#جيلان
25
اياد- فاتو نامو وبقيت اني وريناد بالبلكون تباوعلي وتدير وجههه
متنامين لج
لا حلو المنضر
جريت نفس طلعت امي من الهول طبت بالبلكون كالت
هشششسه شو بيها كرصه بردن وهذا بطرك الفانيلا
يمه وين البرد يمعوده ذبيت الجماره احتراما لامي باوعتلها بحلكها اكو حجي ضحكت باوعت لريناد كومي نامي ننه
اي عفتهم وكمت عرفت يردون يحجون
اياد- التفتت على امي اي حجيه احجي
يمه صدك جذب تدزني على هيج عالم خزيتني كدام الجناين
ليش جريت نفس ليش شبيهم احجيلي من البدايه
باوع يمه طبيت سلام وعليكم يابه جايين على بنيتكم شو الوجوه انكلبت جانو كاعديت مرت خالها وخالتها عرفتنا كالت مرت اخويه عرفان شو المره كامت طبت شوي وجتي تضحك وتسولف كالت اني عدي بنات 2 ورده وامهات بيت ماخليهم يكملون دراسه اخاف عليهن من الشارع
مخلتني احجي اخذت الحديث كله وخلت الخاله واني بس صافنين المهم صاحت عليهن طببن وقدمن جاي الفهمته انهم جايين خطار لبيت عمتهم المهم البنات مزروقات وحلوات ميتعيبن باوعت لوحده منهم كتلها ياهو منجكم جيلان وانكلبت الوجوه خالتها كالت جيلان بنت اختي تصير بنت عمتهم مرت الخال انكلبت جهرتها وكالت مخطوبه لابن خالتها الخاله كالت لالا ممخطوبه شو كامت تجيب وتودي ساعه تكول خطيه يتيمه وابوها عدمو وكوه يله فتحت جانت عميه وراها كامت تحجي بالفلوس تكول احنا متكفليها وخالها يريد بيها مهر عدكم مهر اني ضليت صافنه اباوع للبنات دره دارت وجهه وتدردم اخر شي طلعت تشتغل باسواق
- كملتي يوم
اي يمه انت عنادي ومراح تسمع الكلام اعرف بيك
هههه لج يوم اني شون بيج باعي امي سمعيني ولتقاطعيني---- حجيت كلشي لامي من اول مشفتها بالمستشفى لحد هاليوم بقت صافنه بعدها كامت تبجي كالت لا زم اشوفها ابتسمت صار راح اشوفلجياها باجر ننزل هنا واشوفها الج اشرت عالمكروز
ليش تشتغل هنا
اي يوم هنا
ياعيني سوده عليه بس يممه هم واحد من يتزوج يدور اصل
يله يوم روحي نامي يم الحجي
يله كوم انت هم نام تصبح على خير
وانتي من اهله جريت نفس تمددت بالهول ريناد كبالي عالقنفه بس تتكلب
شبيج نامي عاد
اياد باجر وين تودينا
للكلي
صدووك
اييي بس انخمدي حتى اعرف اسوق
كلي علي بك
لالا كلي شيروانه باجر اغركج
لالا بارده هههه
زين دنامي عاد تره مسطور والله
يله حسكت
اياد- حسيت الصبح يرحون ويجون من يمي وهذا يشيل الغراض وذاك يذبها شلت الغطا فاروق وزياد فوك راسي هااا شكو
كوم نتسوك تره ننزل وحدنا
استغفر الله حيذلوني كمت جريت تيشرتي لبسته دره باوعتلي ابتسمت باوعت لفاروق عرفت بليل حاجي كلشي الها وكفت جريت محفضتي من عالميز زياد ركض كدامي تعال يمعود هاي شون لعبان نفس
شبيك قزرقط داالبس حذائي
شكو نازلين زفه اجيب الغراض واصعد
لالا وياك
زياد نترت بي
اهوووو روح وحدك يله
نزلت براحه ياسر توه ديطب ها
ها ولك اشتاقيتلك
دنجب شكو جاي
هاي فاروق دز عليه ابوك يريدني
هاي شنو
