ثمن الاعتراف
فؤاد __________________________________
مارانيش مآمن واش سمعت دوك راني نحلم بالاك لالا صح قاتلي نحبك مازال مانساتنيش رتحت يا قلبي سمعت واش كنت حاب تسمع بصح دوك خلاص مانزيدش نخليك تمشيني كما تحب شفت فيها كانت تبكي و تشوف فيا تستنى مني كلمة ؛ فقت لروحي بلي مازالني شادها من ذراعتيها زيرت عليهم و قلت لها :
انا : ههههه مازالكي تحبيني مازال مانسيتينيش كي مازااااالكيييي علااااش سمحتي فيا علااااش رحتي تزوجتي براجل قد جدك جاوبيني بصح مهما تقولي مهما تعطيني سبة ماراحش تقنعيني ماراحش نسمحلك على واش درتي فيا دوك اشربي من كأس المرار لي شربتيني منو ابكي ماتهمينيش ياك قلتهالك نشوفك تتحرقي قدامي مانتزعزعش تزيدلك حاجة ايه نسيتك محيتك من قلبي دوك راح ندخل داري المرا لي تستاهلني و تحافظ عليا و حبك هذاك خليه ليك مايشرفنيش وحدة كما انت تحبني
كل كلمة كنت نقولها كانت طيحلها دمعة بقات ساكتة مانطقتش طلقتها و خرجت من البيرو حسيت روحي كثرت جرحتها بزاف ندمت بزااااف على هاذيك الهضرة لي تجرح
جاز نهار ووانا عقلي غير في نجمة كفاش
راهي دوك كي جيت خارج من الخدمة تلاقيت شهرة فالطريق تفكرت الحصلة لي حصلتني ماني معاها
انا : سلام شهرة صافا
شهرة : non ça va pas
انا : واش بيك
شهرة : أو وفى ماعلاباليش منين نبدهالك
انا : شوفي شهرة عندي هضرة معاك
شهرة : اصبر فؤااد مانك قاتلي كلش قاتلي بلي راني عاجبتك بزاف و راك حاب تخطبني
انا : وي حبيت نهضرلك على ه ا ذ ...
بصح ماخلاتنيش نكمل الهضرة قطعتني
شهرة : مارانيش قابلة فؤاد علابالي جيك بيزاغ كفاش شهرة لي كانت متمنيا يجي نهار و تشوف فيها ماتقبلش
انا : شه رة
شهرة : صح انا من الناس لي يحب روحو بزاف بصح مانقدرش نبكي ناس عزاز عليا
انا : شكون هاذ الناس
شهرة : انت و انا نعرفو مليح شكون هاذ الناس زيد نقولك حاجة فؤاد ماتخليش الحقد تاعك يعميلك عينيك على الصح
انا : واش تقصدي شهرة
شهرة : حتى انا مانعرفش هاذيك السبة لي خلاتها تسمح فيك بصح رااني سور بلي سبة تستاهل كامل هاذ التضحية
انا : شهرة كاشما علابالك قوليلي
شهرة : ماعلابالي بوالو الحاجة الوحيدة لي علابالي بيها هي نجمة صح حياتك
راحت شهرة و خلاتني محير بهاذيك الهضرة من وقتاش ولاو هاذو الزوج قراب من بعضاهم سبحان الله مغير الاحوال ؛ هناتني شهرة بقرارها كلي نحاتلي جبل كان فوق ظهري
أنت تقرأ
je t'aime à la folie
Romanceقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة
