وكفت السياره لفلاح على كتفه خشب ووراه خرفان تركته يعبر من اباوع زين هذا هو لج جيلان هذا عمج
عمي صدك
والقران هذا ضلت تباوع عليه جامده الرجال التفت عالسياره بالتفته ورجع مصدوم بقه يباوع دقيقه احنه صافنين وهو صافن همست جيلان عمي الان ذب الخشب من ايده وكع فتحت الباب طفيت السياره وكفت كدامه ابتسم جيلان نصت راسها تبجي غطت وجهه بيدها رجعت باوعتله ابتسم يباوعلي ويباوعلها بدت شفته ترجف يريد يبجي
الان الاصيل تقربت منه حضنته داير وجهه على السياره بقه ساكت بعدها بجه بحركه سنين وتعب وضلم جريته للسياره جيلان من الصدمه مكدرت تتحرك وصلته الها حضنها يبجي يباوعلي ويباوعلها اول كلمه كالها شون صارت
هه ربك بعد الشمرني يمك وطلعتني من الموت
الحمد لله الحمد لله بنتي شونها باعيني بويه خل اشبع من عيونج
عمي اني كلش زينه بس تعبت وراك الدنيا ذلتني بس هسه الحمد لله
يستاهل الحمد يابه يستاهل الحمد امشي وياي امشي جيب سيارتك انت ساكن تركيا
لا يابه دهوك
لعد الرقم تركي
مستاجريها اصعد عمي خل بالسياره نروح
ها ماشي صعدت وايده بيدجيلان وصلنا لمكان اشبه بالجنه كال هنا اوكف نزلنا وره جيلان تحت كتفه حاضنته اشر كال هذا بيتي جان موخ مرتب وخلو باوع لجيلان كلها اشوفج مرتي وابني جيلان خلت ايدها على وجهها تبجي وتضحك لزم بطنها كلها عبالج بس انتي اني هم تزوجت تركيه سندتني وقبلت بيه لان داويت ابوها. تعاي بابا تعاي.
طبينا واجه ولد صغير ركض على الان يطلع عمره سنه ونص سنتين حضنته جيلان تباوعله بعدها تعرفنه على زوجته كلش خوش مره وكعد يحجيلنا شون انهزم من عقر لزاخو لشرناق وبقه بقيت اباوع بعينه الان اني اليوم جاي لشغلتين اولا ردت جيلان تشوفك وتشبع منك والشغله الثانيه اريد اساعدك باي شي ولتردني اني هسه نسيبك ودمنا انخبط بطفل لتخجلني
الان- اني مرتاح كلش وهسه صرت ملك من شفتها مرتاحه اني سالت وكالو تزوجت بس متوقعت الك
ربك بعد من يريدها تصير مجموعه صدف صارت باوعتلها عافيتي صارت بعد ماجنت ميت حيتني
اعرف قدرتها اني باوعت لاياد صحت اياد بابا رد ابني بلي
اياد- بقيت صافن سميته اياد باوعت لجيلان نصت تبجي ضحكنا واكلنا يمه بيومها بتنا يمه وصبغتله البيت ورممنا عده كم زرف من بره وفوك بالغرف والسياج صلحناه وجيلان صادقت التركيه اللي لغتها قريبه عالتركمانيه عايشين ببساطه بس ملوك عايشين بقطعه من الجنه مقبل مني اي مساعده عن لسانه كال
اني احسن واحد بالدنيا مرتاح وعدي ذريه الله جازاني بتربيتي لبنت اخويه اكتفيت بانه شديتله ماطورين مي يفيده بالسقي الحقل وبالبيت اشتريتهم اله بقينا عدهم سبوع روحي ردت وجيلان شبعت من عمها ورجعنا لدهوك وره يومين راحه وحب رجعنا لبغداد الحبيبه لكيت فاروق مكمل الفرفوري بشغل مرتب ولكيت رنوده بيدها عمار ياسر عرف بمشروع الصبغ جلبلي يريد ويايه يكعد بالمحل مقبلت ردت بدون شراكه وفعلا فتحت محل صغير براس فرعنا وبده العمل وي البناء شهرين وي وضيفتي وكمل البيت صار 3شقق شعدي فلوس كتيتها عالبناء صار مو شقه فد شي يخبل جيلان جانت منصدكه بي اني اعرف معنى الايه ولسوف يعطيك ربك فترضى
ربي انطاني واخذ مني ورجع انطاني احلى عطيه منه
ايناس مراح انساها وكاما اباوع بعيون انوسه الصغيره اتذكرها مرت ايام بعد سكننا بالبيت الجديد ننجمع بببيت ابويه بكل يوم ياسر وريناد هم. يجون جاي وسوالف متنمل حديث يوم بيومه شسوينا نصايح فاروق وتصنيف زيد وصفنه اياد وتفكيره ومكسرات ياسر اللي صارت بس حجي ومن يشوف ريناد يبدل الجبان بالعراق صار الشي الوحيد الحلو عدنا لمتنا نشوف اليطلع من العراق مكيف كلها اسبوع يكوم يلوب يريد يرجع لان ماكو هالمحنه هناك
جيلان ولدت الان بعد فتره وبيومها اني نمت مستشفى ومغذي وفاروق واياد يضحكون عليه يكولولي نجمرتك جابت ولد انت شحتجيب جاوبتهم توام محد يعرف الخوف الاحسه من تتمرض احس حرجع افارك اللي احبها كمت مااتحمل راسن اوكع بس من جابو الان الصغير بحضني فاروق يباوعلي بجه قبلي ودار وجهه وراح وذنت باذنه ونطيته لامي جيلان صارت تصيح امي بيوم او ماما
زياد بعدها بفتره صار عده جواد البيت انترس اطفال وهوسه اكعد يابه وخري يمه يبوووبس مامو احلى من لمه اهلنا
قصتنا لهنا كملت عبرتها انشاء الله وصلت
فاروق ياجبير العاءءله واكثر واحد ينخاف منه
اياد العاشق المحتال الوكع بشباك حيلته واللي فقد وتاذه ورجع وكف من جديد
زياد الصبر على حبه وصارتله بعد عناء ووعي
وياسر ابو كلب الفطير ابو النسوان بعده يخرب عالاحمر
اتمنى تكونون استمتعتوا بالقصه واحلى تحيه مني لكل متابعيني
مريم السعدي
الاخير
ابدأ من البداية
