نجمة _________________________________
كونا قاعدين انا و شهرة فالبيرو تع سبيطار نشكيلها حتى طبطبولنا
شهرة : وي ادخلوا
فتح الباب امبعد دخل ريان بقيت مخلوعة هذا واش جابو هنا شفت في شهرة لقيتها مخلوعة كثر مني قربت ليا و قاتلي بلاعقل
شهرة : تبارك الرحمن ماشاء الله ماشاء الله
غلبني الضحك من هبال هذه الطفلة ماتحكمش كامل السيريو
انا : ريااان سلااام
شهرة : رياااااان ماتقوليليش وليد هذاك الراجل اه سي بون بدلت رايي
بهدلتني قدامو ماخلااتنيش كامل نعرف واش جابو
انا : شهررررة
ريان : apparemment راني شايع بصح فواش بدلتي رايك فهميني
شهرة ولات حمرة ماقدرتش تنطق
انا : ماديرش عليها تهضر برك
ريان : اه سما مهبولة 😁😁
شهرة : مهبووووولللة واااش حبيبنا راك تشوف فيا نقطع في حوايجي
وليت نندب في حناكي من فمها لي ماتقدرش تحكموا أما ريان كان ميت بضحك عليها
ريان : انا مانعاندش المهابل نتبعك نجيب نهار كامل وانا هنا
ناضت شهرة بالزعاف و قاتلي
شهرة ؛ نجمة انااااا نرووووح خير ماندير كاش حاجة فواحد العبد
خرجت شهرة من البيرو و ريان بقا يتبع فيها بعينيه و الضحكة تاعو لحقت لوذنيه
انا : اييهييه يا سي ريان كملت التحكال خلاص
ريان : احم واش صافا نجمة
انا : هذا وين non ça va pas و علابالك علاه
ريان : وي علابالي نجمة صح قوليلي وين رآه فؤاد عندي هضرة معاكم لزوج
انا : غير الخير ؟
ريان : اديني ليه امبعد تعرفي
ديت ريان و رحنا للبيرو تاع فؤاد حليت الباب جا في وجهي خزرت لقيت شهرة عندو
انا : يالطيييف قناة النهار و ماشي كما انت
شهرة : ما قلت والو انا
فؤاد : واش جابك هنا :؟ واش تسحق من عند نجمة
ريان : فؤاد نقدرو نهضرو حنا الثلاثة برك
قالها و شاف في شهرة
انا : ريان شهرة وحدة منا علابالها بكلش
ريان : اوكي
دخلنا للبيرو تاع فؤاد و ريحنا امبعد قاللنا
أنت تقرأ
je t'aime à la folie
Romanceقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة