#الرحمه

البارت 12

#الرحمه

🌸🌸🌸رزان باسم🌸🌸🌸

زهراء...شفت بنتي نامت بسرعه كلت احتمال من الضربه متحملت ونامت بسرعه....

ظليت متمدده...اشويه وكمت للحمام سبحت علمود..يرتاح جسمي..

طلعت من الحمام...رجعت تمددت كلت هاي هيه بعد مالي كعده بهذا البيت...

لازم اتطلك منه حتى اكمل حياتي حالي حال اي بنيه...وفوكاها حاسب روحه رجال..

بسيطه اذا ما اشتكي عليك..اله اخذ حقي واروح منا..واذا مقبل يطلكني شلون بله...لالا انشالله يقبل

ظليت احجي ويه نفسي..وافكر لازم اخلص منه شو هو لا يصرف عليه ولا على بنتي..

اني الي اصرف على بنتي...وبعدين شغل الخياط خير من الله يعني بس اكمل دفع المبلغ...

شو البيت واستلمت مفاتيحه ودفعت نصف المبلغ...يعني بس اتطلك منه..

اروح اسكن اني وبنتي بهذا البيت.. يلا يجي ويصير خير...وعلياء.اذا مشوفتج نجوم الظهر.. بسيطه...

زهراء...ظليت صافنه وافكر فكره تاخذني وفكرة تجيبني..مليت من التفكير...

اخر شي كمت كوه للمطبخ فتحت الثلاجه ما بيه اسوي اكل..رحت طلبت اكل من بره...

وره اشويه..تقريبا جابوا الاكل اخذته لغرفتي كوه اصعد ما بيه حيل...

كعدت اميرة كتلها جوعانه..كلتلي اي كتلها كومي اكلي..كعدنا ناكل اني وياها..

زهراء...دناكل باوعت على اميرة شفت مهضومه...كتلها شبيج ماما..

اميرة...كعدت اكل ويه ماما...والدمعه بعيني على الي سواه بابا...سالتني امي

كبل نزلن دموعي متحملت..كتلها ما بيه شي...

زهراء..تضمين عليه..اميرة حبيبتي احجيلي..شبيج موجوعه من الضربه..

اميرة...لا وجعي اكبر من هذا كله...

زهراء...من كلتلي هيج عرفت تقصد على هذا النذل...كتلها تقصدين ابوج ؟

اميرة...من كلتلي هيج كمت اشهك من البجي...اريد احجي ما اكدر..

زهراء...اخذتها لحظني وظليت اهدي بيها..كتلها لا تبجين ماماتي متعرفين من تنزل دمعه منج...

شيصير بيه ماما اتحطم من داخلي...فدوه لعينج حبيبتي لا تبجين..متحملت نزلن دموعي..

ما ردت اخليها تشوفي بهيج وضعيه اعرف بيها حساسه حيل...ظليت مخليتها بحظني وامسح على شعرها..

كمت ارتل قران على راسها اشويه هدئت...

اميرة...بس امي الي تحس بيه بس هي الي تعرفني قبل ما احجي...

اني بدونها ما اكدر اعيش هي النفس مالتي....كتلها ماما

زهراء...عيون امج..