Pangako (Published by Precious Hearts Romances) (Completed)

Chapter Nine

SHE TOUCHED the solitary tear na naglandas sa pisngi niya nang hindi niya namamalayan. Mula sa pagkakaupo sa settee ay tumayo siya at muling bumalik sa silid. Mukhang wala siyang magagawa kundi ang pagbigyan si Consuelo sa pagnanais nitong makausap siya. Then Jake was right, matapos niyang makausap ang matandang babae ay babalik siyang muli bukas na bukas din. Marami siyang dapat na asikasuhin para magtagal sa Lucban.

Dinampot niya ang telepono upang tawagan si Emma at ipaalam dito ang plano niyang lumabas ng Maynila sa gitna ng katiyakang maraming kliyente ang aasikasuhin niya bukas.

PAGDATING ni Jake kinabukasan ng umaga'y bihis at handa na siya. Original creation ang soft yellow slacks and blouse na suot niya. Christian Dior ang shoulder bag at ganoon din ang Christian Dior sunglasses niya upang hindi gaanong mahalata ang pangingitim ng mga mata dala ng hindi pagkatulog ng sinundang gabi.

Crazy it may seemed pero tiniyak niyang mag-aayos siya nang ayon sa totoong siya.

"You're ready!" He faked the surprise on his face. "Akala ko pa naman ay maghihintay akong makaligo at makapag-ayos ang prinsesa."

"I want this to be done and over with nang makabalik ako agad," malamig niyang tugon.

"Designers' label all over," panunuya nito matapos siyang suyurin ng tingin. "Baka nakakalimutan mong sa bukid tayo pupunta?"

Nagkibit siya ng mga balikat. "Gusto ko ring ipaalala sa iyo, Jake Falcon, na hindi ako mahirap at wala akong damit pangmahirap," ganting-panunuya niya. Sinaktan na siya at ininsulto nito kagabi. She'll be damned kung papayagan niyang gawin uli ng lalaki ngayon iyon.

Tumiim ang mga bagang ni Jake. "Are you sure na hindi natin kailangan ng military escort patungong Lucban? Baka may nakapag-tip na kasama ko ngayon si Janine del Castillo, ang supermodel at ang isa sa mga tagapagmana ng kayamanan ng mga Del Castillo."

Binilisan niya ang paglakad. "Hindi ba't mahusay ako sa pagbabalatkayo, Jake?" ganti niya kasabay ng pagpasok sa elevator.

"Yeah," sang-ayon nito kasabay ng pagtiim ng mukha.

Pagdating sa parking lot sa basement ay nilinga niya ang BMW niya. "Let's take separate cars," wika niya rito at akmang lalakad patungo sa kotse nang hawakan siya ng lalaki sa braso.

"Wait a minute," pigil nito. "Totoong pickup lang ang sasakyan ko pero four-wheel drive at air-conditioned, Janine. Hindi ka maiinitan at kahit papaano'y komportable rin..."

"Hindi iyon ang ibig kong sabihin," aniya na hindi pinansin ang pagbaon ng kamay nito sa braso niya. "Pagkatapos kong makausap si Consuelo'y babalik ako kaagad sa Maynila. There's no need for you to bring me back here."

"Sinundo kita dito, ihahatid kita dito," wika nito sa pinal na tinig at hinila siya patungo sa four-wheel drive pickup. He was literally dragging her inside his vehicle.

Nang isara ni Jake ang bahagi ng pinto niya at pumasok na rin ito sa driver seat ay pinigil ni Janine ang sariling magprotesta. At habang unti-unting lumalabas ng basement ang sasakyan ay nakadarama siya ng pangangapos ng hininga. So this is how it feels to be claustrophobic.

Hindi niya gustong ma-confine sa loob ng sasakyan kasama si Jake sa durasyon ng mahabang biyahe patungong Lucban. Natatakot siyang mahalata nito ang talagang damdamin niya. Funny that she still felt this way when she met a lot of attractive men in the last five years. Men that are so willing to love her and marry her kung binibigyan lang niya ng pagkakataon. Hindi siya nawawalan ng boyfriend. And Matthew being one of them.