أحببتك في الظلام

Part 5

-عند ليث وسليمان-

تميم : انا معكم بالقاعة ... اسمي تميم

ليث : والنعم

تميم : ماعليك زود انت ليث صح؟

ليث : ايه

تميم بنظرات حقد عطاها لليث : ان شاء الله نتعرف على بعض اكثر

مشى تميم وابعد عنه وعن مجال نظرهم له

ليث بقى بتعجب تميم من وين طلع وليش يعطيه نظرات استحقار وهو اساسا مايعرفه

-عند طلال راكان-

وقفوا عند مطعم يتغدون فيه

كانوا جالسين على طاولة يتكلمون بس للحين ماتكلم طلال عن شيء يخص ماضيه وغيره

راكان : بروح اجيب الاكل انتظرني

طلال :طيب

راح راكان وطلال حط يده على خده ويفكر .. بس على طول قطع حبل افكاره رسالة انجليزيه وصلت لجوال راكان

ماكان وده يتلقف بس عيونه خانته وشاف ..بدا يقرا ويقرا وخلص الرسالة وكانت الابتسامة على وجهه من الرسالة

اخذ جوال راكان وحب يفاجأه

بعد 5 دقايق وصل راكان وحط الاكل وشاف ابتسامة طلال الفاتنه

راكان : دوم الضحكة

طلال : تديم ايامك

راكان بدا يدور على جواله

...طلال رفع جوال راكان : تدور جوالك ؟

راكان : اوه معك

طلال : مستعد ؟

راكان :ل وش ؟

طلال :وصلت رسالة بالانجليزي وبقراها لك طبعا بقراها بالعربي طيب

راكان استغرب : طيب اسمعك

طلال : اهلا راكان ... لقد رأينا تجاربك لتقديم الفلم وعند مشاوراتنا واخيارنا من 2500 شخص متقدم لشخصية رئيسية بالفلم لقد قبلناك وستنبدا التمثيل باليوم المحدد في الرسالة وسنتناقش عن جميع الامور الاخرى وجها لوجهك .. واخيرا نهنئك لهذا الدور فلا يأتينا عرب كثيرون في هذا المجال ..

راكان كان طاير من الفرحة بالاخير التمثيل كان حلم من احلامه

راكان بحماس :تتتتتتتكذبببب ورررررررررني