دروح روح
باوع جان ديصعد الدرج المصعد مشغول يمكن الحارس بي كال شكو
البارحه حكيت راسي روح هسه بعدين نحجي
ماشي صعدت وبالي اريد اشوفها ممصدك
اياد- نزلت طبيت المكروز افتريت اخذت الجبن والزيتون صارت بوجهي جيلان نصت راسها تقربت مبتسم بلعت ريك صباح الخير
باوعتله ونصيت صباح العافيه
جيلان اريد احاجيج
اي
هسه عشر دقايق
البارحه كتلي ربع ساعه وطولنا ثلث ارباع الساعه
هه ميخالف
اوك طلعت كدامه انداريت بالسياره
اي كيفج كلتها بارتباك لكيت زياد كدامي توه ديفوت نصه راسه من شافني دهاك هاك العلاكه هسه اجي
اي كلتها رفعت حاجب اضحك وج الفكر ولا يبين بعينه فرح
جيلان- منو هذا
اخويه
ها باوعت بعينه اذا تريد نوكف هنا ونحجي
اوك جريت نفس وكفت ببدايه الكراج خليت ايدي بسويتر التراكسود البارحه دزيت اهلي باوعت عالشباك مال بلكون فاروق كاعد يباوع عالشلال ممنتبه علينا
اي اعرف نصيت راسي
وشنو ردج
باوعتله شتتوقع يكون
بس اهلج مديساعدوني جيلان
ليش عكدت حاجبي ليش شرادو منك
مرت خالج رادت مقدم عشرين مليون باوعت لكلادتي جريت حسره باوعت بعينها وموخر كيلو ذهب،
شنووووه باعي هاي عساس محروك دمها عليه معليك منها جريت نفس اياد اني ماعرف هالسوالف بس ميصير اروح وحدي نعقد اذا مقبلو
شكد عمرج عكدت حاجبي سويت روحي مااعرف
22
اي هاهي يصير
هاهي شوكت متريد نروح بس اخابر خالو واكوله واكول لخالتي واذا رفضو معليه
جريت نفس ادري بيج مفرحانه
منو كلك مفرحانه لا بالعكس
بس انتي تعرفين بعد
اني وياك حيصير بيننا اهتمام متبادل يمكن علاقه صداقه واهتمام بقيت اباوع بعينه فاتحها عالنص وكلسا يباوع عالبلكونه اخذ راحتك اني حروح للاسواق
ماشي همست وصعدت تلكاني زياد كال يله دنروح
ياسر وين
كاعد بالصاله يم ابويه ديقرره ويتفق وياه
ديله جريت نفس
ريناد- كملنا ريوك ولملمنا الغراض امي جانت لافه جدريه دولمه وي البنات بليل انطبخ من الصبح وطلع للمصيف. الكال عليه يودي جان المنضر ياخذ العقل امي من شافته دمعت عينها كالت سبحان الخالق تونسنا هواي بقينا للعصر بعدها رجعنا بدلنا ورحنا لبيت ضافر عازمنا عالعشا ياسر فتح الباب عيونه تضحك تلكونه امه وابوه واخوه واخته تماضر امه جتي ركض
وينها جنتي لعد يمه فدوه لعيونها فرحت كلش كعدو الاهل ضافر يباوعلي ويبتسم وياسر يتشاور وياه كعدت يم جنتهم الثانيه نسرين شون نسرين فد كلب طييب وهدوء وفطاريه كعدنا نسولف بعدها صبو الاكل تعشينا وكملنا ساعدناهم بالتلملم داشيل الماعون باوعني ياسر اخذه من ايدي يضحك همس لتشيلين اخاف عليج كلبي راح بكلمتين منه طبيت للمطبخ لملمت وياهم بعدها رحنا للصاله وبدت الاتفاقيات عالزواج رادو العقد بهل الاسبوعين بس المحكمه ببغداد لان نفس ونا بغداد وميصير بمحاكم الاقليم اتفقت امه وي امي كالت هنا تعقد سيد والبيت جبير ونسوي مهر بيننا كيفت امي وكالت شكو منها واتفقو انه بعد شهر الزواج من ينزل اياد لان راح يستقر ببغداد وكالت يستاجر بيت ويكعد بي اني بقيت بس اضحك وانصي ودره تكرص بيه تكلي ثكلي النوبه اخرب ضحك لليل ترخصنا وطلعنا خابر ياسر على اياد واحنا بالسياره كاله باجر نروح لسولاف اياد وافق رجعنا للشقه وبدت الاتفاقيات والحجي كالو الخميس تعقدون سيد وببغدا د مال محكمه بقيت متردده مالبس شي مرتب يعني اياد كال
اني اجيبلج منا هو شنو ينلبس يوم العقد
ام فاروق- فستان مستور ابيض لو بيجي
اياد- اي شكو بيها اخذي دره وياج واوديج. لشارع بيه هالشغلات ثاني يوم جتي تماضر اخته خطيه جايبين كل الغراض مجهزه من دهوك وريناد بقت بالساعتين بالغرفه وي البنات تنزع وتلبس مكيفه بيومين مطلعنا من البيت عكب باجر الخميس وكملنا تحضيرات المهر. اتفقنا نطلع لسولاف بس الشباب والنسوان يحضرون بالشغلات بيومها بليل شفت جيلان الجنت ملتهي عنها بس اشوفها من اتسوك واسالها تكول خالو بعد مجاي. من عينكاوه
اياد- طبيت اخذ كرزات لباجر الطريق لان ويانا زوج تماضر وضافر وياسر و رشيد وزياد وابويه وفاروق فد سياره حنروح لسولاف. صارت بوجهي جيلان دترتب ابتسمت
هلاو
هلو جيلان شو بعدج مرايحه
بعد خط اساور مجاي عليها وكفت كدامه
ممم اني الباجر طالع لسولاف وي اهلي باوعت بعينها
خوش تروح وتجي بسلامه
شكرا التفتت عالاسواق رجعت باوعتلها ممحتاجه شي مناك
ابتسمت اول مره واحد يسالني هالسوال نصيت راسي همست سلامتك
شبيج شو باعيني ابتسمت لخجلها الناعم
هممم رفعت راسي
ليش حمرت خدودج
اول مره واحد يسالني هالسوال بقيت اباوع بعينه
جريت نفس منا وهيج انتي من اهتماماتي ومسوولياتي خليت ايدي بجيبي طب زياد ورايه تقرب كال هاي امي تريد لحم مثرم مدري شدتسوي بي
روح لقسم اللحوم اشرتله براسي راح مشه كم خطوه اشرلي بالضحك شكد صاير خفيف يا الله
اخوك حباب واللخ يخوف
هههه اني محضوظ بيهم
بقيت اباوع بعينه حتى وان مريض بديت صدك احبه وراح اداري واخلي بعيني
شبيج هيج تباعين
اياد
هممم التفتت رجعت باوعتلها
شبيك من احجي وياك بس تتلفت
لا هيج جريت نفس خاف احد يشوفنا
مدانسوي شي
ميهم هزيت راسي
يله هاهي اترخص اجه الخط باي
باجر ماشوفج
لا متلحك
وعكبه
مااجي
الخميس مهر اختي
ها لعد 3ايام متشوفني
ميهم بس ديري بالج عروحك لتخلين احد ياذيج بقيت اباوع بقلق شون بله اخذها اخليها بنص اهلي
اوك باي طلعت واني متنرفزه ميهم كلشي عده ميهم نيال كلبك البارد رجعت للبيت لكيت خالي جاي لو ناطيني تلفونه جان خابرته بس منطاني ليش لان مومهتم -----
فاروق- كعدنا بليل اني وزياد واياد وياسر بكهوه من كهاوي دهوك سالفه منا وضحكه منا بلشنا موضوع الزواج اياد كال
اي حتى لو رجعتو اني اعقد عليها واخذها للشقه
ياسر- اكولك اياد تره البنيه شبعانه قهر مو تجي كلسا ذاب سم هاي حتحبك تتاذه منك اكثر من كرابتها وحرام يتيمه مالها غيرك
عود ماحاجيها
