#جيلان
الجزء34والاخير
متابعه ممتعه
وتذكروني بخير
بغداد----
دلال- حبيبي انت وين صرت مو روحي طكت
اي يابه جاي ساعه واني بالبيت كتلج اتاخر
اي صح يله مو ضجت
روحي يم انوسه ودره
استحي فاروق يمها يله حنتضرك واذا لكيتني نايمه كعدني
اوك
ريناد- وصلت لشهر السابع بطني كبرت والتعب بده يزيد عليه ياسر حتى مواعين كام يغسل ويايه يخاف عليه من التعب واني مااقبل ويصير عصبي. بين يوم ويوم اروح يم امي وارجع بليل ويا وياسر يجي ويايه يكعد وي فاروق وزيد نوبات علاقتنا قوت وياسر واثقه بي بقت بس صلاته لو يصلي ولو اعرف بنيته الطيبه بس تبقه الصلاه عمود الدين حاولت اقنعه. كم مره ميقتنع ويضوج الح عليه تركته براحته جان يخاف بس اصيح اخ يفز احبه واحب اهتمامه مينسه لاعيد ميلاد لاتاريخ اول لقاء واول موعد حياتي وياه اروح حياه دائما اكوله اني محضوضه بيك ويرد عليه اني المحضوظ بيج انتي دعوه امي
مرت الايام بسرعه انوسه كبرت وزينت بيت ابويه كمت اشتاقلها كلش ومااكدر اذا ماشوفها يوميه اتخبل اخذت سونر طلع ولد مكتله لياسر مفاجاه ومحضره اسمه عمار حتى يصير عمار ابن ياسر ايام دتمر وحملي ديثكل وانتضر ابني يوم يوم وياسر يراقب بقلق ولهفه حبه ديزيد كل يوم اكثر من القبله دلاله واهتمامه كلما زدت اهتمامي زاد جان يطلب مني شغلات اسويها بس اني اخجل مااكدر ولا عدي الجراه واحسه يكيف من امتنع ويرجع يكررها عشقي الخجول وصلت بشهر التاسع دلول لحد هسه مشالت خايفه اني عليها وهي ممهتمه مبتهيه وي نوسه ----
دلال- بيوم من الايام اجه زياد من الشغل دخل للغرفه واني مكيفه بي ذب هدومه وفات للحمام دااعلك بدلته العسكريه تلمست شي بجيبه مثل الورقه طلعتها على كيف التفتت على باب الحمام خاف يشوفني عيب ادور بجيوبه مو صغيره اني فتحت الورقه مكتوب
زياد اذا تريد حياتك عوف القضيه انت مو كدنا وعدنا روس اكبر منك جوه ايدنا ونلغيك من الكوكب بثانيه صفنت فكيت عيني نشف دمي بلعت ريكي خايفه طلع من الحمام كال
ها شبيج
باوعتله زيد هاي شنوو
شنو ها اخذتها من ايدها عقجتها وشمرتها
زيد انت دتسوي
بابا جذب حجي
صحت بعلو حسي زيييد هذا تهديد.
شششش صوتج صميت حلكها دلال ماكو شي
دمعت عيني بعصبيه ياماكو شي بعدت ايده بقوه ياماكو شي من يجيبوك ملفوف بالعلم. عود ترتاح
اشش خليت اصبعي على حلكي صوتجحج
مااسكت عوف القضيه
لا والله واني اسمع من النسوان
زيد لخاطري بجيت
دلال شغلي متدخلين بي
هاي حياتك مو شغلك حبيبي فدوه لعينك
دلال سدي الموضوع
الله يخليك لخاطري
لتلحيييييييين اهووووو صايره مينكعد وياج طلعت بره وركعت الباب
كعدت بالكع ابجي يربي دخيلك ركضت عالزبل رجعت فتحتها قريتها كلمه كلمه والله تهديد مو غشيمه والقران تهديد رجع طب للغرفه صاح تعاي صبي امي نايمه
زياد الله يخليك احجي وابجي الله يخليك بس اسمعني
لج شبيج اهوووو اللهم طولج ياروح
لخاطري لخاطري اني بس هالقصيه اتركها حبيبي فدوه لعينك
دلال لتتتدخلين هالموضوع اذا رجع انفتح اشك حلكج
والقران الكريم جريت حجابي لفيته شون مجان هسه اصعد لفاروق يسويلي جاره انت نديفيد الحجي راح اخسرك وانت مجلب
تعاااااااي صحت جريتها من حجابها انجر شعرها وياه طببتها للغرفه وسديت الباب رجعت تريد تطلع وتصيح فاروق رجعت جريتها وقفلت الباب فقدت وكمت اضرب بيها
داكولج اسكتي بت ال-- بس بس
فاروق- سمعت صيحه داال فزيت جنت توني دااغفه نزلت ركض هاي شكوو يوم سمعت صياح بغرفه دلال وزيد دكيت الباب ركض كلبي وكف يربي واحد يصفى ونرتاح منه ينفتك اللخ لك زيييد صرت اعصاب تخبلت صوت ونت دلال والااااخ مالتها شك اذني لك افتح الباب صحت بعلو صوتي ززززيددد زياااد نعال دفرت الباب برجلي كم دفره فتحها زياد طلع صاير اعصاب ومي غادي صاح شبييييك
وخر البنيه ليش ضربتها
معليك انت مالك دخللل روح لمرتك
شون مالي دخل شوي خل اشوفها شويه دفعته رجع دفعني بقوه عالحايط استغل عدم وجود ابويه حصرني بالحايط يصيح متتدخل
لك اني اخوك الجبير شون ماادخل زياد شبيك تخبلت
واذا مو اخويه اني ومرتي محححد يتدخل من سكطت دره احد تدخل
بقيت صافن عليه هاي المن خانك لك وخر ايدك عطت بي دفرته رجع برده فعل صافن بغضب شبيها مرتك ليش ضربتها
معليك نترت معليك انتتت طلعت دره مدمايه خشمها وحلكها بيدها الورقه تبجي صاحت شوف اخوك باووع
لج انتي شنوووو جريتها من شعرها وشمرتها لغرفتها وقفلت الباب عليها ضلت تصيح وتدك بالباب تكول لتطلع الله يخليك زياد والله يكتلوك انهارت بقيت صافن فاروق يباوع عالورقه ويباوعلي بلع ريك
فاروق- زياد همست زياد هذا تهديد الله يخليك والله كلبنا خلص
محد يتدخل بشغلي
بس خل افهمك
ماريد افهم
زياد البلد خربانه تره مو مال تتقارش وي هيج ناس عوف القضيه بيك او بدونك حيكملون الديسوو تره احنا بغابه
اذا اني افكر هيج وانت تفكر هيج خربت
ولك هيه خربانه احاجي همس وهو يصيح امي مو بالبيت همزين ولا بويه تقربت بس خل افهمك باوعني
باوعت بعينه جريت نفس
ادري بيك سبع ومتقبل عالغلط بس ياخويه والله احنا بغابه بس توكف بطريهم داسوك وكملو مسيرتهم التكدر عليه سوي عوف القضيه
ماعوفها عفته اطلع للطرمه جرني من كلو التراك سود وفرني افتر جسمي وضربني راشدي ولك انت التخالف كلمتي فقدت بحركته جريت زيكه رفعته انت شسايف روحك فاروق اني مو ذاك الصغير تره كبرت مو اني الانضرب اصيح واحجي اليمد ايده عليه اكسره
