على قيد الموت الجزء الثاني

الاخير

دتسوي اني اخوك همست بلعت ريك اني فاروق اخوك الجبير دمعت عيني خايف عليه ومن تصرفه لا اخسره يجوز اذا طلع ماشوفه بعد خليت ايدي على زنده هدني جريت نفس صعدت فوك دره واكفه بنهايه الدرج تبجي عفتها وصعدت كعدت عالجربايه راسي خليته بايدي خايف عليه ومتاذي من تصرفه طبت دره خلت ايدها على كتفي باوعتلها. حبيبي حضري هدومج
ها
ماابقى هنا خل انروح بيت اهلج كم يوم مدااكدر اختنكت
شنو وين نروح طبت امي عليه باوعتلي يمه شبي زياد شبيها دلال على بختك تره حتخبل
ابتسمت ماكو شي امي حروح كم يوم بيت عمي نغير حو
ولك فاروق تعاركت وي اخوك
يمه ماكو شي
لا يمه جنت عند الجيران اضرب ابره ولهناك وصل صياحكم يمه على بختكم والله مابيه حيل
بستها من راسها يمه ادعيله فدوه لصلاتج رحت
يمه شعده احجيلي
روحي اسالي مااعرف اني يله دره تحضري
اي لميت هدومي وابجي الموقف هزني اعرف فاروق شكد اخوته يحترموه ويهابوه صعبه من ينهان كدامي وصعبه من اخو الصغير يتجاوز عليه من غير دلال الخايفه عليها كملنا لم هدوم وطلعنا زياد جان كاعد بالهول فتنا من يمه وطلعنا التفت عليه فاروق
ا باوعله زياد نصه راسه يهز برجله طلعنا ورحت لاهلي طب فاروق كبل نام اخاف اقترب منه بس انوسه تونسه من تضحكله وتناغيه ينسى شوي بس كلسا يصفن بتعب والتدخين حرك روحه بيه حرك ميريد ينطي باخو وميكدر يسكت
حبيبي روح زور الكاضم
جريت نفس والله مابيه حيل
والله شوف شون ترتاح
ماشي طلعيلي هدوم وكفت بتعب كلبي مقبوض اني اخويه يضربني اني هيج يعاملني ويقلل من احترامه. الي خايف على زياد والله اخاف من دكه التلفون من يدك تعبت اعصابي
زياد- بطلعه فاروق من البيت امي كضتها بالطرمه تبجي متقبل تفوت بالبيت توسلت بيها يوم طبي
ماريد اختنك عوفني وخر عني ماريد اشوف وجهك
يوم رحمه لا الله حيصير بيج شي
كون يصير بيه واموت ولا اشوفكم بيوم تتفرقون وتتعاركون
مامو شي يمه
وخر متحترم اخوك حرام عليه احاجيك وتحرم عليه بعد كلامي وياك
بقيت صافن رحت للغرفه دلال تبجي فكيت القفل وطبيت كاعده بالغرفه طبيت تمددت وغطت وجهه متريد تشوفني طلعت اخويه تحفر بكلبي غلطت اعرف ومااعرف شون اتصرف ساعه السوده اللي خليتها بجيبي
دلال دلال كومي اكلي مترد عليه بس تبجي وكفت طلعت بره يم امي تركتهم وتمددت اليوم عطله وباجر هم عكب دوامي
دلال- طلعت يم خالتي احاجيها تبجي متعرف ليش تعاركو والله لو تدري تطب لزياد تملخه شون اكولها قبل ليفوت الاوان تعبت من التفكير والخوف العشت بي تذكرت صار عشر ايام فايتتني لبست وطلعت للصيدليه جبت اختبار منزلي اخذت ورجعت للبيت مالي نفس بشي فكرت اتطلك ولا اترمل اذا عاند عسى ولعل يقتنع طبيت للحمام باوعلي ماديرله بال جرحني واذاني بضربه رغم اني عاندت وكسرت حجايته بس ماعدي حل ولو اعرف امول حتى لامه يباوعلي وينصي راسه طبيت للحمام سويت الاختبار انصدمت اني حامل شكد جنت انتضر شكد شلت هم وخفت اكثر بقيت ابجي طولت بالحمام مااعرف شسوي واعرف ميقتنع لو احير شحجي