فاروق- انت سوي العليك لتخليها محتاجه شي سالفه حلوه ضحكه بقه يباوعلي من وره خشمه. واذا معجبك تحجي وياها يطبك مرض بعد
اياد- اني حاير بسالفه اني شغلي سفر وطبه وطلعه ونوبات تطول شهر و ياسر يدري شون حتركها
ياسر- انت بيوم التعرفروحك حتتركها شهر اخذها وياك
اياد- واجي اسخلها ويايه هاي شون حجي جريت نفس متذكر شايل هم ونفس الوكت اخاف عليها اتركها
زياد- هو انت من وحدك متكدر تتركها بعد غمزتله
اياد- باع هذا البطران
فاروق- لا يابه قابل هو ميت عالحب هو بس علمود يكسب اجر بيها باوعت لاياد صافن حاير يهز رجله متوتر
باوع لتضل حاير كلشي بوكته حلو
باوعتله الله كريم جريت نفس كمت اروح لاحمامات مال كهوه
فاروق- زباد انت لتضل تكوله تتقرب متتقرب رحمه لاهلك
ليش شكو مو رجال لو شو السالفه جنها صارت صدك واخويه صدك مريض
ياسر- باوع هو رايدها بس محاس عروحه وميريد يثبت هالشي لنفسه قافل انه ميتقرب من مره لان مرته قتلها من وره هالشي ها اهااا
فاروق- اهااا فهمتني باوع يابه من جان موضوع هاي الوياهم بالشغل نوعا ما صارت نفسه بيها مو بس راد يساعدها لان البنيه حلوه وعادي اي شاب حتى لو متزوج تعجبه قابل شنو المتزوج ميغلط بس شاف روحه بهالشي شصار مرته ماتت من الصدمه فهسه ميريد يثبت لروحه انه علمود هالشغله حب وتتقرب منها وهاي علمود بس يساعد ومجرد احد يكوله على هالشي يتخبل عوفه هي الايام تقربه اني واثق منهالشي
زياد- شون بله اذا البنيه عبالها ناقص شون
مالك دخل هي تصفه ومنا فد شهر شهرين اذا مصار شي افرها عليه انه حرام متتقرب منها ونشوف شيطلع بيدنا واذا مستفادينا شي بعد شنسويله نعوفه براحته المهم حاول والمهم طلعها من جوها الزباله حشه اليسمع
ززياد- جريت نفس ماشي الله يوفق الجميع اجه كافي
ياسر- يولد بس ردت اكولكم تره اني هالشهرين انقل شغلي ببغداد بمعمل تماضر وااجر بيت يم بيتكم لان خاف اسافر هاي ريناد اجيبها يمكم ابتسمت وره الزواج يعني
اياد- وتعوف اخوك
وين عايفه باوع يودي رشيد وياه وانت عالتشريفات والشد والتنصيب ممحتاج احد والعمال كومه زوج تماضر ميكدر يبقى وياها عيني موضف ووضيفته عاليه بس غير حتى ميخجل ابويه اخذ اجازه شهر بله راتب ووكف المعمل لازم اروح اني الزمه بعد
اياد- براحتك همست انعصر كلبي باوعتله شون حفاركك
ياسر- اولا انت مراح تبقى على طول بدهوك ثانيا احنا كل عطله يمك وثالثا انت مو وحدك بعد مرتك يمك
اياد- عكدت حاجبي لهل الكلمه لحد يكول مرتي فركت ايدي بوجهي
ياسر- شكول لعد
عدها اسم
ماشي جريت نفس هسه باجر بيش ساعه نطلع
فاروق- من السبعه الصبح هذا ابويه يكعد ويضل كلسا يدك الباب عليه
اياد- اي حتى نرجع من وكت
ياسر- باه اني شون حاخذ راحتي اخجل من عمي
اياد- ههههه تدري هالايام مداعرفك
اسكت حيطكلي عرك لا مكمز لا راكض لا مغني
فاروق- يله يولد خل نرجع اني دخت من النركيله ثكيله حيل مسويها ذوله كمنا ورجعنا للشقه وياسر بيت اخو
ريناد- اخوتي راحو لسولاف طلعه شبابيه واني بلشت تحضيرات المهر ممصدكه بالفستان والذهب الجابو خطيه ثكيل خلص اليوم واني بوره فرح مضل شي واصير مرتك خلص اليوم بتعب التحضيرات البسيطه امي كالت اعوضج بالحنه واسويها احسن حنه متدري اني الفرحه السايعني مو بالمعازيم بياسر اجوي الولد وراسن نامو تعبانين واني هم نمت حسيت ب3بليل اياد كاعد بالبلكون وحده ديدخن والسماعات باذنه شوكت تبرد نار كلبه مااعرف
اياد- من سمعت صوتها لحد هسه انام وافز من النوم اخلي السماعه باذني اسمعها صوت التعب قريب لصوت الهمس العاطفي جنت احسه ساعه هيج وساعه هيج مشتاقلها بتعب كلب مو شي سهل الفراك صباح الخميس اجتي اخت ياسر اخذت تماضر لصالون بدهوك اسمع ياسر يحجي وي تماضر بالتلفون من جانت ببيتنا
لتلطيخيلها هواي شي بسيط وماريد تسريحه اريد اشوف شعرها لتحوليها باوعتلي عرفت سمعته ضحكت واني هم ضحكت ياسر حبها لريناد ومتاكد حيسعدها بس ممتاكد حيعوف مكسراته الله يهدي راحت ريناد وامي والبنات راحو يم نسرين وام ياسر واحنا بدينا نحضر الملابس والزيان وحرنا بحلاق بيه خير بدهوك وفعلا لكينا وزيننا اربعتنا ساعدنا ياسر بقلاقيل المهر جان طاير وميدري شيجيب وشيوصي وفاروق وراه ياسر على كيفك هو كم نفر بيننا ماكو هواي عالم بس جان ميريد يقصر بشي رجعنا من الهوسه للشقه جانت فارغه بدلنا وطلعنا لبيت ضافر الحلو ياسر ويانا هو وضافر لان هناك كلها نسوان طبينا لبيت ضافر وبده العقد من طبيت شفت ريناد بتاج بسيط وشعر نازل مسشور ومكياج كلش نازك والفستان الاوف وابت دمعت عيني ذاك اليوم جنه نلعب بالطرمه شوكت كبرت بستها من راسها مبروك حبيبتي نصت راسها فاروق باركلها وزيد شوي وطب ياسر وامه هلهلت منصي وبس يضحك ووجه حيطك صار احمر من الخجل وغنوه على هلهوله لبسها الذهب يرجف جف ايده المطي
ياسر- اني بحلم مو بحلم ريناد عقدت عليها ممصدك اخاف اباوع بعينها وافضح روحي اخوتها واكفين على راسي ابوها وابويه وضافر ورجل تماضر شعرها اللي ايدي تلامسه بله قصد اثناء تلبيش الذهب اذنها الصغيره ونبض ركبتها الدافيه التقت عيوننا واخيرا لتدمع عينك ياسر والله فشله من البنيه بلعت ريك همست مبروك نصت راسها بخجل لبسنا الحلقات وكعدنا الحمد لله كعدنا مبقه بيه حيل للوكفه امي كالت يمه خل ياخذون راحتهم اباوع لاياد معترض مداصدك والله مداصدك اشرت لامي اجتي تماضر
شبيك
اريد اخذها واطلع
تلحك
تماااضر خلي امي تكول لامها تره اسويها موخوش حجيت من بين سنوني الارتباك واللهفه وعيون الترقب تعبتني
عيني ام فاروق خل تلبس وياخذها ويكعدون بمطعم الولد محاجي وياها خل يحاجيها خاف خرسه ترتل واشتغل الضحك واني صرت اعصاب خزرت تماضر اشرت كالت كومي ريناد حبيبي بدلي وكفت بطولها الحلو يمه يااكلبي هاي شون حنجمع اني وياها فد غرفه شوي وطلعت ريناد وتماضر تقربت شاورت اياد اياد اندار عليه كال بعكده حاجب
وين تريد تروح
باوعتله انت شعليك رفعت حاجبي وكفت عدلت قاطي يله يابه نترخص مااعرف منين جتي الجراه يمكن من موقف قبل من انرفضت يله امشي همست
فاروق- ياسر. ارجع من وكت يابه
اي اي ليضل بالك فاروق- باوعت لاياد هو ماخذ روحي ويكول ليضل بالك
اياد- ابتسمت الله يهنيهم اعرف شكد يحبها وادري حيسوي المستحيل علمودها
ياسر- فكيتلها باب الصدر صعدت للسياره ورحت لباب السايق صعدت اضحك كعدت بصفها طلعت بالسياره اول مره احس الصمت يحجي باوعتلها مبتسم شفتها منصيه جريت نفس براحه
الحمد لله ربي اني مااستاهل هيج وحده والله كلتها بداخلي طبينا مطعم على شلال اصطناعي مرتب وبي مثل الاشجار واماكن حلوه واضويه خافته همست نكعد هنا باوعتلها اخير باوعتلي
كيفك نصيتراسي مبتسمه
نزلت من السياره فتحت الباب نزلت سديت الباب مشيت وتمشي ويايه اباوعلها وتنصي مبتسمه اني شون بخجلنا بله كعدنا اكلنا موطه لان شباعه من عشه المهر والكيك الحجي منعرف منين نبدي بيه همست عجبج الذهب
هزيت راسي اي
يخبل عليج يضوي وي لون جسمج
نصيت راسي مبتسمه
كملنا وكمنا نتمشي شفت مكان ضواياته خافته كلش ولاحضت هدوء المطعم كلش قليل متواجدين بي كعدنا على مصطبه من الجذع مال شجر باوعيني همست
همم باوعت بعينه ابتسم
يعنيزهسه انتي مالتي
نصيت راسي هزيت راسي اي مبتسمه واني مال من
بس مالتي همست
استغفر اللله شون بكلبي اني وكفت جريتها نتمشى الكعده تاذيني والمشيه تاذيني اريد احطها بنص كلبي وكفت تباوع على شجره ها شبيج
تلمستها ورقها كلش حلو اول مره اشوف ورق احمر
هنا بدهوك امو هواي منها خليت ايدي بجيبي التفتت كل احد ماكويمنا تقربت رجعت ليوره ارتجت بالشجره همست حباب ياسر
باوعت بعينها جريت نفس الله يخليج بس شويه اتقرب مداصدك والله
سكتت غمضت عيني تقرب مني باسني من كصتي دفو شفافه وخشونه شاربه سيطرت على كل حواسي كمت ارجف لزمني من زندي بايد الاثنين باوعلي جفنه يرتعش
ماريد نفترك صوتي راح. احم لتعوفيني ابد
هزيت راسي مستحيل همست
اويلي يابه تقربت اكثر اني اللي يوميه وي مره هاي هدتني حسيتها ريشه واخاف تطير حاولت ابوسها نفسها المخربط وي دكه كلبي مكدرت ذبلت كلي سندت راسي على راسها كصتي على كصتها نفسنا واحد والله احس اكتفيت من كل جنس حواء فتحت عبني شفتها مغمضه فكت عينها برقه اباوع لشفافها ياربي شويه قوه عيب منها شتكول مو كدها بلعت ريك بلعت ويايه
ريناد
نعم همست
خلي ايدج على ركبتي فكيت اول دكمه من قميصي ترجف ايدي صعدت ايدها غمضت عيني مجرد شعري ححس بلمسه ودفو ايدها عليه خلت ايدها الاثنين على ركبتي شهكت شكو احساس حلو حسيته دفو ونبض ايدها وي نبض وريد ركبتي سوه فكيت عيني شفتها فاتحه عينها عالنص ذبلانه تلمست بطرف اذني غمضت عيني وبعدها كصتي على كصتها همست ريناد مداصدك هي ويايه ياما وياما من اشرب اتخيل غيرها هي مجرد همهمتها وجوابها يتكدلي وجود الاحبها واني بين ايدها سمعنا صوت ولد بعيدين يحجون كردي فزينا ابتعدت كعدت عالمصطبه بقت واكفه مرتبكه همست تعاي كعدي احمم كعدت يمي باوعتلها ابتسمت
