je t'aime à la folie

partie 47 والاخير

انا : واشنوو واش قلتي تخسروها

فايزة : اسماااا اسماااا دمها كما نجمة راني متأكدة

انا : انيس روح جيبهااا خويااااا تعيش

انيس : وي خو راني رايح

راح انيس يجيبها و انا كنت محطوط على النار و ندعي

انا : ياربي ماتديهاش مني ياربي سلكها على خير

لحق انيس و اسماء لي كانت مخلوعة شافتها الممرضة امبعد قاتلها

الممرضة : مادام راكي تبانيلي حامل

اسماء : وي وعلاش

الممرضة : ممنوع ماشي مليح لصحتك و صحة البيبي

اسماء : تعيشييي ادي من عندي راني قابلة لازم نسلكوها

بقات الممرضة مترددة و كي شافت اسماء تانسيستي قبلت داتها نحاتلها الدم امبعد خرج الطبيب يعيط

الطبيب : وين راااه الدم علاش طولتو المريضة قلبها راح يحبس

رحت نجري ليه حكمتو من طبليتو و بقيت نهز فيه

انا : خليني ندخل انا تاني طبيب خليني نشوفها

الطبيب : ممنوع حتى و لو كنت طبيب

انا : قتلك خلينييي

جا حكمني بابات نجمة من يدي و بعدني عليهم كامل و قالي

عمي حكيم : بنتي دوك لازم تسلك لازم ندعولها حبس من هذا الهبال تاعك ما شفتش روحك كفاش راك تاكل فالناس

بقيت ساكت واش راح نقول مايفهمنيش حتى واحد ما يقدر يفهم الحرقة لي راني فيها حسيت بيها عمري كي كنت انا في بلاصتها حسيت واش قاسات بزااف واعرة كي تعرف روحك راهي الداخل بين الحياة و الموت

جازو تسع سوايع والو لا خبر مازاد خرج حتى واحد كنت فهاذوك السوايع نتفكر غير في كلامها فؤاد ريح معايا بقيت حاكم في راسي و نخبط فيه بالاك نقدر ننسى كي بقات تحلل فيا جا حكمني انيس

انيس : فؤاد كالمي روحك راح تكون مليحة

هو قالها و الباب تفتحت و خرجو les médecins وجهم مايعجبش كامل دارو بيهم بقيت انا قاعد فشلت ماقدرتش نروح نسمع ماكنتش واجد كنت خايف...

ماسمعت والو من واش كانو يقولو شفت غير فايزة بدات تبكي وشهرة عنقتها قلبي حبس الدنيا دارت بيا لالا نجمة ماديريهاش بيا لالا ماتخلينيش ياك قلتي بلي تحبيني قلتي بلي تخافي عليا كاشما يصرالي قلتي بلي تعمي عينين كل وحدة تشوف فيا كفاش يعطيك قلبك تسمحي فيا جاو ريان و انيس حطو يديهم على كتافي ماكنتش قادر نسمعها غلقت وذنيا باش مانسمعهمش

انيس : ادعيلها فؤاد

انا : .......

ريان : ياخو فهموا واش كاين ماركش تشوف راح يحبس قلبو تزيد تخلع فيه