Agad ko naman iyong ipina-photocopy at ni-distribute sa mga kasama namin. After that ay bumalik ako sa office ni Raydin at naglagay ng isang tasang kape sa kanyang table.
"Coffee ninyo, sir." Sabi ko.
"Bakit ba ikaw nakiki-sir? Just call me by my name, hindi ako sanay." Sermon niya sa akin.
"Nagagalit kasi sa akin sina Cherry at yung ibang mga boss. Dapat daw i-sir kita." Paliwanag ko sa kanya, tama naman sila. Mataas ang posisyon ni Raydin kung kaya't dapat lng tawagin siya sa kagalang-galang na paraan.
"Sino ba mas boss? Ako 'diba? Tawagin mo na lang ako sa first name ko. It's not a request, it's an order." He said at napabuntong hininga na lamang ako. Bumalik ako sa working place ko at nagsimula ulit na mag-type.
"Uy birthday ni Rose, in-invite ka ba?" Tanong ko sa kanya.
"Yeah, but I declined. Masyadong maraming gagawin." He said.
"Alam mo, ang KJ mo," Naiinis kong sabi sa kanya. "Alam mo paminsan-minsan kailangan mo ring huminga from work. Always have fun kasi mami-miss mo ang mga important events in life." Paliwanag ko sa kanya.
Isa pa 'yang turo ni papa, huwag daw ako magpasakal sa trabaho. I-enjoy ko lang daw. Minsan daw kasi ang happiness nasa harap mo na pero hindi mo nabibigyan ng pansin kasi naka-focus ka lang sa trabaho.
"Bakit, pupunta ka ba?" Tanong niya.
"Oo, in-invite ako ni Cherry e." Sabi ko sa kanya at napatigil siya sa pagta-type. "May videoke e, baka magkaroon din ng kaunting inuman then kainan."
"Inuman?" Kunot noo niyang tanong at tumango-tango naman ako. OA naman ng reaksyon niya, in my nineteen years of existence dito sa earth ay nakatikim na rin naman ako ng mga alcoholic drinks kaso nga lang ay yung mabababa lang ang alcoholic content para hindi ako malasing.
"Sabay tayong pupunta." Sabi niya sa akin.
"Ha? Sabi ko kay Cherry sabay kaming pupunta e."
"Bakit, sino ba boss?"
"Ikaw!"
"So sinong masusunod?"
"I-ikaw," Okay, talo na naman ako sa diskusyon naming dalawa. "Oo na, sa'yo na ako sasabay. Sabihan ko si Cherry."
Akala ko ay magagalit pa si Cherry nung hindi ako makakasabay pero kinilig pa ang bakla nung nalaman na kay Raydin ako sasabay at super approve daw siya.
"Tiwala naman ako kay sir na hindi ka niya papabayaan 'te. At isa pa, first time sasama ni sir sa mga birthday celebration. Anong mahika ginawa mo 'te?" Tanong sa akin ni Cherry.
"Inaya ko lang siya." Tipid kong sagot dahil iyon lang naman talaga ang ginawa ko.
"Iba ang kamandag mo, Danica!" Kunwari pang umakto si Cherry na may kinuha sa sahig at iginilid ito. "Ang haba ng buhok mo girl, naaapakan ko."
"Siraulo." naiiling kong sabi at bumalik na sa office.
***
"Raydin, hindi ka pa ba tapos?" Nakadukdok na ako sa desk ko at pinagmamasdan ang paggalaw ng orasan. 6:47 na nang gabi at hanggang ngayon ay nandito pa rin kami sa office na dalawa dahil hindi pa raw siya tapos sa kanyang ginagawa.
Nauna nang umalis sina Cherry, susunod na nga dapat ako kaso ay pinigilan ako ni Raydin at pinilit akong sa kanya ako sasabay.
"Kaunti na lang," sabi niya at hindi nag-aalis ng tingin sa screen ng kanyang monitor.
"Kanina pa 'yang kaunti mo! Wala na tayong aabutan doon. Pagdating natin doon nakauwi na silang lahat." Reklamo ko sa kanya. Dapat talaga ay kay Cherry na lang ako sumabay.
Shoot 40 "Birthday Party"
Magsimula sa umpisa