هاي شسويتي بيه
نصيت راسي ابتسم عبالك دااحلم
لعد اني شكول اويلي على كلبي جريت نفس بديت احجي من اول مره شفتج طبيتي كلبي ومن ثاني مره من جنتي متيهه اهلج تخبلت عليج بالجامعه تعرفين السافه ورباطها وشصار بيه علمودج
اعرف حتى اياد ساعدته
قاطعتها لااااااا كلشي ولا اياد اياد لان صاحبي وكفت وياه اني ماانكر العشره مو ناقص اني ريناد بعدج متعرفيني
باوعتله ابتسمت بقيت اباوعله شكد بي مكسرات بس مشفت بغيرته
لتضلين تباوعين تره حيلي ينهد جريت حسره تلفتت المكان صار بي ناس لازم اغير موضوع ريناد اني استقراري ببغداد مااعرف كلولج او لا
اي كال فاروق
خوش بس ترجعود شهر واجي زياد كال لاكي بيت بفرعكم
مو بفرعنا بفرع الورانا
اي بيت صغير توه العماله طالعه منه
اي اعرفه بيت صديقتي
ههه خوش هاي لعد على فاروق ومن اجي اخذج نجهزه والغرفه بلشنا وصينا والدي وصه واني ادزلج الموديل جريت نفس شون تحبيها
كيفك المهم غرفه
متحبين شي منيز
لا باوعتله انت التميزها
ضربت اي ي بكصتي هاي موخوش حجي تره اني هيج اوكع
هههه
زين هاي شغله والشغله الثانيه تره الشغل ينترك
شنو لاحباب مو انت حتجي للمعمل
حتى لو مااتحمل احد يباوعلج بنضره راح اكضيها عركات واني احب ارجع الكاج متحضرتلي شفتها ضاجت هسه بعد الله كريم لتضوجين تقربت لمست خدها بيدي ابتسمت ونصت جريت نفس طيني رقمج طلعت تلفوني واخذت تلفونها خليت رقمي
اليوم تحاجيني
اي همست
تره اني مخبل مال غيره وحتصير مشاكل هواي اخوتج مااتحبل يتقربون منج يبوسوج
باوعتله ونصيت هزيت راسي
ريناد تحبيني همست
بقيت ساكته منصيه طول السكوت كال
زين ماشي جريت نفس يله نكوم اخوج دك
اوك وكفت التفت عليه مبتسم
ممصدك ومحمد صعدنا بالسياره شغلت اغاني لا على التعيين طلعت نيالي حبيبي جنبي نيالي باوعتلها راسن والله ممحضرها هي طلعت
هههههه
مديت ايدي فتحتها يعني طيني ايدج ترددت بعدها خلتها بيدي نعومه ودفو احساس تملك شبكت اي ي بيدها ضايعه بيدي اباوع بعينها واسوق وصلتها للشقه ورجعت لبيت ضافر اول مطبيت دكيتلها ردت الو
الللللللللللله هذا جان حلمي اخابرج وتردين بالو فرحانه
هههه
اشتاقيت تره
بقيت ساكته
باجر يردون يرحون لكلي زنطه الجماعه
اي كالت امي
باجر راح اشبع منج
انشاء الله
اوف يابه احبج همست اول مره اكولها الها كلتها بتعب وراحه
بقيت ساكته دمعت عيني طلع اياد من الحمام باوعلي ودار وجهه ياسر
عيونه
اني حروح
ليش ليش
مو اياد حينام
اوهووووو
خطيه راح للبلكون حتى اخذ راحتي
هو طول عمره مكابل الشلال
لا عفيه تعبان
ديله روحي تصبحين على خير
لتزعل باجر اشوفك
ههه لا ماازعل منج الله وياج سديته اباوع عالمكالمه سبع دقايق احجي وياها يا الللللله بست الجهاز طب ضافر
بله هذا الخبل مال زواج
اطلع بره خليني بمودي
يتبع
