#جيلان
8
مريم السعدي
ياسر- الطريق كله احاجي مرجي راسه عالشباك صافن مايس
اياد باوعني حبيبي هو اذا ماعده شي. راح يطلعو. لتخاف ميرد عليه اياد مو داحاجيك همه اول وتالي كل فتره يمشطون المنطقه. لان تنترس هاربين شفته ميرد تركته براحته وصلنا دهوك نزل نزع سترته والقميص كعد باوعتله
تاكل
چچ
زين تنام ترتاح
هزيت راسي اي حسيت بضعف تمددت عالفراش مقهور بس احنا مبلغنا ولا حجينا مو يمك السالفه اياد حتموت روحك بس البنيه خطيه اوووووووه يجوز الها احسن يابه شلي دخل اللهم طولج ياروح يوميه شايل ذنب اكبر من راسي نمت بس مو براحه احلام مخربطه وخوف حتى بحلمي فزيت بنص الليل ياسر نايم بصفي طلعت لحديقتهم افتر حديقتهم كلش حلوه جبيره والثيل تارسها واشجار جوز بيها كعدت عالحشيش رطب والدنيا ثلج فجريه حسيت احد ورايه التفتت ضافر وكفت احتراما اله
اكعد اكعد شنو اللي مسهرك
ماكو شي جريت نفس باوعتله يدخن جروت وحالته حاله ابتسمت نصيت اكبر مني اساله شبيك عيب عليه
تدري اياد نوبات الموت يخليك تصحى انه الدنيا تافهه
باوعتله مستغرب
والله شبيك تباوعلي هيج
خله ايده على كتفي عيونه حمره دم انت فاقد احد عزيز عليك
هز راسه بهدوء
بقيت صافن عليه قريب من كلبك
كلبي
الله يساعدك جريت نفس شوكت
قبل اربع سنين
اويلي يابه وبعدها النار يمعود لتخليني اايس
لا طبعا مطفت بس مو مثل الاول بس تجيك ليالي مثل هيج ليله كلها تهيج وتلوب بالحديقه شون هسه
الله اليعين باوعتله حبيبتك
هز راسه منصي عينه
شون ماتت
اندعمت جر نفس بحسره بلحضتها ماتت جننا متفقين عالزواج وكلشي انتهىى
الله يساعدك باوعتله شون كدرت تتزوج
امي جبرتني ونسرين حبابه احتوت جرحي وعالجتني نادين جانت كل حياتي وهي مطلعتها من حياتي تدري بعدها كل فتره تسوي غده لو عشا ثواب تكول هاي على روحها
والله قابليه
نسرين روح طفل وام مجموعه سويه احسن شي. صار بحياتي هيه نوبات الله يهيا الك شخص يشيل همك وياك يكون هو الحل الوحيد تدري اسولفلها شون طلعنا وشون طبينا اشوفلها الرسايل عبالك تغار ابد و اذا اذب دمعه تذب عشره
الله يخليها الك نادره ام نادين
الله عوضني بيها مرهم لجروحي داءما اكولها انتي بكل اهلي
هزيت راسي جريت نفس الله يخليها الك
يله كوم نام ورانا شغل
شغليش عكدت حاجبي مبتسم بسخريه
متجي للمكتب باجر
ها ههه لا والله بعدني مقررت
بابا دخوله الحمام مو مثل طلعته انت مالتنه صرت
ههههه
انت شعدك هنا امشي ويانا ومن يكمل دوام ياسر اطلعو سوه يجوز اجي وياكم اريد اروح لسولاف ضايج والله
بقيت ساكت لا اي ولا لا
ماريد اضغط عليك بس والله ترتاح لشغلنا جننه مكعبات راح تحبه بس شد وتشكيل
اي راح اجي وياكم
يا الله لتصير مثل هذا المطي مياخذ كلمه
تدري ضافر اخوك ممثمنك
منو ياسر لا لتخاف يعرفني شكد احبه ويموت عليه تدري يتعارك وهاي وبالنهايه حجايتي وحجايه ابويه هي التمشي
صح منتبه عليه
ياسر تره ورده واخو خيته نيال التصير اله
باوعتله ابتسمت خجلان الله كريم طب اندار عليه قبل ليسد باب باوعلي كوم نام بارده
باوعتله هزيت راسي يعني اني وين مااولي الكه فاروق اويلي يابه بقيت تقريب النص ساعه وحدي بده الضوه يطلع صوت الاذان انتضرت شوي كمت صليت جنت مشتاق لصلاتي صار فتره گاطعها مجرد وكفت عالسجاده رجعت ابجي بين ايد رب العالمين ماعدي احد اشكيله ادري هي يمه واحس تسمعني اكثر بصلاتي ودعائي كملت وتمددت دك المنبه مال ياسر شاله ركعه فشر ورجع نام تركيبه مضحكه ياسر ندمان منطيته ريناد رغم كل اغلاطه كلبه نضيف بس ميكدر يعوف مكسراته واخاف ريناد تنجرح رجع دك المنبه كمت بدلت تقربت يم ياسر كوم ياسر
ها اياد عوفني خمس دقايق
لك كوم اخوك دك عليك
اشتعل شيب الخلفه
ها
وخر عنيييي اريد انطمر
اوهو عفته اكلب بالتلفون مالته دخلت على فيس ايناس يمكن صار مليون مره اكلب بي بعد وفاتها حفضت كل تعليق كل تاك كل صوره رجعت سديته غمضت عيني المشكله ماريد انساها ماريد تغادر تفكيري وخيالي مرتاح هيج اني كام ياسر يشتتم خربني ضحك بدل باوعلي
على خير شو مبدل
اجي وياك
هاا بعد ضافر حكم
ههه لا والله عاجبني
امشي عمي امشي هو انت تكدر تكول لا. تشوفه نايم على خوانيكك
ههه والله من شفتك كمت اضحك
اشبع ضحك خويه دشوف الرزايل الراح اكلها هناك واشلع ضحك يله كوم
اي لبست حذائي وطلعنا ضافر جان ينتضر بالحديقه يشرب كهوه ونادين بحضنا ميلت راسها تضحكلي ضحكت شعرها مكفش مال نوم والملهيه بحلكها نزلت من حضن ابوها جتي يمي شلتها هيج وحده مااكدر اقاومها تباوع بعيني وتلعب بلحينتي
ضافر- يله ندوش روحي لماما
بباي بابا
باي باوعت لاياد انطيك نادين بعباتها هههه
اقبل عيني وين الكه هيج جمال
ياسر- اي شايفها من تلزم البطل هه
ضافر- كرت عين عمها العاقل
اياد- هه نزلتها وراحت شفت ضافر قفل البوب بحرص حقه يخاف هالخوف وهو فاقد عزيز طلعنا وبلشنا شغل وبدو الموضفين يقدمون عالعمل وبدت الاتصالات عالحجز لل11الضهر صاح ضافر باوعلي تروح تشد شبابيك كامل الشغل مالها بس تشد تجرب لو مالك خلك
لا شعدي عادي اروح صاح على واحد من الولد تركماني واخذني ببيك اب وي الشبابيك نزلت البيت كلش حلو بس مبي شبابيك توه عالعماله طالعه منه بديت اشد محاس بروحي امشي عالخاريطه دك تلفوني رديت ياسر
هااا
وين وصلت
بقت 3طلاكات شتريد
تره ب4مجعت
هسه حرجع
تعبناك يابه
دنجب لك يله روح سديته منه كملت شغل بقيت افحص اسد وافتح بيهن احرك احاف اتفشل كملت وطلعت وي نفس الولد وصلني لبيت ضافر طبيت للملحق ياسر ديكلب بالتلفون باوعلي بقلق
تعبت مو
لا والله اصلا طلع شغلكم كلاوات
تدري شكد ياخذون عالشد
شكد عكدت حاجبي 3اوراق عالبيت
لا بربك والله خوش شغله هاي هه
دبقه اياد
لك بابا شفتني اخذت عليجتي ورجعت مجبوب هنا وكاعد
اريد تكعد مقتنع مو لان لحيت عليك
جريت نفس بحسره ماريد اشوف بغداد بس دااشتاق لاهلي
ميهم كل شهر روح. واني هم وياك اشوف اختي
ماشي بس بعدني ممقرر تره
ماشي. يله تعال تغده
جيت خل انزع كعدت اكل وياه وراضي عن نفسي احس مسوي انجاز دك تلفوني باوعت لياسر اراهنك هذا فاروق لو زيد
متاكد اني
الو هله زيودي شونك زين الحمد لله ها لا بعد خليني ارتاح والله يجوز استقر هنا هاي شبيك تصيح ولك بعدني ماشي الله وياك جريت نفس بوسلي امي هلاو سديته باوعتله لياسر راد ياكلني الا شوي
لا معليك هاي بس بالبدايه انت بس قرر
الله كريم -----
فاروق- دره اذتني بكلامها صار شهرين متغيره واني شنو ذنبي اريد افهم عفتها ترتاح وتراجع روحها هم حقها مثل اختها جانت بس مو معناها تقلل من احترامي رجعت بليل جانت نايمه اني هم بدلت ونمت احس روحي تلوب مشتاقلها بس ماطخ راس بقيت اباوع على كتفها اريد احاوطها بيدي تقربت ضهرها عليه بستها من كتفها اندارت باوعتلي بخزره
شبيج بس فهميني
جريت نفس مبيه شي شوي تعبانه
اني راحتج عمري حضنتها اسف
واني هم اسفه
ماريد تتكرر بعد درتي
اي بقيت اباوع بعينه فاروق خاف انت هم يجي يوم وتسوي مثله
جمدت باوعت بعينها مااعرف شكولها بس لعبت نفسي جريت حسره دره اخويه راد يساعد بس
على حساب ايناس
كامت تبجي بعد مذكرت اسمها غمضت عيني جريتها لحضني عمري شي يريد يصير
هاي لو هو ميت مجان كلتو هيج جان كلتو هي كتلته
لتحجين هيج عصرتي كلبي تتفاولين على اخويه وخري خرب غيرته اليبقى يمج كرهتيني بالحب نزلت من الجربايه لبست شحاطتي ونزلت بغرفه اياد انطمر توقعت راح تجي ومجتي بقيت صافن شهالقساوه العدها هاي دره
