فؤاد_________________________________
قالتها و سكتت قالتها و غمضت عينيها
انا : نجججججججممممممةةةةة
لحقت l'ambulance و جاو يدوها ماقدرتش نطلقها بقيت معنقها و نبكي كي المهبول
الراجل : خويااااا بعد خلينا نديرو خدمتنا
انا : لالاا مانمادهالكمش
جاو زوج من لابوليس بعدوني عليها و حكموني بسيف و انا بقيت نعيط
انا : اناا ماتدوهاش ماتدوش مرتييي
لحقتهم نجري و ركبت معاهم بداو يديرولها فمساج فالقلب و انا بقيت شاد الجرح تاعها بزوج يدين باش ماتزيدش تخسر الدم وصلنا لسبيطار و دخلوها en urgent للعمليات كنت داخل معاهم امبعد
الممرضة : ممنوع ريح هنا
انا : بعدي خليني ندخل انا تاني طبيب
الممرضة : اسمحلي خويا الحالة لي راك فيها راح تشوش الطبة لداخل
دخلت و خلاتني واقف هكذاك بديت نعيط
انا : قتلككككم خلوني ندخل معاهااا هاذيك مرتيي نججمةة ماتخلينيييش ماتروحييش عليا
جاز زوج سوايع حسيتهم عامين مابان حتى خبر بقيت قاعد فالارض و حاكم راسي لحق الخبر لشهرة جات تجري و تبكي
شهرة : فؤااد علاش راك هكذا واش صرالها
انا : شهرة انا السبة خليتها وحدها خليت حبيبتي وحدها كلي كانت حاسة بقات غير تحلل فيا نبقى معاها بصح سمحت فيها انااااا هو السبة انااا
بقيت نقولها هكذاك و نخبط في راسي على الحيط
شهرة : فؤاد انت ماعندك حتى ذنب ماكانش علابالك واش راح يصرا
انا : شهرة نموت بلا بيها نموت ماراحش تخليني ياك
شافت شهرة لقمجتي البيضا لي ولات كامل حمرا من الدم تاع نجمة امبعد قاتلي ايه فؤاد نجمة ماراحش تخلينا لحقت فايزة كي لمهبولة تعيط و تبكي على نجمة و كان معاها باباها لي كنت نستنا فيه وقتاش نشوفو و نروح نخطبها من عندو و كان معاهم سمير زاد جا انيس و ريان كي سمعو
ريان : فؤاد ماتقولييييش بلي بابا السبة
ماقدرتش نجاوبو بقيت غير نشوف فالفراغ خرجت الممرضة من البلوك تجري تسقسي فينا شكون لي دمو كما نجمة
الممرضة : اجروووو نسحقو الدم o-. شكون لي دمو كما دمها
ماكان كاين حتى واحد دمو كما دمها
الممرضة : اجروووو حوسوو الطفلة خسرت بزاف الدم راح تروح ما بين يدينا
كي قالتها بديت نعيط كي المهبول
أنت تقرأ
je t'aime à la folie
Romanceقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة
