أحببتك في الظلام

Part 1..

"يوم الاحد"

صحى الكل من النوم الصبح بعضهم يستعدون لحياتهم الجامعية الجديدة ولأول يوم فيها

والبعض كان متعود على الجامعة ويستعد لها

-عند طلال-

قام طلال على صوت المنبة اللي كان موقتة بدري عشان يتجهز

ماكان يبي يكون شكله مو زين بأول يوم بالجامعة

غسل وجهه وفرش اسنانه ولقى ملابسه مجهزه بالدولاب من امس

لبس ونزل يفطر

-عند ليث-

قام بعد من رسايل طلال عشان مايبيه يتأخر باليوم الاول لهم

قام وماله خلق احد لانه يكره قومه الصبح

غسل وجهه ورجع يتمدد 5 دقايق في السرير وبعدين جلس على الجوال ويشرب موية

-عند سليمان-

سليمان كان قاعد بدري بعد وماخذ شور وحاط المنشفة على خصره

كان قدام المرايه يرتب نفسه ومشغل اغنية هادية وكان يحرك جسمه على الحانها

نزل المطبخ واخذ تفاحة وبدا يسولف مع طلال وليث بالقروب

..

-بالقروب-

ليث : عيال بمركم الحين عشان نروح تعرفون مانبي احد يضيع ونجيب العيد من البداية

طلال + سليمان : طيب

لبسوا احذيتهم وتعطروا والكل ينتظر ليث

"معلومة ليث الوحيد اللي يسوق بينهم"

-عند راكان-

قام من النوم وكان بس عليه البوكسر مع جو غرفته البارد

غسل وجهه وفرش اسنانه ولبس ورتب نفسه ونزل

لقى امه مجهز له الفطور وكل شيء

ام راكان : هلا حبيب امك صباح الخير ياقلبي

راكان : هلا يمه صباح النور

ام راكان : كيف حماسك للجامعة ياوليدي اول اليوم ؟

راكان : نفس كل مرة احس مافيه تغيير ونفس الروتين اتنمى تصير اشياء تحسن السنة هذي