زياد- تاخرت بالحمام دكيت الباب ضل باليصحت دلال دلال
فكيت الباب غسلت الاختبار وطلعت
هاك وراح ارجع بيت خالي واخذ راحتك بس تطلكني قبلها اكون مطلكه ولا ارمله وخلي ببالك. اذا اجه بنتك او ابنك ثق بالله ثق بالله اكوله ابوك تركنا وراح ابوك ميريدنا وتركنا راح اخلي يكرهك عفته وطلعت صاح دلال تعاي انداريت عليه هله راسه بيده وكف كدامي دمعت عينه
صدك خامل
باوعتله بغضب مرديت درت وجهي
تقربت منها حضنتها كامت تشهك بحضني بستها من راسها كافي عمري بس بس حبيبي اني اسف جريت نفس اسف والله العضيم فقدت
مداابجي لان ضربتني اني خايفه افقدك زياد اني فقدت امي وابويه وحسين اخويه سافر بعد مرجع اخاف افقدك. الله يخليك الله يخخليك عوف السالفه احنا عايشين وي وحوش
جريت نفس هاهي عمري والله حتركها القضيه اوووف صح كلامكم اني مفكرت بعواقبها واستسهلتها
صدك زياد صدك خاف تكذب عليه وترجع تكملها
اي واخليج تكولين لابني هيج باوعت بعينها واج حصير اب اريد اعيش
ههه اي اني حامل من وراك حتى محسيت بالفرحه حضنني باسني من راسي روح لامك صالحها حرام والله
يووم لج يوم اصيحها بعدها مخليه الكرسي بالحديقه وصافنه كعدت قرفصت كدامها يمه حبيبه
امشي لك ولي
هاي شنو يوم زلم تدكلي تحيه وانت تدفريني برجلج ههه
امشي روح ماريد اشوف وجهك بس خل يجي ابوك اني الك
لا يمه بالخوه هههه
روح لاخوك صالحه روووح مراضيه عنك
وكفت جريت نفس عوفي اليوم باجر اروحله عفتها وطبيت طبت ورايه امي روحي تلوب شون خليته يطلع شون جريته من زيكه شون طبيت للغرفه اختنكت دك اياد
الو هلو اياد
ها زياد شونك
الحمد لله
اكولك فاروق يمك
ها لا مو يمي
شنو وينه دادك عليه ميرد
والله مااعرف ليش دتدك
هيج شغله اوراق ومعاملات انت وين هسه
بالبيت جريت نفس
لعد وين فاروق ساعه 10زياد شكوووو
مامو شي شبيك ههه ماكو شي بس يمكن فوك
دصعد حبيبي تره كلبي انقبض دك الباب وصير سبع وكوله اياد يريدك بالتلفون زين يله
تنهدت مااكدر نايمين
لك بابا انت شبيك اوهوو طيني امي
نايمه ضليت ساكت مااعرف شكوله
زيد اهلي وين اكو شي راح اقسم تره
لا ماكو شي والله
زيد بالقران بالقران اخذ سيارتي واجيكم هسه واللي يصير بيه بركبتك
تنهدت شويه تلاغيت وي فاروق
شنو شون يعني احجي عااد شلعت كلبي
جريت نفس خليت ايدي فركت عيني تعاركت وياه تلازمنا
هاااه صدك جذب وي فاروق
اي لعد وي ابويه
والله لو وي ابويه ارحم ليش ولك جتي جيلان يمي عكدت حاجبه جريتها جوه كتفي
تعاركت وي مرتي وتدخل وتعاركنا
