#تراتيل القدر

لقاء موعود

#تراتيل القدر
همس ليل
البارت الثاني
_ابن عمتي البنية خلصت ثالث متوسط واهلها كعدوها من ورة الخطابة .....وهمة طبعهم ماينطون الغريب...هواي اجو عليها مانطوهم.
صفنت بوجه ابن خالي هاي شلون ادبرها..
_انتو جيران تكول صار عمر مالكم خاطر عدهم..
_ مامجربين والله
_ها اتقدم... والله كريم
_والحجي شنو رايه..تعرف هو حاجز لك بنت عمك ....
منو يكول يقبل..
_احاول اقنعه..
سلمت عليه...ورجعت واني بالي مشغول شلون راح اقنع والدي....
رحت لوالدتي...كلت احجي وياها لان ادري هية ماتفضل تاخذ من بنات عمي...
حجيت وياها...صح كيفت اني ماخذ منهن...
بس حولتني على بنات خوالي...واخذتلي يومين اقنع بيها
واجى دور الحجي...رحت عصرية كعدت يمه...
وحجيت وياه...وطبعا رفض بشكل قاطع من باب ...بنت عمي صار هواي تنتظرني...
بقيت مدة واني احاول وية الحجي بدون فائدة اخر شي أياست ...
تركت الموضوع ...وبيومها رحت لبيت خالي ...جان ابالي
هاي اخر مرة افكر بيها ...
من وصلت باب بيتهم التفت لبابهم...ورغم صار شهر ونص من اخر مرة شفتها...
وكم مرة اجيت ماطلعت ...بس سبحان الله بيومها طلعت
حسيت كلبي كام يدك لشوفتها...
وقراري راح ادراج الريح...خاصة هية رفعت عينها واباوعتلي....
رجعت للبيت وقررت اواجه الحجي بعد مابيها مجال..
والدي كال تريد تزوجها اطلع من بيتي...
طلعت ورحت لبيت خالي...طبعا ما أكدر اتقدم بدون اهلي
بس كلت بلكت يلين...
خالي ادخل وياه..وكاله هذا عمر وزواج ماينفرض
على الشخص...انت مو عفت اهلك وديرتك علمود مرتك
وصل الخبر لعمي ...ابوي طاردني علمود بنته...
كام وعقدلها مهر عناد بينا ...واجت من جانبي
من شاف والدي شسوة اخوه..قرر يخطبلي ..
هاي العقبة عديناها ...بقت اهل البنية ...
راحت مرة خالي وامي على اهل البنية...رحبوا بيهم..
وامها ظلت محرجة لان همة عمر جيران وية بيت خالي...
كالت اكول لاخوها ويصير خير...
اجى جوابهم هية محجوزة لاقاربهم...هم ماأيست...
اخذت خالي ووالدي وشيخ عشريتنا ورحنا عليهم ...
انحرج اخوها وكال اتفاهم وية عمامي ...
وبعد عدة واسطات وجيب ناس ودي ناس
وسؤال على اهالينا ..صارت من نصيبي...
قبل ماجان اكو شي اسمه مانطي لشيعي لو لسني...ماكو هذا النفس الطائفي...كلنا مسلمين...والمذهب يبقى معتقد
هاي قصتهم يمكن الف مرة سامعتها وما املها...
صار لهم ٣٥ سنة مزوجين ...تصير مشاكل عادي مثل اي عائلة ...بس مشاكل سطحية ...
طبعا عندي اخوات اثنين الكبار اثنينهن ازوجن وبعد السقوط طلعوا برة...
سمعت صوت بيداء مرت احمد...هاي ماتبطل مشاكل
ماعرف شتريد...
_يعني مايصير البيت كله نايم براسي
_يمة هو شنو النايم براسج...اشو حظرتج للعشرة يلا تكعدين...رجلج اني اريكه وجهالجه هم...وكل الي تسوي المسح وغسل مواعين الغدة...حتى غدة اني اسويه
_عمة رجلي هو ابنج...وجهالي احفادج..شو  زينب ماتسوي شي وماتحجين وياها ....
لو لان بنت اخوج
_زينب دوام الصبح...وتنظيف البيت العصر والعشى عليها وعلى نور
_اسم الله...نور ..هية بنتج مدللة اخوتها مايكدرون يحجون وياها مو عاد انتي
_ليش ماتلمين لسانج احسلج مانخلص من هالموال اليومي..
_تفضلي هاي بنتج لسانها بطولها...حتى ماتحترم احد ..
_استغفر الله...ماما عوفيها لاتجاوبين عليها ...التفت على امي وتجاوزتها...
_اي حبيبتي مو من مستواج حتى تجاوبيني...
باوعت عليها...معقولة اكو هيج عقول ...هزيت ايدي وفتت من يمها ...اسمعها ادردم...بس ماجاوبتها
لسانها يطلع من بابا ماموجود ورجلها...حتى من يجي رجلها...وتشتكي...حجايتها مقابل حجايتنا...
ثاني يوم رحت للدوام كالمعتاد ...جنت لابسة قميص ابيض مخطط بنيلي..وتنورة نيلي كصيف من فوك وتصير كلوش من جوة..وحذاء نيلي عالي..
لكيت مجموعة من الشباب بغرفتنا...اول مادخلت للغرفة...
وحذائي يدك بالكاع...سكتوا ولتفتوا علية...
اني كلش نحرجت ...لان العيون صارت كلها باتجاهي ..
نسيت حتى اسلم ...راسا كعدت ورة ميزي
سمر...ست نور ...الاخوان واشرت عليهم ....
جانوا خمس شباب...مهندسين ويانة من الشركتين...راح يداومون ويانة ..حتى يساعدونا بالذرعات (طبعا هاي تقرير بكميات الي يتم انجازها للاعمال)
هزيت راسي ...اهلا وسهلا بيكم...
جانو يتناقشون وياها بالشغل واني مدنكة احاول الهي نفسي بشي لحد مايجون باقي البنات...
من اجوي هم رحبوا بيهم المهندسين بقوا ٣ ويانة واثنين راحو غير قسم...
الي بقوا مهندس حيدر وباسم وصلاح...
بمرور الاسابيع تعارفنا واندمجنا بالحجي وصار بينا شقة وحجي بس بدون تجاوز...ماعدا حيدر
جان كلش ثكيل ...وشقاه وية الولد بس خارج الغرفة..
مها...اكولج شعجب حيدر ابد مايحجي عن اهله..
وحتى قليل الكلام اغلب الوكت يشتغل
مها صارت اقرب وحدة لي ..تقريبا نفس طبعي
نور...ماعرف هو شخصيته تختلف عن الباقين..
_يعني شلون
_.تحسيه اثكل منهم .
_اي صح خوب صلاح كتل نفسه على رؤى
_بعده شعرفه حتى يكتل نفسه...
_يجوز يريدها فعلا
_غلطانة...يلعب هذا مبين
_شلون عرفتي
_انتبهي من ماموجودة عيونه تلصلص على غيرها
_صدك...لج الي يشوفج يكول ولا يمها
_فعلا...مو يمي ...بس اني اميز الاخرين هاي ميزة عندي
باسم....ست نور اني اعرفج من زمان ...اجى صوته يقاطع حجينا...
_مين تعرفني...
_انتو من اجيتوا للاول احنة جنة ثالث...حتى اذكرج ...واذكر كروبج..حتى جنتوا اربع ولد وبنيتين وماتمشين وية غيرهم...
التفت شفت حيدر منتبه للحجي ...وراسا رجع نزل راسه وركز على شغله...
_عذرا هي القسم جبير واكيد مراحل قبلنا فاماذكر الكل...
_اكيد.
يوم جنت بالحمامات...من رجعت سمعت صوت صياح...
دخلت لكيت حيدر يتلاغى وية شخص...عرفت بعدين
هذا مقاول...
كلش عجبني اسلوبه ابد ما انطى مجال للمقاول يتجاوز وياه
وكفه عد حده....
من طلع المقاول ...بقيت صافنة عليه وهو يحجي بعصبية وية باسم عن المشكلة...
جان متوسط الطول...شعره اسود طوخ ... لحية خفيفة وعيون سود وساع كلش من نوع مكحلة رباني...
جسمه مرتب مال واحد رياضي...
_وين صافنة...
انتبهت على مها تحاجيني ...
_لا هيج ماكو شي
_ميفيدج..
