ما نمت وما كعدت اله الساعه 10 وربع تقريبا من التعب... اريد اكوم مالي خلك...

بعدين كمت طلعت البيت جان هدوء كولش مابي احد كلت ارجع انام لان تعبانه واحتمال معزومين يم اهل علياء..

كيفت يعني مراح اسوي غده من اشتهي اسوي الي ولبنتي.. واصلا بنتي لحد هسه نايمه رجعت نمت... والنومه نومه كعدت على صوت اميره تبجي...

رحتلها عرفتها جوعانه شفت الساعه جانت 2 ظبط عزه شكد نمت اني رحت صليت الظهر لان تاخرت  😁على الصلاة..

خلصت ورجعت سويت غده خفيف الي ولبنتي.. اكلنا وخلصنا لملمت المطبخ ما عندي شي يربي ملل...

كلت اخذ اميره نروح نزور الكاظم وافتر واشتري الي والها...

كرار... اطب واطلع ميحاجيني يعني متفرق عنده..

غيرت ملابسي وغيرت ملابس امورة... طلعت وقفلت البيت.. وصلنا للكاظم عليه السلام... 

طبيت زرت وشبكته الشباك وكعدت ابجي ما اعرف ليش دائما بيه حسره بداخلي ومخنوكه..