دنجب زيد فاروق ميتدخل الا اذا السالفه جبيره
اي جبيره دزولي تهديد
لا يا الله زيد اني جايكم لخاطر الكعبه لتطلع من البيت
لا لك هههه والله خابرت القسم عفت القضيه
روح زيد راح احجز طيران روح فدوه حتى لو مراح يبرد كلبي
كيفك جريت نفس بس واله اياد متسوه ذبلي تهديد وفاروق تعارك ويايه تلازمنا وراح لبيت مرته واني خابرت القسم طشيتها انه تركت القضيه وخلص
بقيت ساكت ايدي على حلكي زيد خاف ياذوك
يابه عفته لتكفروني
ادري بيك من تعرت بسالفه تكذب علينا
ولك حصير اب ماريد ايتم ابني
لالا صدك عالخيييير يله حيصيرون اصدقاء جهالنا ويتعاركون على بت فاروق
ههه جريت نفس اياد متدمر اني مااعرف شون سويت هيج بفاروق
والله مادري شكولك روح صالحه ورجعه يمعود
حروحله باجر للشغل تنهدت
اني باجر اجيكم اني هم محتصر وهاي خابصتني تريد يمكم من غير اياد جاايييي كومه شغل ومديلحك وحده وهنا صار عدنا فرق هواي ضافر مديطلعني هواي بس نوزيع واشراف شكلي حرجع اقدم عالوضيفه بلكن يرجعوني
ديله شوكت تجي
والله حبيبي على هالحوادث باجر الضهر اني يمكم هسه ححجز
يله غداك يمنا باجر عازمكم
ههيهي يله لعد
في امان الله توصل بالسلامه
اشوفك بخير خويه فدوه دير بالك تره مالي كلب فراك بعد
لالا ليضل بالك
مع السلامه
باي سديته تنهدت باوعت لدلول حتجيج التركمانيه
احلى خبر تقرب مني بعدوء خو مزعلانه مني
نصيت راسي كلشي ماريد بس لتعوفني
الله اذا رادني شلون
زيااااد
يللله سكتنا بستها من راسها حبيبي تخاف عليه اووي
ابتسمت درت وجهي
اخرب عالتخجل
شنو شنو منو التخجل تخجل والله يا الله
العفو استاذي طيني بوسه
ماه
حبابه
مممماه وخر دفعته
هاي شنو وجهج شبي بايستج بكايه هيج وام
لا خزرته ضربني حايط ضربته على كتفه
اخخخ هههه دلال يعني هنا امو نونو لزمت بطنها بس شكله مجعوص شو مصفوكه بطنج
بعده يابه بعده حبايه
رفعت تك حاجب شوكت يتحرك
حيييل هههه بعد اربع شهور
خليت ايدي جوه راسي تمددت ميندري بعد اربع شهور عايشين ميتين يجوز يكتلوني
خرب كمتله بالمخده اضرب بي طلعت القهر هو يضحك لحد ماتعبت جرني وحضني سكتنا واحد عينه بعين اللخ مبتسمين همس احبج
اموت عليك بس لتعوفني
لا راح اكابلج واكعد واغسل مواعين وياج
ههه حضنته بيومها نام ممرتاح ملسا احس اشوفه يم الشباك كاعد يدخن ادري شكد صعبه وكفته وعركته وي اخو ادري احترامهم شنو من الشي اللي فاروق متحمل يبقى بالبيت بعد صبح الصبح ب5كال حطلع وكفت بوجه وين رايح عليك القران
هاي شبيج والله حروح لفاروق بالشغل
الله عليك
والله العضيم وداعتج وداعت اللي ببطنج لتتوقعين افرط بحياتي حجايه فاروق صح احنا بغابه يكتلوني بسهوله ويكملون لصالح عملهم اني حروح لفاروق اصالحه مدااكدر بعد
