#الرحمه

البارت 11

#الرحمه

🌸🌸🌸رزان باسم 🌸🌸🌸

زهراء....الله لا يوفقج..يعني ايمتا اخلص منج...والله لو اهلي عايشين اله اروح يمهم ولا اظل هنا...

وحتلو..اروح ابوي وامي ميتين والبيت مبيوع من زمان واخواني كلمن حاير بعائلته..

ليش هيج ربي المن خلقتني يعني اريد ارتاح حالي حال باقي البنات...كولشي مشفت من عمري...

غير القهر والضيم..رحت نمت لان باجر جمعه يعني مرتاحه من الكعده الصبح..

نمت ما كعدت اله الساعه 10على صوت اميرة تكعد بيه...

كتلها...ها ماماتي كوة مفتحه عيوني..

كلتلي متكعدين جوعانه...وحيصير الظهر..واني ماكلت شي..

زهراء...ضحكت سوده عليه بنيتي جوعانه كاميه حبيبتي نتريك اني وانتي...

غسلت ونزلت سويت بيض وطمامه..وكعدنا ناكل كتلها ها شبعتي..

كلتلي اي..كتلها عافيات...حبيبتي
كلتلي ماما..كتلها نعم كلتلي اليوم عطله خلي نطلع...

زهراء...اوك نطلع بس وين تردين نروح ؟

اميرة...نشتري ملابس ونروح للالعاب.

زهراء...انشالله هسه اخلص شغلي ونروح ونتغده بره بعد شتردين..

اميرة....امووووت عليج بكد الدنيا..

زهراء...واني هم يلا كومي لج لوگيه ههههههه روحي غسلي وحظري ملابسج...

اميرة...اي

زهراء...خلصت شغلي..داصعد لغرفتي جان تطلع علياء بوجهي...خير يا طير

علياء...سمعتج تريدين تطلعين وين 🙄

زهراء.. وانتي شعليج اطلع وين ما اريد سمعتي ولا تدخلين..

علياء...ماكو طلعه..

زهراء...شنو عيني..بشنو تفضلتي ؟

علياء...مثل مسمعتي!

زهراء.. باعي لج لا انتي ولا امثالج يمنعني من الطلعه.. والجيه. يلا ولي من وجهي...

علياء...بسيطه يا وجه الفكر..

زهراء...رحت لغرفتي غيرت ملابسي وغيرت لبنتي وطلعنا..رحنا للمولات ورحنا لمدينه الالعاب وتغدينا ورجعنا تقريبا الساعه 2:15للبيت..

دخلت لغرفتي غيرت ملابسي وغيرت ملابس بنتي وقفلت الغرفه ونمنا للمغرب يلا كعدت...

جنت تعبانه كولش...ونفس الروتين اليومي...

زهراء...مرت الايام واني كل يوم اخذ بنتي للمدرسه وارجعها...وخلصت السنه وطلعت اولى...اجت فرحانه بذاك الوقت

لان استلمت هديه من المعلمه...واني هم حظرتلها هديه...وسويتلها احتفال..اني وياها..

واحتفلنا بس. احنا الاثنين...وطبعا ما احجيلكم عن علياء والمجاكرات الي وياها...