_منو
_الصافنة عليه
_ههههه..لا راح بالج بعيد ولا يمه بس اول مرة انتبه عليه...واشوفه غامض
_وخلي تكون اخر مرة...صدك نور انتي حلوة ومو قاصرة وهاي صار كم شهر من داومتي كم واحد حاول يتقرب لج وانتي اصديه
_يمعودة يريدون يلعبون...الي نيته صافية يدك باب بيتنا
_ها...لعد الي توسطوا يم رئيسة القسم ويريدون يتقدمون لج شنو
_ماشفت بيهم واحد مناسب
_كلهم...والله ياخوفي على عنطزتج هاي ...راح توكعين وكعة قوية
_يلا يالمنجمة كومي خلي نشتغل احسن...
بعدها كم يوم قسمونا فرق صرت اني وباسم وحيدر سوة نشتغل...
_ست نور انتي وية فريقنا ...اي شي تحتاجين حاضر..
جان هذا باسم...
_يسلم استاذ باسم..ماتقصر..
_ممكن نبدي هسة ...نخلي جدول شلون نبدي عملنا
التفت على حيدر...هذا شبيه شايف نفسه....
طبعا حجيتها بكلبي...
وبدينا نشتغل بمرور الايام اني جنت اراقب شلون يحسبون واتعلم...
_اذا ماتكدرين وصعبة عليج اني اشتغلها...حاجاني باسم...الي جان يحاول يتقرب بكل الوسائل
وقبل ما اجاوب....جاوبه حيدر
_اول شي خلص شغلك..وبعدين اشتغل شغل غيرك
_تعرف هاي يراد ممارسة للي يحسبها...وهية جديدة
_تتعلم عوفها وكمل الي بيدك
باوعت عليه واعصابي فايرة...
طلعت من الغرفة للحمامات...
_شبيج طلعتي هيج سريع
_ لج مها هذا ماعرف شبيه وياي..
_منو
_صخمان حيدر
_شسوة صخمان...وهية تضحك
_شنو يضحك...لج ينطيني وين شغل صعب...
ومن باسم يريد يساعدني ميخلي...
وحتى ماخلاني اشكر من الولد ..
_على كيفج ليش هالاعصاب...الي يشوف هدوءج بالتعامل...مايتوقع هيج اعصاب عندج
_كلشي له حدود ...وهذا يدوس بطني ...
_تجاوزيه
_هو هم هيج
رجعت للغرفة خلصت الشغل الي بيدي وانطيته لباسم
وطلعت للبيت...
نمت حتى بدون غدة ...ومن نزلت العصر
_اليوم شبيج حتة غدة ما تغديتي
_ماكو شي ماما ...تعب شغل...هسة اتغدة..
_لو ندري الشغل هيج يخليج هادئة ...ونخلص منج...جان من عمرج اربع سنوات شغلناج...
محمد حجى وهو ديدخل للمطبخ...
_ليش شايفني اكطع بشعري لو بهدومي...وبعدين شمسويتلك يابة ...وكفت متخوصرة له
_اي هسة اظهري على حقيقتج
_ياحقيقة محمد افندي...على الاقل مو مثلك جنت اسوي كل مصيبة ولا اختها....
تذكر لو اذكركك..
_طبعا حافظتهن ...لان اذاعة موتكارلو جنتي ...كلشي تركضين تفتنين للحجي
البلبل الفتان يعيش على الاغصان
كام يغنيلي ....وامي وزينب يضحكون ...نحرك دمي ..
تمشيت للسنك موجود كلاص عصير محضرته ماما..
اخذته وهو ديكعد على الكرسي درته على راسه...
وشليع ركضة ...سويت الدرج بايتين ..
اسمع ركضه ...بس مالحك لان لحد ماصحى من الصدمة..
اني وصلت للغرفة ...وقفلتها علية...
_شنو راح تباتين ماطلعين من الغرفة سهلة عليج
طبعا اني ومحمد روسية...ورغم هو اكبر مني...بس شقانا ماله حدود...
بقيت افتر بالغرفة ...وبدة الجوع يكرصني ...طلعت الموبايل...جان ماصار هواي داخل للعراق وماعندي نت بس العاب خفيفة...
جنت احاول الهي نفسي...ساعة وطكني حيل الجوع
خليت اذني على الباب ماكو صوت ...دكيت على زينب
_الله عليج رجلج موجود
_هههه...لج رجلي اخوج....لا طلع
_اذا طلع موجود...انتي تنكتلين
طلعت بسكوت ونزلت اسويلي لفة...