روح حبيبي الله يهديكم وكفت بباب الطرمه شلت القران هو طويل اطول مني بهواي وكفت على كرسي فوتته من جوه القران وطلع دخيلك ربي حفضه الي ييارب التفت عليه اخر مره ابتسم وراح. ياراد يوسف الي يعقوب ردلي حبيبي دخيلك ربي ساعه واتصلت بي كال واكف بالازدحام حبيبي لتخافين ماكو شي
فاروق- طلعت ب5لشغلي بس الليل منايمه وصلت للخان طكيت القفاله داريد ارفع الكبنك مدينرفع ديشكل اوهوو كوه اعرت بي ماكو رفعت راسي اباوع الساعه يجون العمال ويايه واحد يفكه حتى ---صوت ورايه ها محتاج مساعده هالصوت اعرفه كلش زين الشارع مال خان فارغ بس اني وابو الجاي مفتحين بعد وكت اخاف التفت وتخوني عيوني التفتت شفته واكف بهيبته وطوله نصيت راسي تقدم باتجاهي نزل عالكبنك نصيت وياه رفعنا فد ايد درت وجههي ورجعت باوعتله بعتب تعبان منه ومن الصار
اعتذر دمعت عيني فاروق شماكول متبرد نار كلبي تقربت حضنته جان هاديء وساكت بس مخنوك
فاروق- البارحه احم البارحه رحت للكاضم دعيتلك
زياد- ابتسمت بعدني حاضنه ومحاضني منزل ايده شدعيتلي
دعيت الله يحفضكم وماشوف بيكم مكروه بجيت جريت حضنته قوي اريد الزم روحي مااكدر كمت اشهك حسيت بي يشهك ويايه
لك انت اقرب النا من ابويه انت الربيتنا
زياد الله يخليك والله من البارحه لليوم متت اخاف ارد عالتلفونات واسمع شي الله يخليك عوفها ابتعد ودموعي كمت ماسيطر عليها عفتها والله العضيم عفتها
احلف بداعه امي
وداعه امي وابني ههه دلال حامل
رجعت حضنته مبروك خويه الحمد لله ربي الحمد لله باوعت بعينه كتلهم بالقسم
طشيتها لكل جماعتي
اسف ادري مو مبادئك بس تدري مو دائما الخير ينتصر ونوبات لازم قدره الهيه اكبر مني ومنك تحل المسائل الي مثل هاي وربك مايطك بحجار
صح كلامك دك تلفوني هذا يودي باوعتله راح يجي البارحه حجيتله كام يقسسم
ههه خلي يجي عدي موضوع وياكم اني بعد تعبت من بعده خل نرجع فد بيت
الله يسهل ها اياد اني يم فاروق لا بشرفك شبسع يازين دتعال اني بالخان اي ماشي
ها
حيجي ديله تعال فوت نشرب جاي ابو احمد جايين فدوه لعينك---صارر
طبينا نسولف بالصار حجيتله عالقضيه كلها وكتله صالحت دلال وشون عرفت بحملها وامي شسوت بهالاثناء سمعنا صوت ---
يابه الله يساعدهم
لك هللله يودي
فاروق- ايودي الذهب والله الخان مشتاقلك
الله يسلمك ولك هاي بعدك عايش مكتلوك جريته حضنته نضحك وكعدنا شربنا جاي لخ سالفه وضحكه اخر شي فاروق كال
يولد رايدكم بسالفه
اي كول
باعو البيت اياد مو كافي بعد وغربه
اسكت هاي معرسه تريد تبقى هنا تكول بس يمكم عشت حياتي
جيلا؟
اي
والله اصيله هالبنيه
تنهدت الحمد لله
المهم انت تصفي امورك وترجع كاافي بعد
اي الله كريم
زياد- شنو موضوعك
فاروق- البارحه عمي اقترح عليه نقسم البيت 3اقسام سويتات نسوي شقق
اي
