أحببتك في الظلام

Part 10

راكان : انت المدير هنا؟

المدير وهو لاف وجهه على طلال : اوهه نعم انني المدير

راكان استغرب منه وجلس يناظره ويناظر طلال اللي كان مفهي يشوف المكان ..

راكان : هل ندخل لنتكلم بعمق في مواضيعنا ..

المدير : حسنا ..

حط المدير يده على كتف طلال : تفضلوا من هنا

بدوا يمشون بس وقتها لااراديا شبك راكان يده بيده طلال .. هذا الشيء خلى طلال يقشعر

طلال: شصار ؟

راكان : خلك كذا لين نوصل

استغرب طلال من حركه راكان بس ماشال يده ولا فكر يشيلها ابد ....

...

كانوا يتمشون بأنحاء لوس انجلوس ويسولفون عن الاماكن وغيرها ...

ليث : فهد شرايك نروح هذاك الكوفي ؟

فهد شبك يدينه بيد ليث وراحوا للكوفي وجلسوا هناك ..

كان فيه شخص بجنبهم .. كان عمره قريب من عمر فهد شكله ملفت ..

الشخص يتكلم في جواله من شخص اخر: اهلا .. هل حددتوا شخصيتي بفلم ****** حسنا اوافق على العمل ..

لف فهد وليث له يوم اكتشفوا انه راح يمثل مع راكان بنفس الفلم..

فهد : اهلا ..

زياد لف عليه: اهلا بك..

فهد : ملامحك عربية هل انت

زياد قاطعه : من السعودية .. مبينه لهجتك اساسا

فهد : اوه تشرفنا .. انت من الممثلين بفلم ***** ؟

زياد: مااقدر اقول معلومات نفس كذا

زياد لف لليث ولفته شكله الطفولي وخدوده اللي كانت محمرة من البرد .. كان ليث يشرب كوفي وغص يوم شاف عيون زياد عليه...

ليث : معليش السلام عليكم ..

زياد : وعليكم السلام .. انتم بالفلم ؟

فهد : لا خوينا هو اللي بيشارك ..

فهد قفل فمه نسى انه مفروض مايقول معلومات نفس كذا ..

زياد ابتسم على شكله : ماعليك انا بعد بالفلم بس لاتقولون لحد عاد...

فهد : تفضل معنا بطاولتنا