_هية هاي سواية...اجى صوت امي
_لعد ما حجيتي وية ابنج
_ماما اخوج اكبر منج مايصير هيج تتعاملين وياه
_عادي اشاقة مو فد شي
ما احس الا واحد لزمني من علبتي....
_وكعتي ...اليوم شيخلصج
_اخ...محمد الله عليك دتأذيني
_ماما عوف اختك
_خلي اصفي حسابي وياها
_والله اليوم ولا اعوف مرتك
_هية شعليها
بهاللحظة طبت بيداء..والجهال اجو يركضون...
_عمو عوف عمتو ليش هيج..
_شنو جهال هيج اربع وعشرين ساعة تتناكرون...
جانت بيداء تحجي وتعوج بحلكها
_هسة انتي شعليج...
هزت ايدها وطبت لغرفتها...
والجهال بعدهم مجلبين بمحمد...
_عجبكم الوضع ...هسة باجر تسويها اغنية يم اهلها...
_ماما هية بكل الاحوال ماتسكت...اخ...ليش كفختني
_عيب مرت اخوج الجبير.
كال هاي الحجاية محمد وطلع...وطبعا تعرضت لخطبة طويلة من نبع الحنان...اني كاعدة على ميز الطعام ...هية تحجي واني اكل واهز براسي...
بس صراحة بالي بعيد عنها....بالي يم حيدر
ليش هيج يتصرف دائما بنرفزة وياي....
وية غيري يحجي ويضحك ومن يجي يمي ....
يتلبس شخصية ثانية...
ثاني يوم رحت للدوام...اول مافتت صبحت...
حسيت الجو مشحون نوعا ما...
من تقدمت حتى اكعد يمهم حتى نبدي شغلنا...
باسم جري كرسي ...شفت حيدر باوع صفح له
_ست نور ...شغل البارحة وينه
_انطينه لاستاذ باسم
_اي مو نطيته لك حيدر نهاية الدوام
_داحجي وية الست ...فرجاء استاذ باسم ...خليها هسة تجاوب...ليش لاستاذ باسم سلمتيه
_هو شنو استجواب...شغل وسلمته...
_رجاء ست احجي باسلوب احسن من هيج
_شنو قصدك ...ماعندي اسلوب بالحجي
_مو هذا قصده ست نور... حيدر شنو الموضوع
_مو كتلك لا تصير محامي باسم ...عدها لسان وتكدر تحجي
_شنو قصدك...ها ...
اني كلش توترت من حجي ....وحسيت هو يتعمد يستفزني
عفت الغرفة وطلعت....
وصلت الحمامات ..طكيت بجي ....اول مرة واحد يدوس
هيج وياي وباسلوب تحسه تحدي على استفزاز
غسلت وجهي...اني ماكنت اخلي مكياج اكثر من طبقة خفيفة باودر ..لان بشرتي حنطي وصافية واخلي كحل
فما هتميت من غسلت ....
رجعت للغرفة وكعدت على ميزي واني متوترة والنوب مها جانت مجازة..
_ممكن ست تجين حتى نخلص شغل ...تاخرنا
رحت واني ما اريد انطيه فرصة على نفسي...
من كعدت حاولت ما ارفع عيني له ....
بس من دينطيني اوراق الي صحح عليها ...
لا اردايا رفعت عيونب واني حاول اشوف على شنو ديأشر....
شو هذا صفن على وجهي...ونطاني الاوراق وطلع...
_ست نور...ترة حيدر هو حدي بالشغل...لا تنقهرين منه
_لا عادي مامقهورة
_ليش باجية ...
_لا ماباجية منو كالك
_اللمعة بعينج مال دموع...بس شنو كل واحد يبجي هيج يحلو...
_اشكرك على المجاملة ...
_يامجاملة...لازم ماتعرفين درجة جمالج
_رجاء استاذ باسم.....راح اخذها من باب المدح مو غير شي...خلي نكمل الشغل
رجعنا نشتغل واني ابالي معقولة أنقهر لان لاحظني باجية
لان شفت نظرة عينه المتفاجأ....من شاف عيوني
لا شينقهر غير لو عنده احساس اول.....
وللحكاية بقية