الحديقه نبني بيها مشتمل والبيت فوك يصير شقتين وتبقه الجوه لاهلي لان كبرو يردون راحه واحنا وزعطنا
اي صح كال اياد
واسمنا نبقه مجموعين ناس بصف ناس اكلنا نوبات سوه باليل ننجمع بالطرمه ثلاثتنا شو تسواننا متفاهمات الحمد لله رغم نوبات تصير مشاكل بس عادي بكل بيت هاي فنخليلهم كلمن حياتها الخاصه ببيتها وكلمن ببيته مرتاح وجوه عين امكم وابوكم
زياد- بس البيت مو بس النا
فاروق- حبيبي نكمل بناء وحصه ريناد وسهاد ننطيها فلوس اني عدي كاع وانت عدك كاع ويودي هم اذا هاي نبيع كيعاننا وننطيهم حصتهم شتكولون
اياد- طيني مجال افكر اني عدي فلوس جوه ايدي
فاروق- اني راح ابيع الكع وابني بنص سعر فلوسها بالخديقه بينما انت تردون خبر البيت جوه ميرادله شي بس تقسيم بسيط
زياد- اني موافق عجبتني الفكره
اياد- هاهي بلشو بينما اصفي اموري هناك باوعت لفاروق اريد ارجع للوضيفه وافتح محل مال صبغ وتصميم جدران عاجبني
فاروق- شكو منها ترجع من الوضيفه ترتاح ساعه ساعتين وتطلع تفتح ومن يطلبون صبغ اطلع انت تحب الصبغ
اياد- اي كلش احبه
هسه هاهي كال فاروق
توكلو على الله كال اياد
كومو خل نرجع للبيت امي هسه ضل بالها والصناع جوي التفتت عليهم يولد ديرو بالكم عالخان طلعنا ورحنا للبيت جانو كاعدين كلهم بالخديقه وي ابويه حبل مسطرات وامي تاخذ فنجان تكذب عليهم وانوسه تروح وتجي يم جدها تلغي شوي وطبت ريناد كعدت بصفهم كملت السبحه
فتحنا الموضوع وياهم
اياد- جيلان اكثر وحده كيفت امي كاعده يمها تتلمس بطنها وتبتسم ممصدكه بينا وافقو بالاجماع ووالدي كلش حب الفكره لان بفد بيت باعتبار اياد رجع وره يومين لدهوك كمل شغلاته وره شهر اتصلت بي
حبيبي طلع قبولك بس بغير دائره بنفس مجال دراستك بس اكلو منني عشر اوراق وسنين الخدمه مدونه يعني نفس الراتب
خوش واسطه عدك
اني وزياد والله لو مازياد
الحمد لله اني هم كملت كلشي بس بقه عدي واحد يطلبني دين اريد اوفي اله وارجع سبوع اليجي
ننتضرك اني كملت الهيكل وريناد متجي تشوفها ولك عمار يخبل
ميخالف ابو نوسه اجي واشوفه واشبع لعب وياه بس خل اوفي هالدين اللي بركبتي
ديله محتاج شي يابه
لا سلملي عالكل
وصل الله وياك
سديته منه انداريت جيلان دتحضر فرحانه ها حبيبي جاهزه
اي ههههه
الطياره تره ب9
اي كملت ههه بس شون حتكون رده فعله
تشوفي وتشوفين
اي هههه تقربت حضنته احبك
باوعت لعينها اموت عليج اني بدلنا وطلعنا
منطقه شرناق الحدود التركيه العراقيه وصلنا الضهر لمكان تواجد الان عم جيلان نفس مناطق عقره بس اجمل. حسب مادلانا صديق الان التعرفه جيلان هنا ساكن سالنا عليه كالو عايش بمزرعه ذكرونا اسم مراح نذكره بالقصه تمشينا بمسافه قليله بالسياره وجيلان صافنه عالجبال باوعتلي هيج جانت عقره?
ابتسمت اوديج فد يوم