Graveyard Love story

Chapter 15 - (CAUSE I'M LEAVING)

"Ahehe titigil na po." Haist ang brutal ni Kuya. Makakain na nga lang.

After kumain, ako na ang naghugas ng pinagkainan, masipag kasi ako. Then nanuod ako ng TV while texting my bestfriends na uuwi na ko bukas. Natuwa naman sila sa ibinalita ko, excited na raw silang makita ulit ako. 

No'ng medyo malalim na ang gabi naisipan ko ng magdinner and then umakyat na ako sa taas para magshower. No'ng nahiga na ko sa kama,  I drift off to sleep.

-

Nagising ako sa pag-ring ng phone ko, kinapa-kapa ko siya sa tabi ko at no'ng nakuha ko na sinagot ko na agad ang tawag. Hindi ko na tiningnan ang caller ID dahil nakapikit pa ako.

(Good morning Singkit!) Sino pa ba ang tatawag sa akin ng ganito kaaga, walang iba kundi si Kurt. Saka siya lang ang tumatawag sa akin ng singkit, lately.

"Ikaw pala Kurt, good morning din," medyo inaantok kong sabi.

(Antok na antok ka pa sa boses mo ah, dahil diyan dapat bumangon ka na at mag-almusal.)

"E later na," ayaw ko pa kasing bumangon at saka hindi pa naman ako gutom. 

(Ganoon ba? Kawawa naman 'tong almusal mo, kanina pa kasi to naghihintay na pagbuksan mo ng pinto. Saka medyo nangangawit na rin ako.)

Napadilat ako ng wala sa oras at napatingin sa pinto "Na-nasa labas ka?" natataranta kong tanong.

"Ahmm figure it out," cool niyang sabi, pustahan naka-ngisi 'yan si Kurt. Arg!

"Si-sige. Basta wait lang," sabi ko at agad akong bumangon sa kama para magsuot ng bathrobe. Kinuha ko siya sa banyo dahil naka-sando lang akong manipis at short-shorts. Naghilamos at nagmumog ako ng mouthwash, mahirap na baka amoy panis na lamay ang hininga ko. NAKAKAHIYA KAY KURT!

Pagbukas ko ng pinto bumungad sa akin ang gwapong nilalang, emegesh ang ganda na ng umaga ko.

"Ahm.. pasok ka na!" Medyo nahihiya na naman ako. Hindi ko talaga maintindihan ang sarili ko, minsan ang komportable ko sa kanya pero may mga pagkakataon ding halos umurong ang dila ko.

"Breakfast in bed," ear to ear ang ngiti niya no'ng nagsalita, hawak niya ang isang tray na may fried rice with egg and burger steak. Plus isang baso ng gatas.

 Naupo na kami parehas sa kama, hinayaan ko lang na nakabukas ang pinto. 

"Hindi mo naman kailangang dalhan ako ng almusal dito sa kwarto," sabi ko. Nag-abala pa kasi siya. Tapos pinaghintay ko pa siya sa labas.

"Hindi nga kailangan pero gusto ko. Ako nagluto niyan kaya kumain ka na. 'Wag na madaming arte."

Tumingin ako sa kanya "Salamat, tara saluhan mo ko."

"Para sayo 'yan kaya ikaw lahat uubos niyan, tapos na rin akong kumain." Tinaas pa niya ang dalawang kilay niya para makubinsi ako.

"Sige na nga," 'yan na lang ang sinabi ko at nagsimula na kong kumain. 

"Sasama pala ko mamaya sa paghatid sa iyo sa airport."

"Talaga?" bigla akong na-excite sa sinabi niya, ayan tuloy may tumalsik na butil ng kanin sa harap niya.

"Ay sorry," agad kong sabi. Tsk bakit ba kasi pinahalata kong na-excite ako. Hmp kasi naman hindi ko inaasahan na sasama pa siya sa paghatid sa akin kahit na ilang beses ko din 'yong in-assume.

"Hahaha dahan-dahan kasi," patawa-tawa niyang sabi.

Nakayuko lang ako dahil ang epic ko kumain. Ayaw ko tumingin sa kanya mahalata pa niyang namumula ang pisngi ko.